Matayo 26:70 - Biblía Axweesantá Hhohho' ar Mungú 2004

⁷⁰ Petro iri dír geeraá muu sleémeero wa tlaánk, iri oó', «Gár kiíng ta kat án a xuaaká.»

Ya/abtór hho' 1977

⁷⁰ Petro iri tlaánk geerá muu sleémeero wa ale, iri oó', “Gár kiíng ta kat án a xuaaká.”

Matayo 26:70 Iomraidhean Croise

AXWEESANOÓ SAGALOOA 28:26

Heé sagós gu /aáy baraá gaaro a daktani Ala heé hoót ar sagalooa ku ba/amis.

AXWEESANOÓ SAGALOOA 29:23

Daara/aangw hee gu mureekees Ala heé ti kilós niinaweemiís ku ilaiwawaa/.

AXWEESANOÓ SAGALOOA 29:25

Muu bur da'ayumít a dát baraá tsaxwa Ala heé AAKOÓ MUNGÚ gu harahhiíf ku amohhoó'.

ISAYA 57:11

Xáy, heé kuungá' nu dae tlaáq a heemá? Tam lameemo kiri tlaqé', aníng iri insleeri'iiká, tam aníng iri meeré' baraá inslawayhunge. Aníng iimír aange aga dir'eéní xasliitiikáhe, nee an gár kuúng is ilaiwawa/ká doóqa.

YEREMIA 17:9

Muunuú hee a ló'wa al/aymusmo ta umuú gaaro, hungu/uusaro ku aleeslayká. Heé tsaahharo gu aleesláw a heemá?

Matayo 26:51

Nee heeko wák oo nee Yesu ti koomá', paángarós gari óh, gari duúx baraá qawáy wa ale, lawaalmoó kaahamusmoó úr oo Mungú guri iia tsaát.

Matayo 26:56

Ala tí sleémeero in tleehharút as gooír aaruuse iwa bo/.» Eeharuuseerós sleémeero guri geexeér, iri góp.

Matayo 26:58

Petro iri amorqá' saáwá magegeamiít iri eeharaarín ay dír afeenír doó kaahamusmoó úr oo Mungú. Iri dáh baraá do', iri iwiít dinkwa nee sagadiyuusér do'dá', as alhhe'eesaydá' nguwa ari.

Matayo 26:69

Qoomár Petro iwa baraá afeenidá' wa iwiwiiti sagadiyuso'orká wák guna i daqeér, guri beér, «Kuúng a heé wák baraá mukdá' nee Yesú Galilaya ti alkooma'a.»

Matayo 26:71

Petro iwa tsee/ií ti'iít, iwa dír afkú dó' i hardáh, dasír hatlá' guri aán. Dasiidá' mukko didaádí dirií' guri beér, «Heewí toomák i dinkwa nee Yesú Nasareti.»

Luka 22:57

Ala Petro iri tlaánk iri oó', «/Ameéni, aníng heesíng u xuaaká.»

Rumi 11:20

Ar ló', inooín kina tlaáq, ala gár kisa tlaáq a haratlintaaoowasler'ín. Ala kuúng a gawaá xa'anoodá' taa dahaás i dirí' as haratlintaao. Gawaá adoorihe, kuúng ma daara/aamaar, ala masók an da'ayumít.

1 Korinto 10:12

Gawaá adoorihe heé ti kilós xuú' adór ira sihhiít, inós ti harmagaahhi miwa huú'.

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»