Matayo 26:63 - Biblía Axweesantá Hhohho' ar Mungú 2004

⁶³ Ala Yesu aa ilawatsiiká. Kaahamusmoó úr oo Mungú Yesu guri báy, «Án kuúng u baw, lo'o huweek ar Munguúdá' slaáf. Atén ti ádbeer kuúng barnaxes aqo Kristo, Garmoó Mungú.»

Ya/abtór hho' 1977

⁶³ Ala Yesu aa ilawatsiiká. Geeraharusmoó úr oo saalíngw múk Yahudi Yesu guri báy, “Án kuúng u báw, lo'o huuweek ar Mungúdá' slaáf. Atén ti ádbeer kuúng barnaxes aqo Kristo, Garmoó Mungú.”

Matayo 26:63 Iomraidhean Croise

1 WAAWITÁ 22:16

Ala waawutmo Mikaya guri báy, «Án kuúng u lo'ór /aymiis ar umuú AAKOÓ MUNGÚ sagaá waa magá' as looeema ngiwa o'?»

2 QOM'I 18:15

Ala Ahabu iri oó', «Qoomár kuúng bar axwés ar umuú AAKOÓ MUNGÚ, gár lo' na kaahang. Xáy a sagaáwa magá' adoorí án ngiwa dirók i aaiim?»

WARA'AMI 42:2

Muunaáeé' AAKOÓ MUNGÚ guna sa slahhaá' adór heé aa waxiit, Munguúdá' slaáf guna sa slahhaá'. A xaylá ni dír geeraawók i hardah, as kuúng uwa ar?

AXWEESANOÓ SAGALOOA 29:24

Heé nee fisusmo al'eemá' a slafiingós guna sií', Lo'ór heé ta gaa fiís bir ngaa axaás inós i gaa ooiiká.

ISAYA 53:7

Inós kuna baramaanuús, kuri slahh'eemiís. Tam adoorihe inós afkós gwa waatleesiiká. Adór deelmoó bee/i oo ta gaasár ay, nee adór bee/ír ta se'eengw tlaaqi. Inós sleeme afkós gwa waatleesiiká.

DANIELI 3:16

Shadraki nee Meshaki nee Abednego waawutmo kuri báy, «Aá waawutámo, gawaá /aymuusinge atén gár ni ooaan i káhh.

TLAHHOÓ LAÁWI 5:1

«Hee barnaxes kwaa ateét dír kwasleema as lamabu'uungw nguwa duuxi daanduú gár aa ari, laqaá ar aa axaasi, ala inós iri sií' ooaro, heewí adoorihe aa dakuús, gár kuwa hariím aqo kun doohhiis.

Matayo 16:16

Simon Petro iri oó', «Kuúng a Kristo, Garmoó Munguúdá' slaáf.»

Matayo 26:62

Kaahamusmoó úr oo Mungú iri sihhiít, Yesu guri báy, «Masa xaslít? Mukwí gár daanduuwoge i kaahi a umós?»

Matayo 27:12

Ala qoomár kuwa sakwasleemuút nee kaahamuusér uren ar Mungú, gár aa oó' i káhh.

Matayo 27:14

Ala Yesu tam /aymuú wák gwa tlaxwiiká. Tam ga/aawusmo iri ló'wa waa/oó/.

Matayo 27:40

ta kaahi, «Kuúnguudá' Doó Mungú gu feé/, nee kuri tléhh deelo tame, ti kilók alee/is, kuúng barnaxes aqo Garmoó Mungú, aweeráng gawaá msalaábaro.»

Matayo 27:43

Inós Mungú gu haratlintatii'. Barnaxes Mungú inós ngu slaa', ngu ba/amisi hamí. Asma inós ina aaín, ‹Aníng a Garmoó Mungú.› »

Matayo 27:54

Geeraharusmooduú askaári nee mukdá' Yesu xuuma, kunseelidá' kawa axaás, nee muruudá' aa tleehharuuti, tari ló'wa da'ayuút, tari oó', «Ar ló', heewí a tsuwá Garmoó Mungú.»

Matayo 4:3

Neetlaangw guri i daqáy, guri báy, «Kuúng barqo Garmoó Mungú, tlaa/anoowí i ilawatseek i muruú /ayma tleehhiti.»

Marko 14:61

Ala inós aqo ina xasliít, aa ilawatsiiká. Kaahamusmoó úr oo Mungú guri malé yaahaás, «Kuúng a Kristówo, Garmoó Munguú Xiríf?»

Yohana 1:34

Nee tí aníng aga ár, slám aga lamabu'uúm adór kwí tar Garmoó Mungú.»

Yohana 1:49

Natanaeli iri oó', «Intsaahhatusámo, kuúng a Garmoó Mungú. Slám kuúng an Waawutmoó múk Israeli.»

Yohana 10:24

Múk Yahudi Yesu kuri harweér tari oó', «Kuúng atén ti daawitamamis ay xaylá? Kuúng barnaxes a Kristo, atén ti xu'utisa hhe'es.»

Yohana 10:30

Aníng nee Baabá a wak.»

Yohana 10:36

Ala anuúwí taa tsuúq nee Baabá, nee tiri ya/aáw baraá yaamu, kuungá' mis babeera', ‹Kuúng a Munguú /ooslisliín,› án bar kah, ‹Aníng a Garmoó Mungú?›

Yohana 18:37

Pilato guri yaahaás, «Ala kuúng a waawutmoówoóke?» Yesu guri báy, «Kuúng an kát adór aníng tar waawutmo. Aníng gár tisa laqwaál nee gár nisa hardáh baraaká' yaamií alé, a tí kilós, ‹Kángw looeema nguwa kah. Umuúqo heewo oo bartá looeema, axweesante'eé' ga axamiis.› »

Yohana 19:7

Múk Yahudi iri oó', «Atén hara'aya a koomaán. Hara'ayaarihe inós gár kuwa hariím a gwa'ara, asma inós i kaahi, ‹Aníng a Garmoó Mungú.› »

Yohana 19:9

Iri malé dáh baraá boómár ur, Yesu guri báy, «Kuúng amór ta dahh a amá?» Ala Yesu aa ilawatsiiká.

Yohana 20:31

Ala kuká' kingina gooín, asma kuungá' kawa haratlintia' adór Yesu tar Kristo, Garmoó Mungú, nee ar haratlintaooro slafiingw kuwa umuuwós ar sleera'.

Yohana 6:69

Atén aga haratlintiaán, slám aga xuaán adór kuúng tar Kudá' hhoohhoó' oo Mungú.»

Yohana 8:25

Múk Yahudi inós kuri báy, «Kuúng a heemá?» Yesu iri oó', «Ahaá baré nuna qaroó geerií ádbáw, gár ni malé oo' a milá?

2 korinto 1:19

Asma Garmoó Mungú, Kristo Yesu, kudá' kangós atén naa dirhúngií alki/itaán, aníng nee Silwano nee Timoteo, a gídaabáheeká inós an «Eeít» nee «Aasla'áy». Ala umuú daqto gár baraawós a «Eeít».

1 Petro 2:23

Inós qoomár kuwa /ooslislín, /ooslima gaa tiqár buiiká. Qoomár kuwa slahh'eemiís, mukdá' gwa slahh'eemiis gwa dae tsatiiká, ala tiri qaás gawaá dabaá Mungú, kudá' sakwasleemár ganaa' ga tleéhh.

1 SAMUELI 14:24

Múk Israeli tana dawimiít kángw kilá' wa ale, Saulo baalaadae muu guna lo'ór /aymiís, iri oó', «Umuúqo heewo laarí muruú /ayma munguwa gwaá afkwár káy ay tsiindo, ay dír wakuuser'eé' tí ngay li/áy buu'. Heé gwaa qo áfkwár kayi i tsarere'eeti.» Gawaá adoorihe heé muruú /ayma gwa tsaaq i kaahh baraá tla/ángw muko.

1 SAMUELI 14:26

Nee muu iwa dáh gártí ale, gár taa ár danú in tawo taxán ala tam heé wák i kaahh oo dakós gwa qaás baraá afa, asma ta lo'oodá' da'ayumiit.

1 SAMUELI 14:28

Heeko wák guri báy, «Baabuúwók muu guna lo'ór /aymiís iwa kaahi, ‹Heé muruú /ayma laarí gwaa /aay i tsarere'eeti.› » Qoomaadae muu qwari gwaa slaaqatimís.