Matayo 27:66 - Biblía Axweesantá Hhohho' ar Mungú 2004

⁶⁶ Tari tláy, duguno kuri qaás gawaá tlaa/adá'. Askaári kari qaás as /aantadá' ngiwa xuun.

Ya/abtór hho' 1977

⁶⁶ Tari tláy, duguno kuri qaás gawaá tlaa/adá', askaári kari qaás as /aantadá' ngiwa xuun.

Matayo 27:66 Iomraidhean Croise

DANIELI 6:17

Tlaa/ano kuri afkudár tuuntuúk. Waawutmo dugunoowós guri qaás gawaá tlaa/anoodá' nee geeraharuusér hatlá' dugeeni'ín giri qás. Adoorí kana tleéhh as kahhó' Danieli mukuwa /iís tam nee hee gaalá.

Matayo 27:60

Gari qaás baraá baa'aarós ar /aben, tidá' aa foól gawaá tlaa/a as inós. Tlaa/ár yangaariir gari gwangwaraá' gawaá afkú /aantaadá' i aleeró, iri quútl.

Matayo 27:65

Pilato iri oó', «Askaári a koondá'. Tlawsé', /aanta xuumaak adoodá' kar xua'.»

Matayo 28:11

Qoomár /ameenadá' iwa tleér, askaáridá' /aantár xuum bahh'alé tari hardáh baraá gixsa. Muruudá' sleémeero aa tleehharuut kuri xu'utís dír kaahamuusér uren ar Mungú.

Matayo 28:2

Kunseelír ur niri hardát. Asma malaykamoó Aako nina aweér gawaá doorí wa aleeró. Inós tlaa/adá' gari gwangwaraá' gawaá afkú /aantaaro, iri gawaadí iwiít.

Marko 16:4

Tawa qaytsiít, naxés tlaa/adá' kana ár kaa gwangwaraá', slám ka ló'wa yangaariir.

Yohana 20:1

Bál Jumapiíliro Maria Magdalene ina amór /aantár keér matlaatlér boo/e, qoomár iimi iwa boo/ár i kahh. Tlaa/adá' gari aán naxés kaa hingeés afkú /aantaro.

2 Timoteo 2:19

Ala iimu/úngw haratlintaao aa sihhiít, kudá' Mungú aa qaroó qaás. Iimu/uungwí layár kway gooín a tí, «Aako mukós gu xuu',» nee slám «Umuúqo heewo oo umuú Aako gu ateetiím, tlakweema ngi may.»

YOSHUA 10:18

Aluuwo Yoshua iri oó', «Tlaa/aá uren gwangwara'aak baraá afkú mar'írí alé. Xuumuuse ka didií qasá'.

Geehhoeemaá 20:3

guri kwaáhh baraá bohongwdá' aa tsaree'. Bohongwdá' guri tseék, guri dugnií qaás, as inós múk xoordu munguwa malé al/agín ay dír kureeridá' kumuú wák i boo/iya'. Ala aluuwo gár kuwa hariím a kun gweer har qoomár niinawe.