Matayo 26:65 - Biblía Axweesantá Hhohho' ar Mungú 2004

⁶⁵ Kaahamusmoó úr oo Mungú inqwaruuwós guri feehhamiís, iri oó', «I Mungú /ooslislín. Gár lamabu'úngw hatlá' ngus ala leelehhiitaan a milá? Qaytsité', /ooslisliingós kwí hám ugwa axasé'.

Ya/abtór hho' 1977

⁶⁵ Geeraharusmoó úr oo saalíngw múk Yahudi inqwaruuwós guri feehhamiís, iri oó', “I Mungú /ooslislín. Gár lamabu'úngw hatlá' ngus ala leelehhiitaan a milá? Qaytsité', /ooslisliingós kwí hám ugwa axasé'.

Matayo 26:65 Iomraidhean Croise

2 WAAWITÁ 18:37

Naagáy Eliakimu garmoó Hilkia kudaádá' doó waawutmoó sagesihhmiít, nee Shebna goousmo, nee Yoa garmoó Asafu goousmoó muruú inslaslángw wa hariím, tlabaaín kiri feehhamiís, niri amór Hesekia kayé', kángw heedá' úr oo múk taa karmuumúy aa káhh nguri ooiyé'.

YEREMIA 36:24

Ala tam waawutmo nee sagadiyuuserós axweesanaydá' sleémeero kwaa axaasi, inooín taa da'ayutiiká, nee sleeme tlabaaín kaa feehhamiisiiká as gurhaami.

TLAHHOÓ LAÁWI 21:20

Heé aa daanda guhhuu', heé ququmaár ta hariímaro, heé ilaawós maraangwáy, heé xir'amuú koóm, heé deeír koóm, heé dir/ír koóm, laqaá heé taa karmúy miwa tseewúy as ilahhooár mikaáte ngiwa dír Mungú i haniisi.

FAARO 14:6

Yoshua garmoó Nuni, nee Kalebu garmoó Yefune, kudá' dawá' baraá tla/ángw mukdá' yaamu gaa tsawtsawuusár ayi, tlabaaín ngiri feehhamisiyé',

Matayo 9:3

Intsaahhatuusér hara'ayár Mose bahh'alé tari baraá muner'ín i káh, «Heewí i Munguú /ooslislín.»

Luka 5:21

Intsaahhatuusér hara'ayár Mose nee múk Farisayowo tiri yaahamiisiyé' ta kaahi, «A heemá heewí /aymi'iiká' gi káh, awa Mungú /ooslisliingw? Heé tlakweema gurtleemuuwo gi aleesláw a heemá, a har Mungú kilosekáhe?»

Yohana 10:33

Múk Yahudi iri oó', «Atén kuúng u tlaquutanaaká ar tlaa/e as gadiyér hho', ala gár us tlaquutaan as kuúng tawa Munguú /ooslisliin, nee as kuúng kilók tiwa Mungú tlehhit.»

Yohana 10:36

Ala anuúwí taa tsuúq nee Baabá, nee tiri ya/aáw baraá yaamu, kuungá' mis babeera', ‹Kuúng a Munguú /ooslisliín,› án bar kah, ‹Aníng a Garmoó Mungú?›

Tlehhema'aá ya/Abuuse 14:14

Qoomár Barnaba nee Paulo kaangwí kuwa axaás, inqwaruuín kuri feehhamiís, tari ta'aaín, tari dáh baraá tla/ángw boo/aydá', ta tsimahhuus, ta kaahi,