Matayo 27:43 - Biblía Axweesantá Hhohho' ar Mungú 2004

⁴³ Inós Mungú gu haratlintatii'. Barnaxes Mungú inós ngu slaa', ngu ba/amisi hamí. Asma inós ina aaín, ‹Aníng a Garmoó Mungú.› »

Ya/abtór hho' 1977

⁴³ Inós Mungú gwa haratlintatií'. Barnaxes Mungú inós ngu slaa', a ngu ba/amisi hamí. Asma inós ina káh, ‘Aníng a Garmoó Mungú.’”

Matayo 27:43 Iomraidhean Croise

WARA'AMI 14:6

Múk tlakuuse i kángw heé liitlaákw amoqwaareemiis. Ala AAKOÓ MUNGÚ an dír guwaywós.

WARA'AMI 22:8

I kaahiya', «AAKO guna harahhiífiíke? Ala musungu gweeriiká, bar ku sla'atimis nee inós, musungu ba/amisiiká?»

WARA'AMI 3:2

Múk yaariír barta axwees daandueene ta kaahi, «Alee/isaywós i kaahh dír Munguhe.»

WARA'AMI 42:10

Baramaanuuser'eé' i /ooslisliín tlaatla/aangw sleémeero, adór inkaahhoó sooní wa ale, tawa kaahi, «Munguúwók i amá?»

WARA'AMI 71:11

Ta kaahi, «Mungú gwa geexáy, eeharaak, oohaak, asma heé gu tuú/ i kaahh.»

ISAYA 36:15

Hesekia mu ale ya/a/amaará' nuwa harahhiifórí qamiín ar AAKOÓ MUNGÚ kuwa harahhifa', iwa kaahi, ‹AAKOÓ MUNGÚ atén ti ba/amis looeemaawo, gixsarí ka hayohiiká nee waawutmoó Ashuru.›

ISAYA 36:18

Magaahhé', Hesekia kuungá' munduwa hhaáf, iwa kaahi, ‹AAKOÓ MUNGÚ atén ti ba/amis.› Xaysé' baraá munguidaá xoorduuwo, Mungú mukós ngwaa tuu/ dír waawutmoó Ashururo i deéro?

ISAYA 37:10

«Waawutmo Hesekia oo Yuda ku beera', ‹Munguúwók kwisíng ta harahhifafit mu ya/amaar uwa al/agin ar uwa babay, Yerusalemu ka baloó hayohiiká nee waawutmoó Ashuru.

Matayo 27:40

ta kaahi, «Kuúnguudá' Doó Mungú gu feé/, nee kuri tléhh deelo tame, ti kilók alee/is, kuúng barnaxes aqo Garmoó Mungú, aweeráng gawaá msalaábaro.»

Matayo 27:54

Geeraharusmooduú askaári nee mukdá' Yesu xuuma, kunseelidá' kawa axaás, nee muruudá' aa tleehharuuti, tari ló'wa da'ayuút, tari oó', «Ar ló', heewí a tsuwá Garmoó Mungú.»

Luka 23:35

Nee muu i didá' wa sihhimiit as tidá' tleehharuumiit ngiwa ga/ay. Mukdá' urén Yesu guri niqimís ta kaahi, «Muu guna ba/amiimís, inós ti kilós ba/amisi, inós bar Krístó Munguhe, kudá' taa tsawaár nee Mungú.»

Luka 23:37

Kuri babáy, «Kuúng barnaxes a waawutmoó múk Yahudiro, ti ba/amis kilók alé.»

Yohana 10:30

Aníng nee Baabá a wak.»

Yohana 10:36

Ala anuúwí taa tsuúq nee Baabá, nee tiri ya/aáw baraá yaamu, kuungá' mis babeera', ‹Kuúng a Munguú /ooslisliín,› án bar kah, ‹Aníng a Garmoó Mungú?›

Yohana 19:7

Múk Yahudi iri oó', «Atén hara'aya a koomaán. Hara'ayaarihe inós gár kuwa hariím a gwa'ara, asma inós i kaahi, ‹Aníng a Garmoó Mungú.› »