Matayo 3:7 - Biblía Axweesantá Hhohho' ar Mungú 2004

⁷ Múk yaariír oo Farisayo nee oo Sadukayo kuna i daqáy, as ngiwa baatimiisi. Ala Yohane ngiwa ár giri báy, «Kuungá' xwaylár dáyshe, heé kuungá' naa gurbuu' sakwasleemár hi'iit kawa ilagogoba'?

Ya/abtór hho' 1977

⁷ Múk yaariír oo Farisayo nee oo Sadukayo kuna i daqáy, as ngiwa baatimiisi. Yohana ngiwa ár giri báy, “Kuungá' xwaylár dayshe, heé kuungá' naa gurbuu' sakwasleemár hi'iit kawa ilagogoba'?

Matayo 3:7 Iomraidhean Croise

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

AXWEESANOÓ SAGALOOA 28:4

Mukdá' dabér siasií', múk tlákw gun xirfayeemiis, Ala kudá' dabér uhimá' nee múk tlákw tin ayá'.

ISAYA 59:5

Kuungá' a adór múk qanhhár dayshamoó umiím, tidá' dayshamo gu piqmiis. Kuungá' neewór hibambo an tlehhaahhitá' heé qanhharhúng /aáy i gwaa', ganhhír wák barka gaás gár ti'iit a dayshamo.

YEREMIA 51:6

Baraá Babulonír wa /akumiitaré', umuú heewo slaqwtós ngi tu/i, mutunduwa hhaamiís baraá sakwasleemarós, asma qoomaarihe AAKOÓ MUNGÚ i li/oó bu'ún, yaamuudá' gin sakwasleemuut ar adoodá' iwa harina'.

YEREMIA 6:10

Xáy, heé ni ádbaw a heemá oo gi gurbuú' as tawa axaasi? Ga/aaweek iaaín naa giwiyé' ya/abtor'eé' axaasaro ngi aleeslay'aaká, Axweesantá AAKOÓ MUNGÚ dir'ine a gár waaqa'atiit, ngi i qwalaala/iaaká.

Matayo 12:24

Ala múk Farisayo adoodá' ngiwa axaás tari oó', «Kwí bir neetlaamér duxun, gár ngir duxun a /uuruú Neetlángw úr kudá' ta bay Be'elsebuli.»

Matayo 12:34

Kuungá' xwaylár dayshe, kuungaásingá' tlakw, adór axweesanoó hhó' kur axwesá'? Asma hee gár i axweesi a tidá' muunaáwós iwa hatsi.

Matayo 15:12

Eeharuuseerós guri i daqeér guri beér, «Kuúng aga tsáhhi, múk Farisayo /aymuudá' nguwa axaás adór tara buúhh?»

Matayo 16:1

Múk Farisayo nee múk Sadukayo Yesu kuri i daqáy as kuwa iiari, kuri firín layár gawaá dooraá daahh ngiwa laqan.

Matayo 16:6

Yesu iri oó', «Qaytsité', ti harmagahhe' nee gadaádá' ta mikaátér sluuftimiisi ar múk Farisayo nee ar múk Sadukayo.»

Matayo 22:15

Aluuwo múk Farisayo iri tláy, tari al'axweés adór Yesu kur oohi ar /aymi'iiwós.

Matayo 22:23

Baalaadae múk Sadukayo, mukdá' káh waasle/ i kaahh, Yesu kuri i daqáy, kuri yaahaás,

Matayo 22:34

Múk Farisayo ngiwa axaás adór Yesu múk Sadukayo ngura xasltís, tari dinkwár wa axweés.

Matayo 23:33

Kuungá' a dayshe, slám a na/aá daysheedá' uren. Kuungá' sakwasleemár baraá asltá baloó gwa'aaká adór kar ilagoba' a adoomá?»

Matayo 5:20

Án a kah, slafingwhúng barnaxes ku hhohhoeeká ta slafíngw intsaahhatuusér hara'ayár Mosewo nee múk Farisayowo, kuungá' a baloó data'aaká baraá waawuti'iimár dooriiwo.»

Marko 12:13

Múk Farisayo bahh'alé nee oo Herode kuri amór Yesu i ya/aáw as kuwa yaahamiisi ar iiara, as kuwa oohár wa slai.

Marko 12:18

Múk Sadukayo kudá' káh, waasle/ i kaahh, Yesu kuna i daqáy, kway yaahaás, ta kaahi,

Marko 8:15

Yesu giri gurbuú' giri báy, «Ga/aawaak, ti harmagahhe' nee gár ta mikaátér sluuftimiisi ar múk Farisayo nar múk Herode.»

Luka 16:14

Mukduú Farisayo tidá' Yesu aa oó' sleémeero ngiwa axaasiyé', kuna niqín, asma inooín tawa kudá' peésár sla'á' ló'wa ale.

Luka 18:11

«Heé Farisayo ina sihhiít, iri adoorír firín kilós alé, ‹Mungú, án kuúng u sluufmiís, asma aníng a adór múk hatlaeeká, a adór fisuuseerooká nee adór al/aymuuseerooká nee adór fuquuseerooká, laqaá a adór ohomusmoowú koódirooká.

Luka 7:30

Ala múk Farisayo nee intsaahhatuusér hara'ayár Mose sla'aaridár Mungú daanduuine kana sií', asma inooín baatiísmoó Yohane kwa ya/aniká.

Yohana 1:24

Mukdá' taa ya/aáw amór i dahhi a amór múk Farisayo.

Yohana 8:44

Kuungá' amór ta dahha' a amór baabuúhúng, Neetlaangw, nee ilatleerír baabuúhúng an tidá' ta sla'a' tlehhmuuwo. Inós a tsu/utusmo iimír iimu/uungo, tam aa sihhiitiiká baraá looeemá i alé, asma looeema baraawose i kahhiyá'. Bir lamtá axwees, a tós kilós gan axwees, asma inós a lamusmo nee a baabuú lama.

Yohana 9:40

Múk Farisayo bahh'alé, oo didaádií dirií', adoodá' kawa axaás, tari oó', «Ahaá, atén sleeme a taampúwo?»

Tlehhema'aá ya/Abuuse 15:5

Ala múk Farisayo bahh'alé, kudá' aa haratlintii', tari sihhiít tari oó', «A gár hariim múk xoordaá hatlá' kuwa al/uutli nee kuwa hara'ayin, hara'ayár Mose kawa eehari.»

Tlehhema'aá ya/Abuuse 20:31

Gawaá adoorihe, kuungá' dalaaé'. Ma gunqaruutara' adór aníng kuungá' sleémeero nura hara'ayiyiím ar hhirhheeri, xweera nee tlaatla/aango, baraá kureeraá tame, slám naa baloó mawiiká.

Tlehhema'aá ya/Abuuse 26:5

Inooín barka lamabu'úngw wa slaa', lamabu'uungo ka aleesláy asma iimír iimu/uungo aníng ana hoót adór heé Farisayo, kudá' hara'ayár diínirén gaa ló' wa eehar.

Tlehhema'aá ya/Abuuse 5:17

Aluuwo kaahamusmoó úr oo Mungú nee mukdá' nee inós ti alkoomá', kuduú bartá múk Sadukayo tari sihhiít, gur'e giri ohiín,

Rumi 1:18

Asma Mungú xarasleemaawós gina geehhooatís gawaá doorí wa ale daanduú múk tlakuuse nee oo aa dee/aanuut, kudá' looeema gaa sii' ar tlakweemaaín.

Rumi 5:9

Ala hamí atén taa gan'amuú i harafaár ar tseereerós. Gawaá adoorihe a ak ló'wa xuaán adór atén tar ba/amán ar inós dír sakwasleemár Munguhe.

1 Tesalonike 1:10

nee Garmaawós Yesu kuwa daamaraanda' gawaá doorí alé, kudá' Mungú aa waasle/atís baraá múk aa qaátl wa ale. Yésuuwí an kudá' atén ti ba/amís baraá sakwasleemaadá' sangw hardaha.

Ebrania 11:7

Noa a heé haratlintaaór koóm. Inós kuna gurbuú' nee Mungú daanduú muruú hardáh oo geetlaákw qoomaadae. Adoodá' Mungú aa oó' gari ilaiwawaá/, miringamo guri tleéhh as múk do'ós nguwa ba/amisi. Múk aa haratlintii'iiká kuna sakwasleemuút as haratlintaaoorós. Inós gan'amu guri sláy as haratlintaaoorós.

Ebrania 6:18

Gawaá adoorihe Mungú muruuwí tsár gwa oó', al'axweesantós nee lo'o. Muruuwí i baloó warqayká, nee Mungú lama ga baloó ooiiká daanduú muruuwihe. Ateéká' inós ugwa i guwaan, muruuwí atén tin ló'wa gurkwa/amis, as harahhifoodá' taa geeraarén i qaás kawa slawaan.

1 Yohana 3:10

Gawaá adoorihe na/aá Mungú ki geehhoo', tam na/aá Neetlaangw sleeme. Asma heé tlakweemaá tlehhaahhiít kwa laqwaaliiká nee Mungú, tam kudá' hhiyaawós ahhiít sleeme.