Matayo 26:61 - Biblía Axweesantá Hhohho' ar Mungú 2004

⁶¹ tari káh, «Heewí ina oó', ‹Án do'wí oo Doó Mungú fee/aro u aleesláw nee nguri tleéhh deelo tám.› »

Ya/abtór hho' 1977

⁶¹ tari káh, “Heewí ina oó', ‘Án do'wí oo Doó Mungú fee/aro u aleesláw nee nguri tleéhh deelo tám.’”

Matayo 26:61 Iomraidhean Croise

IIMU/UUNGW 19:9

Loti nguri bayé', «Quútl, suruúk, atén a waarahhaán.» Niri kaahiyé', «Kuúnguú /eetusmo, atén tina sakwasleemárár eéri? Gimáy, kuúng un ak gár tlaákw i tleehhaán ta kusingae.» Loti nguri harasuruukiyé', afkú do' ngwa lak fee/iyé'.

1 WAAWITÁ 22:27

Muu ku beer, ‹Heewí dahaasaak baraá doó tseegamoórí alé nee ku muruú /aymár niina i hanisá' nee ma'aay ay dír aníng nay waatl baraá slaqwaraaro ar wayda.› »

2 WAAWITÁ 9:11

Yehu iwa kií/ dír mukós, heé wák guri yaahaás, «Gám gaa a milá? Slarhhamaádá' gár i slai diroge?» Yehu giri mu/aywaáts, «Kuungá' gár i slai a xuá'.»

ISAYA 49:7

AAKOÓ MUNGÚ kuduú ba/amusmoó Israeli, kudá' hhoohhoó' oo Israeli, i kaahi, heedá' xoordu naa aahhiyé' nee i waaqaqaiya' kuduú lawaalmoó geeraharuuse, «Waawitá kuúng u ar iri sihhiit, geeraharuuse gun kiloón i tumbararaa'át, as anuú AAKOÓ MUNGÚ kudá' inkihhimuú koóm, kudá' hhoohhoó' oo Israeli, kudá' kuúng ugwa tsawaar.»

ISAYA 53:3

Kuna waaqaqaá' kuri sií' nee muu, inós an heé gurhaami nee slahh'amu. Inós a adór heé muu iwa nahhmiiti, kuna waaqaqaá', atén kuri gaárí xuaaniiká.

Matayo 12:24

Ala múk Farisayo adoodá' ngiwa axaás tari oó', «Kwí bir neetlaamér duxun, gár ngir duxun a /uuruú Neetlángw úr kudá' ta bay Be'elsebuli.»

Matayo 26:62

Kaahamusmoó úr oo Mungú iri sihhiít, Yesu guri báy, «Masa xaslít? Mukwí gár daanduuwoge i kaahi a umós?»

Matayo 26:71

Petro iwa tsee/ií ti'iít, iwa dír afkú dó' i hardáh, dasír hatlá' guri aán. Dasiidá' mukko didaádí dirií' guri beér, «Heewí toomák i dinkwa nee Yesú Nasareti.»

Matayo 27:40

ta kaahi, «Kuúnguudá' Doó Mungú gu feé/, nee kuri tléhh deelo tame, ti kilók alee/is, kuúng barnaxes aqo Garmoó Mungú, aweeráng gawaá msalaábaro.»

Matayo 27:5

Peésaadá' gari kwaáhh baraá Doó Mungú, iri tláy, tiri tareereé'.

Marko 14:58

«Atén ugwa axaasaán i kaahi, ‹Doó Mungú kwí taa tleéhh ar daba', án un feé/, nee baraá deelo tame doó hatlá' u sihhitís oo taa dabár tleehhiiká.› »

Marko 15:29

Múk yaamuudae waraáhh Yesu guri tloqmiís, ta hara sager'ín muumukuumiis, ta kaahi, «Aháeéy, kuúngudá' Doó Mungú gu feé/, kway tléhh baraá deelo tám i alé,

Luka 23:2

Kuri sakwasleemuút ta kaahi, «Heewí una araán iwa xooroorén sageqwaaremisi, asma i múk ila/án oo koódír hanmiís dír waawutmoó múk Roma, slám i kaahi, ‹Aníng a Kristo, waawutmo.› »

Yohana 9:29

Atén a xuaán adór Mungú ira axweés nee Mose. Ala amór heesíng i dahhi a xuanaaká.»

Tlehhema'aá ya/Abuuse 17:18

Mukko intsaahhasár Epikuro nee ar Stoiki tiri tlaampa'aamisiyé' nee Paulo. Bahh'alé tari oó', «Daktantí gár i ooár wa sla' a milá?» Bahh'alé tari oó', «Baré a adór heé ya/abtór munguaá xuawaslen ga alki/iít.» Adoorí kana oó' asma inós kángw Yesu guna alki/iít, nee kángw waasle/uuwós.

Tlehhema'aá ya/Abuuse 18:13

Tari oó', «Heewí i múk afa/aslín as Mungú kuwa ilaiwawaa/i adoodá' nee hara'ayár Mose ti slaw'aaká.»

Tlehhema'aá ya/Abuuse 22:22

Paulo kuna iiárií qaás ay dír /aymuuwí. Alaá /aymuuwí ooaro nguwa hhe'eés, muu iri tseeamín ar afór ló' wa ur, ta kaahi, «Heewí hingeesaak baraá yaamuwo! I harinká iwa hooti!»