Matayo 27:54 - Biblía Axweesantá Hhohho' ar Mungú 2004

⁵⁴ Geeraharusmooduú askaári nee mukdá' Yesu xuuma, kunseelidá' kawa axaás, nee muruudá' aa tleehharuuti, tari ló'wa da'ayuút, tari oó', «Ar ló', heewí a tsuwá Garmoó Mungú.»

Ya/abtór hho' 1977

⁵⁴ Geeraharusmooduú askaári nee mukdá' nee inós Yésú xuumá', kunseelidá' kawa ár, nee muruudá' aa tleehharuuti, tari ló'wa da'ayuút, tari oó', “Ar ló', heewí a tsuwá Garmoó Mungú.”

Matayo 27:54 Iomraidhean Croise

Matayo 26:63

Ala Yesu aa ilawatsiiká. Kaahamusmoó úr oo Mungú Yesu guri báy, «Án kuúng u baw, lo'o huweek ar Munguúdá' slaáf. Atén ti ádbeer kuúng barnaxes aqo Kristo, Garmoó Mungú.»

Matayo 27:36

Tari iwiít yaamií alé as kuwa xun.

Matayo 27:40

ta kaahi, «Kuúnguudá' Doó Mungú gu feé/, nee kuri tléhh deelo tame, ti kilók alee/is, kuúng barnaxes aqo Garmoó Mungú, aweeráng gawaá msalaábaro.»

Matayo 27:43

Inós Mungú gu haratlintatii'. Barnaxes Mungú inós ngu slaa', ngu ba/amisi hamí. Asma inós ina aaín, ‹Aníng a Garmoó Mungú.› »

Matayo 27:51

Inqwaarír baraá Doó Mungú, ar do' gwa qasis, iri tla/a feehhít gáwtá wa ale ay baraay. Yaamu nay daaraxaatiyé' as kunseeli, tla/u nay feehhamitiyé',

Matayo 4:3

Neetlaangw guri i daqáy, guri báy, «Kuúng barqo Garmoó Mungú, tlaa/anoowí i ilawatseek i muruú /ayma tleehhiti.»

Matayo 8:5

Yesu iwa dáh baraá gixsár Kapernaumu, geeraharusmooko askaári iri hardáh dír Yesu, iri oó',

Marko 15:39

Geeraharusmoó askaári, kudá' inós gura qon aa geeraawós i sihhiit, adoodá' ira gwaá' ngiwa ár, iri oó', «Ar ló' heewí a tsuwá Garmoó Mungú.»

Luka 22:70

Sleémeero tari al oó', «Gawaá adoorihe kuúng a Garmoó Mungúheéke?» Giri báy, «Kuungá' kilá' an kata' adór aníng tar inós.»

Yohana 19:7

Múk Yahudi iri oó', «Atén hara'aya a koomaán. Hara'ayaarihe inós gár kuwa hariím a gwa'ara, asma inós i kaahi, ‹Aníng a Garmoó Mungú.› »

Tlehhema'aá ya/Abuuse 10:1

De'emadaádae heeko i deer oo baraá gixsár Kaisarea. Umuuwós a Kornelio, geeraharusmoó slawtá ta bay, «Askaárír Italia.»

Tlehhema'aá ya/Abuuse 2:37

/Aymi'iiká' kiwa axaamiís, muner'ín kari kwatiít ló'wa ale, Petro nee ya/abuusér hatlá' kay yaahamiís tari oó', «Hhaeerén atén adór ta laqaan?»

Tlehhema'aá ya/Abuuse 21:32

Hamtidár kilae inós askaári gari ar tláy, nee geeraharuuser'ín, giri hara'aweér ar gaanslaay. Qoomár geeraharusmoodá' nguwa ariyé' nee askaári, Paulo kuri máy muxtaaro.

Tlehhema'aá ya/Abuuse 23:17

Paulo geeraharusmoó wák oo askaari guri ateét guri báy, «Garmaawí huweek amór geeraharusmoó úr oo askaári, asma gár i dirósí ooár wa slai i deer.»

Tlehhema'aá ya/Abuuse 23:23

Aluuwo geeraharuusér tsár ar askaári gari ateét gari báy, «Askaárír tsiire tsár amohhe'eesaak as iwa Kaisareár keer, nee ar farsúr hi'iimiit, nee slám askaarír lawlaá koom tsiire tsár. Askaárisíng ti amohhe'es iwa tleer looár tám ar xweeraawo.»

Tlehhema'aá ya/Abuuse 27:1

Qoomár hara'aya kawa oó' tawa aa'aá kawaan ar baraá tlawi ay Italia. Paulo kunguri duúx, nee mukduú hatlá' taa tsegiít, kiri qaás dabaá heeko ta bay Yulio. Inós a geeraharusmoó daqtá askaárír múk Roma, daqtadá' ta bay «Daqtá Agusto.»

Tlehhema'aá ya/Abuuse 27:43

Ala geeraharusmoó askaári Paulo guna ba/amisár wa slaá', askaáridá' gari ilaá/, adoodá' ta slai makawa tleéhh. Ala iri hara'ayín as mukdá' qumburu/umit gu aleesláw, tawa geerií /akumiiti baraá tlawi, nee ta yaamaá kaahaárí hardihi.

Rumi 1:4

Slám inós ku hhoohhoó' adór Mungú wa ale, asma inós an Garmoó Mungú. Gaarí kaa laqán qoomár inós kuwa waasle/atís baraá múk aa qaátl wa ale.

Geehhoeemaá 11:13

Qoomaadár kilae kunseeli niri hardát, bartá wák ar gixsa iri hú', baraá baduudá' mibaango awa gixsa. Múk kumér faanqw kuri tsuú/ nee kunseelidá'. Nee múk aa meet iri ló'wa da'ayuút, Munguú doori kuri xirfayeemiís.