Matayo 28:6 - Biblía Axweesantá Hhohho' ar Mungú 2004

⁶ Diirihe i kaahh, asma aa qaroó waasleé/ adoodá' inós ngira oó'. Qwalaasé', dír kway qaatiís artá awaare'.

Ya/abtór hho' 1977

⁶ Diirihe i kaahh, asma aa qaroó waasleé/ adoodá' inós ngira oó'. Qwalaasé', dír kway qaatiís artá awaare'.

Matayo 28:6 Iomraidhean Croise

Matayo 12:40

Asma adoodá' Yona ira baraá guruú siyó wa hoót deelo tám, tlaatla/aangw nee xweeraawo, tam Garmoó Hee sleeme in baraá guruú yaamuú wa hoot.

Matayo 16:21

Iimír qoomaadae Yesu eeharuuseerós gari iimu/ún xu'utimisuuwo iwa kaahi, «Aníng gár tiwa hariím an Yerusalemúr káw, nee slahh'eemisuú yaariír nguri sláw dír bariisér wa ale, nee dír kaahamuusér uren ar Mungú nee dír intsaahhatuusér hara'ayár Mose, nee tiri gaas. Ala bál tame niri waasleé/.»

Matayo 17:23

nee kuri gaas, ala bál tame kuri waaslee/atis.» Eeharuuse adoorí ngiwa axás iri ló'wa gurhaamút.

Matayo 17:9

Qoomár niwa gawaá tloomár wa awdiitiya', Yesu eeharuuseerós gari báy, «Kaangwí taa aandé' mu baloó heé bawaara' ay dír Garmoó Hee ni baraá gi'i wa waaslee/i.»

Matayo 20:19

Aluuwo kuri qaas baraá dabaá múk xoordaá hatlá' as kuwa niqin, nee kuwa muxi nee kuri kikii'' gawaá msalaába, nee bál tám kuri waaslee/atis.»

Matayo 27:63

tari oó', «Aáko, aga inslawaán adór heedaáduú al/aymusmo qoomár iwa slafi ira oó', ‹Deelo tám bira waaráhh án ni waasleé/.›

Marko 16:6

Inós giri báy, «Ma waa/oo/amimara'. Aníng a xuú' kuungá' heé ta leelehhita' a Yesú Nasareti, kudá' taa gawaá msalaábár i kikií'. Aa waasleé/. Diirihe i kaahh. Ga/aawaak, didá' geeraawo kway qaás a diirí.

Marko 8:31

Yesu giri iimu/ún intsaahhatimisuuwo iwa kaahi, «Garmoó Hee gár kuwa hariím a slahh'emisuú yaariír gun sláy, nee kuwa siasi'i nee bariise nee kaahamuusér uren ar Mungú, nee intsaahhatuusér hara'ayár Mosewo, kuri gaas, deelo tám bira waaráhh i waaslee/.»

Luka 24:12

Ala Petro iri tláy ar ti'iingw ay dír /aanta. Iri xupuú' iri qaytsiít baraadií alé, nee gár aa ár a inqwaruudá' kura uuntsuús kilós kudá' taa tleéhh ar kitaáni. Iri kií/ amór do', i hara loohi waa/oo/amín daanduú tidá' aa tleehharuti.

Luka 24:23

ala naxés slaqwtós kaa ariiká. Tindiwa kií/ amoorén ta kaahi, ‹Malayke ana araán. Nee malaykeedá' i kat i slaaf.›

Luka 24:44

Aluuwo Yesu giri báy, «Kaangwí a kudá' naa káh qoomár niwa dinkwár i dirii' nee kuungá', niwa káh tidá' sleémeero taa gooín daanduueén i alé, baraá hara'ayár Mosewo, nee baraá gooír aaruuseero, nee baraá Wara'amto, gár iwa hariin aqo in bó/ sleémeero.»

Yohana 10:17

«As adoorí Baabá aníng i slaa', asma slafingw'eé' un haniís as nguwa malé slaw.

Yohana 2:19

Yesu iri oó', «Do'wí oo Mungú fee/aak, daqaní aníng u sihhitís har deelo tame.»

Tlehhema'aá ya/Abuuse 2:24

Ala Mungú guri gweér baraá slahha'amaayér gwa'araaro, guri waasle/atís, asma gwa'ara ar /uuruuwose gwa aleesleeriiká ilaa/aro.