Matayo 3:8 - Biblía Axweesantá Hhohho' ar Mungú 2004

⁸ Tlehhma'aá hhu'u'ungwhúng ngu laqaqamá' na tleehhaak.

Ya/abtór hho' 1977

⁸ Tleehhaak muruú hhu'u'ungwhúng gu laqaqaám, gídaabá aga warqeeré' baraá lohuhunge.

Matayo 3:8 Iomraidhean Croise

YEREMIA 26:13

Gimsé', hám daxta hotaahúng gan'aasaak, nee tlehhmi'iihúng gan'aasaak, nee afór AAKOÓ MUNGÚ Munguúhúng iialooeesaak. Adoorí bar aga tlehhé', AAKOÓ MUNGÚ inslawaywós gu warqees, nee amotlakweedá' aa uín ngi huwiiká dirhunge.

YEREMIA 36:3

Doóqa múk Yuda amotlakweedá' ni dir'ín i tleehhár wa slaa' ka axaas, as umuú heewo tlakweemaawós ngiwa may as kahhó' án dakuúsar'ín nee tlakweemaine ngiwa gurtlaw.»

Matayo 21:32

Asma Yohane nina dirhúng i hardáh ar loohír gan'amu, kuungá' kuri haratlinti'i'iiká. Ohomuusér koódi nee tsaatuuseero kuri haratlintií'. Kuungá' adoodá' kawa aandé' tam sleeme aga hhu'u'uundi'iiká as kuwa haratlintia'.»

Luka 3:8

Tlehhma'aá hhu'u'ungwhúng ngu laqaqamá' na tleehhaak. Slám ma baraá munerhúng i kaahara', ‹Abrahamu a baabuúrén.› Án a kah, Mungú ga aleesláy tlaa/eeká' ngiwa na/aá Abrahamu tleehhi.

Tlehhema'aá ya/Abuuse 26:20

Án kángw Mungú una alki/iít har geeraawo dír múk Damasko. Aluuwo baraá Yerusalemu tin wa alki/iít, nee baraá yaamu sleémeero awa Yudea, nee dír múk xoordu sleeme, as tawa hhu'u'un nee Mungú kuwa i warqay, nee tlehhma'aá nee hhu'u'ungw'ín ti slawá' kiwa tleehhi.

Efeso 5:8

Asma aáng kuungá' a giwti, ala hamí a gwa/aateema asma kuungá' tawa múk Aako. Hooté' adór múk baraá gwa/aateema kuwa hariím hotaango.

Efeso 5:9

Asma didár gwa/aateema i dirii'iya' gár tleehharumiit a hhooeema sleémeero nee gan'amu nee looeema.

Filipi 1:11

Nee kuungá' tundu hatsiis gan'amuwo, kudá' Kristo i tlehhiiti baraá munerhúng wa ale, as ilaiwa/amér Mungú nee xirfuuwós.