Matayo 27:19 - Biblía Axweesantá Hhohho' ar Mungú 2004

¹⁹ Nee Pilato iwa iwiít gawaá kitaangós kuduú kwasleema, hareerós hee nguri ya/áp, guri beér, «Kángw heesíng gan'amuú koóm mu i dahaar. Asma laarí xweeraawo aníng tina slahh'eemaamiís ar baraá tlata as inós.»

Ya/abtór hho' 1977

¹⁹ Nee Pilato iwa iwiít gawaá kitaangós kuduú kwasleema, hareerós hee nguri ya/áp, guri beér, “Kángw heesíng gan'amuú koóm mu i dahaar. Asma laarí xweeraawo án taa slahhe'eemaamiís ar baraá tlata as inós.”

Matayo 27:19 Iomraidhean Croise

IIMU/UUNGW 31:11

Malaykamoó Mungú nee aníng ana axweesaán ar baraá tlata. Án ina ateét, ‹Yakóbo›. Aníng niri ooiím, ‹Aníng a diirí.›

IIMU/UUNGW 31:24

Ala xweeraawo Mungú Labani, heé Aramu guri i daqáy ar baraá tlata, guri báy, «Ti harmagahh, Yakobo mu /aymuú bawaar ku hhoó' laqaá tam ku tlaakwe.»

IIMU/UUNGW 31:29

Aleesleemuú uwa hariiaw u koóm, ala Mungú, baabuúwók nee aníng ana axweesaán ar baraá tlata xweeraá laarí ta dahhaan, ina gurbuú', iri báy, ‹Ti harmagahh Yakobo mu /aymuú bawaar oo hhoó' laqaá oo tlaákw.›

AXWEESANOÓ SAGALOOA 29:1

Heé ta gurbuaaín daqtá yaariire bira da/eewa gawdeés, in wa'aá wák ar qeqtín, sleeme i kotsqotiiká.

ISAYA 53:11

Ala sagadiyusmooeé' mamaá slahh'amuú hhiintluuwós gi ar, iri hhe'ees. Ar fuqurángw sagadiyusmooeé' kudá' ganaá' múk yaariír kun gan'amú i harafaar, nee inós tlakweemaaín gin gagaar.

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

FAARO 12:6

Naagáy AAKOÓ MUNGÚ giri báy, «Axweesante'eé' iiárií qaasaak, ‹Barnaxes aarusmo i deer baraá tla/angwhunge, aníng tin dirós i xu'utís ar loohír iigu'utu, nee tari axweesaán ar baraá tlata.

Matayo 1:20

Ala qoomár iwa kaangwí axweesi malaykamoó Aako guna i daqáy ar baraá tlata, guri báy, «Yoséfu garmoó Daudi, ma da'ayuutaar Maria kawa dux, tawa hareerók, asma tsiihaywós oo Qeeruú hhoohhoó' oo Mungú.

Matayo 2:19

Herode iwa gwaá', malaykamoó Aako iri hardáh baraá Misri dír Yosefu ar baraá tlata, iri oó',

Matayo 2:22

Ala Yosefu ngiwa axaás adór Arkelao tar waawutmoó yaamaá Yudea, kitángw baabuúwós Herode, iri da'ayuút amoodá' keemuuwo. Alaá inós gurbu'utá baraá tlataawo kuwa hhe'eés, iri tláy ay yaamaá Galilaya.

Matayo 27:18

Asma inós gaa xuú' adór gár Yesu kungu sa duúx tar da/i.

Matayo 27:24

Qoomár Pilato ngiwa ár gár i bui i káhh, ala a tsimaahhi in tlahhaatláhh, ma'aay giri taataáhh, dabaawós giri hamaátl dír geeraá múk wa ale, iri oó', «Aníng tlakweemaá ni koom i kahhiyá' gawaá daanduú heewí gan'amuú kooma. Ala kangwsíng a koohúng.»

Matayo 27:4

giri báy, «Aga dakuús, asma heé tlakweemaá koomaaká nguwa sakií/.» Inooín tari oó', «Gár atén ti huuw gawaá tisinge a milá? Kangwsíng a kók.»

Luka 23:41

Asma sakwasleemarí atene a hariima. Asma tí taa slawaán a tidá' atén wa hariim asma tlehhemi'iirén. Ala kwí gár tlaakw aa tleéhh i káhh.»

Luka 23:47

Nee geeraharusmoó askaári adoodá' ngiwa ár, Mungú guri xirfayeemiís iri oó', «Ar ló', heewí i dakuúsár konká.»

Yohana 19:13

Pilato axweesantí ngiwa axaás, Yesu ngway tsee/aá i huúw. Pilato iri iwiít gawaá kitángw sakwasleema, didár ta bay Tlaa/ár Tlambaraáhh (tsifrír Ebraniaro ka babay Gabata).

Tlehhema'aá ya/Abuuse 12:21

Baalarka wák ar taa al'axweés, Herode tlabaawós awa waawuti'iima gina dahaás, iri iwiít gawaá kitaangós oo waawuti'iima, iri kwasleemuút geeraaín wa ale.

Tlehhema'aá ya/Abuuse 18:12

Ala qoomár Galio tawa ga/aawusmoó yaamaá Akaya, múk Yahudi sleémeero Paulo guri i haratláy ar muunuú wák, guri huúw ay geeraá doó kwasleema.

Tlehhema'aá ya/Abuuse 18:16

Giri guús dír geeraá do'duú kwasleemaro.

Tlehhema'aá ya/Abuuse 18:17

Múk Yahudi sleémeero Sostene kuri óh. Inós a heé úr oo doó saaliingw. Kuri muúx dír geeraá doó kwasleemár wa ale. Ala Galio adoodá' tam ngaa ga/ayi gaa gaárií xuiiká.

Tlehhema'aá ya/Abuuse 25:10

Paulo iri oó', «Aníng aga sihhiít geeraá kitángw sakwasleema oo waawutmoó múk Roma, nee diirí an dír hariim sakwasleemar'eene. Kuúng a ló'wa xú' adór aníng múk Yahudi gár nguwa sadakuús ir káhh.

Tlehhema'aá ya/Abuuse 25:17

Inooín niwa diirí burumburiitiyé', aníng iga tligisiiká, ala looaytleérós ana iwiít gawaá kitángw kwasleema, niri oó', ‹Heesíng huwaare'.›

Tlehhema'aá ya/Abuuse 25:6

Deelo dakaát laqaá mibaangw ngiwa amoodá' wa hhe'eés, iri /eét ay Kaisaréa. Looaytleérós iri iwiít gawaá kitángw sakwasleema, iri oó', «Paulo huwaare'.»

1 Petro 2:22

Inós tlakweemaá aa tleéhh i kahhiyá', slám lama afkose gaa baloó ooiiká.

1 Yohana 2:1

Laqwalor'eé' ar ninakw, tí ngin kuungá' i gooiím as kahhó' tlakweema mi tleehhara'. Ala hee bar tlakweema gaa tleéhh, heé ti aleefiriiriím dír Baabahe u koomaán, an Yesu Kristo, kudá' gan'amuú koóm.