Matayo 28:10 - Biblía Axweesantá Hhohho' ar Mungú 2004

¹⁰ Yesu iri oó', «Ma da'ayumitaara'. Tlawsé', hhaee'eé' ádbawaak, i Galiláyár i tlaye', amoodae aníng i ariyá'.»

Ya/abtór hho' 1977

¹⁰ Yesu iri oó', “Ma da'ayumitaara'. Tlawsé', hhaee'eé' ádbawaak, i Galiláyár i tlaye', amoodaádae aníng i ariyá'.”

Matayo 28:10 Iomraidhean Croise

Matayo 14:27

Yesu gina adaá i ilawaáts, giri báy, «Gur'e gawdeesaak. Hee a aníng. Ma da'ayumitaara'.»

Matayo 25:40

Waawutmo iri ooi, ‹Án a kah, umuúqo gaaro ar taa tlehhé' dír oo wák baraá hhaee'eé' kuká' ninakwe, a ngina aníng i tlehhé'.›

Matayo 25:45

Inós iri ooi, ‹Án a kah, umuúqo gaaro ar taa tlehhi'iiká dír oo wák baraá hhaee'eé' kuká' ninakwe, a ngina aníngií tlehhi'iiká.›

Matayo 26:32

Ala án binda waasleé/, án a geerií tláw Galilayár i alé.»

Matayo 28:16

Eeharuuseedá' mibaá nee wak iri tleér ay yaamaá Galilaya, ay dír tloomadá' Yesu aa dir'ín i hara'ayín.

Matayo 28:5

Malaykamo /ameenadá' gari báy, «Kuungá' ma da'ayumitaara'. Aníng a xuú' heé kuungá' ta leelehhita' a Yesu, kudá' taa kikií' gawaá msalaába.

Matayo 28:7

Kuungá' tlawsé' ar gaanslaay, eeharuuseerós ka beera', ‹Aa waasleé/ baraá múk aa qaátl wa ale. Hamí inós aa geerií tláy Galilayár i alé. Amoodae u aandá'.› Hám daxta naa ádbáw.»

Matayo 28:9

Naxés Yesu nee inooín tiri doogiyé', iri oó', «Laawaay.» Tari dirósí tseewúy, kuri ya'a' óh, kuri i tumbarara'aát.

Marko 16:7

Ala tlawsé', Petro dinkwa nee eeharuuseero ki beera', ‹Yesu aa Galilayárí giirín. Amoodae u aandá' adoodá' ngira geerií oó'.› »

Yohana 20:17

Yesu Maria gari báy, «Aníng mi kwatiitaar asma aga ki/iiká amór Baabá. Ala kiíng tláw amór hhaee'eé', ki beer, ‹Aníng a tsa/ám amór Baabuúeé', nee inós a Baabuúhúng sleeme, amór Munguúeé', nee inós a Munguúhúng sleeme.› »

Yohana 6:20

Ala Yesu iri oó', «Hee a aníng. Ma da'ayumitaara'.»

Rumi 8:29

Asma iimír aáng, inooín kiwa tleehhiiká, Mungú inooín gaa qaroó xuú', slám gaa qaroó tsawaár iwa warqaya', as tawa slaqamís nee Garmaawós. Gawaá adoorihe Garmaawós masók an garmoó baris dír hhaeewós awa yaariire.

HAR'OHUUSE 10:16

Múk Israeli munguiidaá /eetuuse kiri kwaáhh, AAKOÓ MUNGÚ nguri sagadiyuusiyé'. AAKOÓ MUNGÚ muunaáwós iri gurhamuút as slahh'amuú múk Israeli.