Matayo 27:60 - Biblía Axweesantá Hhohho' ar Mungú 2004

⁶⁰ Gari qaás baraá baa'aarós ar /aben, tidá' aa foól gawaá tlaa/a as inós. Tlaa/ár yangaariir gari gwangwaraá' gawaá afkú /aantaadá' i aleeró, iri quútl.

Ya/abtór hho' 1977

⁶⁰ Gari qaás baraá baa'aarós ar /aben, tidá' aa foól gawaá tlaa/ár i aleeró. Tlaa/ár yangaariir gari gwangwaraá' gawaá afkwá /aantaadá' i aleeró, iri quútl.

Matayo 27:60 Iomraidhean Croise

IIMU/UUNGW 50:5

‹Án gwa'arar'eé' naa hamát. Bara gwaá', án foolaré' baraá baa'ar'eé' tidá' naa foól baraá yaamaá Kana'ani.› Daxta án pa/ángw i haniisaré' baabuúeé' nguwa foolár aw. Ala án ni kií/.»

ISAYA 22:16

‹Hariímaarók a milá diirihe? Heewók a heemá diirihe, tam /aantarók kari fól diirír gawaá tlooma? Dír hotaawók tari gawaá tlaa/a.

ISAYA 53:9

Kuna foól dinkwa nee tlakuuse, baraá gwa'araro i dinkwa nee daqaare, tam handá' sagagawduú aa tleéhh i kahhi, tam sleeme afkose /aysantá aa tsaát i kahha.

Matayo 27:59

Yosefu slaqwtá Yesu gari aweeriís, gari untsuús ar inqwaarír /awaak.

Matayo 27:66

Tari tláy, duguno kuri qaás gawaá tlaa/adá'. Askaári kari qaás as /aantadá' ngiwa xuun.

Matayo 28:2

Kunseelír ur niri hardát. Asma malaykamoó Aako nina aweér gawaá doorí wa aleeró. Inós tlaa/adá' gari gwangwaraá' gawaá afkú /aantaaro, iri gawaadí iwiít.

Luka 24:2

Naxés tawa hardáh, tlaa/adá' kaa gwangwaraá' amorqí alé dír /aantaro.

Yohana 11:38

Yesu iri amoqwaqwadín malé alé baraá muunaáwose, iri hardáh ay dír /aanta. /Aantadá' kaa baraá guruú tlaa/ár i foól, nee tlaa/ár hatlá' kari afkudí qaás.

Yohana 11:41

Tlaa/adá' kari hingeés. Yesu iri gáwtí qaytsiít, iri oó', «Baabá, án kuúng un sluufiís, asma án kuúng iga iiárií qás.

Yohana 19:41

Didaádá' Yesu kway kikii'i asalmo i deer. Nee baraá asalmoodaádae baa'ár /aben i deer, ar taa baloó heéwí qaasiiká.

Yohana 20:1

Bál Jumapiíliro Maria Magdalene ina amór /aantár keér matlaatlér boo/e, qoomár iimi iwa boo/ár i kahh. Tlaa/adá' gari aán naxés kaa hingeés afkú /aantaro.