Matayo 27:35 - Biblía Axweesantá Hhohho' ar Mungú 2004

³⁵ Kikiiaro kuwa hhe'eés, inqwaruuwós kuri qasmiís ar loohír tsawdo.

Ya/abtór hho' 1977

³⁵ Kikiiaro kuwa hhe'eés, inqwaruuwós kuri qasmiís ar loohír adór mugú'.

Matayo 27:35 Iomraidhean Croise

WARA'AMI 22:16

Boohhár wakuuse iga harwét adór seeaawe, ya'aaeé' nee daba' kaa fooxamiís.

WARA'AMI 22:18

I tlabaeé' qasmiisiyá'. Nee hiyay'eé' nguri tsawdór i tleehhiyé', áx heé gu sláw.

Luka 23:34

Yesu iri oó', «Baabá, inooín gurtlaweek, asma ar i tlehhiitiya' ngi xuiaaká.» Tlabaawós kiri kilooín qasmiís ar loohír tsawdo.

Yohana 20:20

Qoomár /aymuuwí ooaro nguwa hhe'eés, dabaawós giri laqán, nee bihiiwós. Eeharuuseerós iri qwalaalá/ asma Aako nguwa aán.

Yohana 20:25

Eeharuuseedár hatlá' guri beér, «Atén Aako ugwa araán.» Tomas giri báy, «Aníng barnaxes mulkayduú misumari oo gawaá dabaawós bura ariiká, nee diitsar'eé' bara qaasiiká baraá mulkáydá', nee slám dakw'eé' bura qaasiiká baraá bihhiiwós i alé, aníng a baloó ya/aamaaká.»

Yohana 20:27

Aluuwo Yesu iri oó' dír Tomas, «Diitsarók diirí qaaseek, nee dabaaeé' i qaytsiteegáy. Bihhiieé' kwatiiteek dakoge. Insareehhi maweek, ala haratlintií'.»

Tlehhema'aá ya/Abuuse 2:23

Heewí kunguna haniís dirhúng, adór Mungú baraá xu'utirose ngira qoomeés iimír iimu/úngw wa ale. Kuungá' kuri kikié' ar dabaá múk tlákw, kuri gasé'.

Tlehhema'aá ya/Abuuse 4:10

Ala dír kuungá' sleémeero i xu'utit nee dír múk Israeliwo adór heewí dír geerahúng wa sihhmiít ar slaqwa hhooa gár ira hunguú/ tar umuú Yesu Kristo oo Nasareti, kudá' kuungá' taa kikié', nee Mungú guri baraá gi'ií wa waasle/atís.