Matayo 4:12 - Biblía Axweesantá Hhohho' ar Mungú 2004

¹² Yesu ngiwa axaás adór Yohane kura tseék, iri kií/ ay yaamaá Galilaya.

Ya/abtór hho' 1977

¹² Yesu ngiwa axaás gídaabá Yohana kwa tseék, iri kií/ ay yaamaá Galilaya.

Matayo 4:12 Iomraidhean Croise

Matayo 11:2

Yohane kángw tlehhema'aá Kristo aa tleéhh nguwa axaás, baraá doó tseegamór wa ale, eeharuuseerós gari ya/aáw amór Yesu as kuwa yaahasi,

Matayo 14:3

Asma aáng Herode Yohane guna óh guri tseék, guri dahaás baraá doó tseegamo as Herodia, harér Filipo hhiyoó Herode.

Marko 1:14

Tam alaá Yohane kuwa tseék, Yesu iri Galilayár káy, Ya/abtór hho' ar Mungú gari alki/iít,

Marko 6:17

Asma Herode muu guna ya/aáw, Yohane kuri óh, kuri tseék. Gár adoorí ngisa tleéhh a as Herodia, harér Filipo hhiyoó Herode, tidá' Herode aa duúx.

Luka 23:5

Inooín tari ló'wa buúhh axweesanto, ta kaahi, «Inós i tlaahhír qamín dír muko ar intsaahhatimisuuwós, iimír Galilaya ay Yudea sleémeero tam ay amoorí.»

Luka 3:20

Yohane kuri tseék nee Herode as iigahhaatadá'. Gawaá adoorihe Herode tlakweemaawós gina doók.

Luka 4:14

Yesu iri kií/ ar /uuruú Qeeruú hhoohhoó' oo Mungú, iri Galilayár káy. Kaangós umuúqo diiro kuri axaás baraá yaamuudae.

Luka 4:31

Yesu iri aweér ay Kapernaumu, gixsár yaamaá Galilaya, giri intsaahhatimís deelór Sabaátoro.

Yohana 1:43

Looitleérose Yesu iwa Galilayár keemuú wa slai, Filipo guri ár. Yesu guri báy, «Aníng eeharáng.»

Yohana 2:11

Layaarí Yesu aa tleéhh amór Kanár Galilayár wa ale, a layaarós ar har geera. Xirfuuwós guri geehhooatís, nee eeharuuseerós guri haratlintí'.

Yohana 3:24

Asma qoomaadae Yohane kwaa tseegiiká.

Yohana 4:43

Alaá deeloodá' tsare iri tláy didae ay Galilaya.

Yohana 4:54

Gaarí a layár tsár ar Yesu aa tleéhh qoomár iwa yaamaá Yudeár dahhi, iwa Galilayár i hardáh.