Matayo 28:20 - Biblía Axweesantá Hhohho' ar Mungú 2004

²⁰ Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Ya/abtór hho' 1977

²⁰ nee ki intsaahhatimisá' kawa oohi tidá' sleémeero naa kuungí hara'ayiím. Nee ga/aawaak, aníng nee kuungá' a dinkwa deelo sleémeero ay alhhe'eesoó yaamu.”

Matayo 28:20 Iomraidhean Croise

IIMU/UUNGW 39:21

Ala tam baraá doó tseegmuuwo AAKOÓ MUNGÚ i dinkwa nee Yosefu, AAKOÓ MUNGÚ Yosefu guri tsuúq, tam geeraharusmooduú doó tsegma guri gurií baá/.

1 WAAWITÁ 1:36

Benaya garmoó Yehoyada waawutmo guri báy, «Amin, AAKOÓ MUNGÚ, Mungú, aakooeé' waawutmo, adoosíng ngi ya/an.

1 QOM'I 16:36

AAKOÓ MUNGÚ, Munguú Israeli, didi'iimisaak, iimír iimu/uungw wasle ay alhhe'eesay wasle. Aluuwo muu sleémeero iri oó', «Amin», Aakoó Mungú kuri xirfayeemiís.

WARA'AMI 46:11

AAKOÓ MUNGÚ Aleesleemusmo a dinkwa nee atén, Munguú Yakobo an dír guwayrén.

WARA'AMI 46:7

AAKOÓ MUNGÚ Aleesleemusmo an dinkwa nee atén. Munguú Yakobo a dír guwayrén.

WARA'AMI 72:19

Umuuwós kudá' xiríf ku diidi'iimiis ay alhhe'eesáy wasle. Yaamu sleémeero xirfuuwose i hatsiye' ay alhhe'eesay wasle! Amin! Amin!

TI'INAANGW 3:12

Mungú iri oó', «Aníng a dinkwa nee kuúng, layár ga laqaqaam adór aníng nee kuúng tar dinkwa a tí: Qoomár bar múk Israeli ngwa baraá yaamaá Misrír wa dúx, anuú Mungú iri gawaá tloomarí wa sluufmisá'.»

TI'INAANGW 8:27

Gár hariím aqo atén an aa'aá kawaán deelo tame baraá xaanxaay, as ilahhooár muruú ta tsu/i ngiwa haniisár awaan dír AAKOÓ MUNGÚ, Munguúrén ar adoodá' atén taa báy.»

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

YEREMIA 26:2

«Anuú AAKOÓ MUNGÚ a kah, ‹Sihhiít baraá matla/ángw Doó AAKOÓ MUNGÚ, múk gixsár Yuda kudá' baraaká' wa sluufmamiís kaangwí ti o', muruuwí sleémeero naa kuúng báw, ti o', tam ar wák ma mawaar ooaro.

ESEKIELI 46:10

Geeraharusmo nee muu tan aldah nee tan alti'iit nee muu sleeme.

Matayo 1:23

«Ga/aaweek, /amaatliito'o i tsít, na/oó garma gu xwayluúr, umuuwós kuri bay Imanueli.» gídaabárós, «Mungú i dinkwa nee atén.»

Matayo 13:49

Adoorí an adór tleehharuut bál deelór alhhe'eesoó yaamuwo. Malayke nin hardát, mukdá' tlákw guri amór saáwí parátl dír kudá' hota ganaa'a.

Matayo 18:20

Asma dír múk tsár laqaá tám i dirii'i, barnaxes taa burumburiít ar baraá umuueé', aníng a baraá tla/angw'ín i dirií'.»

Matayo 24:3

Tam qoomár Yesu iwa iwiít gawaá tloomár xaaiikaari ta babay seituúni, eeharuuseerós guri i daqeér dír tawa kilooín, tari oó', «Kangwsíng aténí ooang, axáy i tleehharuuti a xaylá? Nee layár ta araan a gaalá ar hardahamuuwók nee ar alhhe'eesoó yaamu?»

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

Marko 16:20

Inooínadá' tari tláy, Ya/abtór hho' kari alki/iít umuúqo diiro. Aako nee inooín tay al gadiyuús, /uuruú axweesantós guri geehhooatís ar layaá naa tleehharumiitiye' qoomaadae.]

Tlehhema'aá ya/Abuuse 2:42

Tari kumiít baraá intsaahhasár ya/abuusér wa ale, nee baraá dinkwár kríshaanáy, nee tam baraá muruú /aymár Aakoowo sleeme, nee baraá firooro.

Tlehhema'aá ya/Abuuse 20:27

Asma aníng adoodá' sleémeero Mungú i slai dirhúngí alki/iituuwo ngaa mawiiká.

1 Korinto 11:2

Aníng kuungá' nu xirfayeemiís as adoodá' kuungá' aníng iwa inslasleeré' baraá umuúqo gaaro, nee muruudá' sleémeero aníng naa dirhúngií intsaahhatimís ugwa eehadé'.

1 Korinto 11:23

Asma aníng intsaahhastí ana dír Aakoó wa ilaóh, nee ngiri kuungá' i oó', tí kah, Aakoorén Yesu xweeraadá' kuwa sakií/, mukaatmo guna taataáhh,

1 Korinto 14:37

Hee barnaxes ti kilós tsatsahhán iwa kaahi, «Aníng a aarusmo», laqaá, «Aníng a heé aleesleemuú Qeeru gu koóm», inós gár kuwa hariím axweesanay'eé' kwí naa dirhúngií gooiím masók gun tsaahh adór tar hara'ayár Aako.

DABE 12:32

«Umuú gár naa kuungá' bawi ti harmagahhe' kawa tlehha' ar ilakaahara, ala ma gaa doogara', laqaá ma /aaresara' baraá hara'ayaarihe.»

DABE 5:32

«Kuungá' masók ti harmagahhá' nee adoodá' AAKOÓ MUNGÚ Munguúhúng naa hara'ayín kawa tlehha', baraá kaahirose ma bihhií paranga/aara'.

Kolosai 1:28

Inós an kwí ni alki/iitaan, muu sleémeero un gurbu'uumaán. Umuúqo heewo un intsaahhatimiisaán ar sagalooa sleémeero tidá' Mungú ni amoorén i hanmiisi. Asma gár ta sla'aan a umuú heewo un amohhe'eemisaán iwa sihhiiti dír geeraá Mungú tawa heé aa kwaa/ baraá Kristoowo.

2 Timoteo 4:17

Ala Aako ina sihhiít dinkwa nee aníng, aníng iri /uurií haniís. Asma Aako gár i slai a aníng Ya/abtór hho' an alki/iít, as múk xoordu sleémeero ngiwa axaasi. Aníng tiri baraá afkú dirángw wa ba/amís.

YOSHUA 1:5

Hee tumu wák i kaahh oo kuúng u tlampa'aás baraá deelór hotaawók sleémeero. Aníng nee kuúng a dinkwa, adoodá' aníng nee Mose tara dinku'uusaán daqisleém, kuúng gár uwa /aaruw i káhh, nee u geexawaaká.

2 Petro 3:2

Asma gár kuungá' tunduwa hariím a /aymi'iidaá aaruusér aáng ar hhohho' in insleerá', nee hara'ayaadá' Aako nee Ba/amusmo aa axweés ar loohír ya/abuuserhúng.

Geehhoeemaá 1:18

kudá' slaáf. Aníng geeraawo ana gwaá', nee qaytsiít, hamí a slaáf ay alhhe'eesay wasle. Nee slám aníng gweermo a koóm ar gwa'ara nee ar baraá gi'i.

Geehhoeemaá 22:14

Múk amohhoó' an kudá' inqwaruuín gu hhuuntsiít, as kahhó' inooín tawa harín mamaá xa'anooduú slafiingw kiwa /ayi, nee tawa baraá gixsadií dahi ar afeerós.