Matayo 26:8 - Biblía Axweesantá Hhohho' ar Mungú 2004

⁸ Eeharuuse adoodá' ngiwa aán, iri búhh, iri ó', «Gár mooyangwqá' kus adooqár hhitin a milá?

Ya/abtór hho' 1977

⁸ Eeharuuse adoodá' ngiwa aán, tari buúhh tari oó', “Gár mooyangwqá' kus adooqár hhitin a milá?

Matayo 26:8 Iomraidhean Croise

TI'INAANGW 5:17

Ala inós inooín giri báy, «Kuungá' a tli/uuse, tli/uusér kilá', an gár tas kata', ‹Atén ti geemeer as ilahhooár muruú ta tsu/i ngiwa haniisár awaan dír AAKOÓ MUNGÚ.›

DAHARUSMO 4:4

Aníng ana malé qaytsiít gadiyér muu i tlehhiiti ngari ár, nee umuú heé aa geerií kumiiti, muruuwí dír i dahhi a muu tiwa da/tá araa'ari. Tí sleeme a tawór huwisha, nee a adór heé fur'a gaa alta'aain.

AMOS 8:5

Slám a malé kata', «Slahhángw /abén xaylá u oohaán as balangwrén kuwa iimu/umaan weeramisuuwo? Nee deelór Sabaáto i fak a xaylá as balangwrén kuwa weeramisuú awaan? Xooslmoduú qoomeemes kuri afa fiitsaán as peésár yaariir kawa slawaan, muu un al/agiimaán ar qoomoó lama.

MALAKI 1:13

Kuungá' a kata', ‹Aga slaaqamiitaán muruuwí sleémeero!› Nee iri waaqaé'.» AAKOÓ MUNGÚ Aleesleemusmo tí ngina oó', «Kuungá' muruú naa /awa/awiindé', nee oo toqooraay, nee oo tiqtuuse, un ilahhooar'eé' wa hanmisa'. Xáy, aníng a ya/aáma muruú adór kwí nguwa amor'eé' hanmisa'?» AAKOÓ MUNGÚ tí ngina oó'.

Matayo 20:24

Nee eeharuuseedá' mibaangw adoodá' ngiwa axás, hhaeedá' tsár giri i búhh.

Matayo 26:7

/ameenirka nina hardát. /Ameenidá' i chupiito'ór mooyángw koón, Chupiito'oodá' kana tleéhh ar tleeír ta bay Alabasta. Mooyangwdá' tlaxoorós ka ur. Iri tseewuúr dír Yesu, chupiito'oodá' gari gawaá ságw Yesú ii ku'ús, qoomár Yesu iwa dír muruú /aymár i dirii'i.

Matayo 26:9

Asma bar geera kwaa weeriís, peésár yaariir ga sláy, kari haniis dír liitlakuuse.»

Marko 14:4

Mukko iri buúhh tari kilooín axweés, ta kaahi, «Asma milá, mooyangwqá' musku adooqár hhitín?