Matayo 26:58 - Biblía Axweesantá Hhohho' ar Mungú 2004

⁵⁸ Petro iri amorqá' saáwá magegeamiít iri eeharaarín ay dír afeenír doó kaahamusmoó úr oo Mungú. Iri dáh baraá do', iri iwiít dinkwa nee sagadiyuusér do'dá', as alhhe'eesaydá' nguwa ari.

Ya/abtór hho' 1977

⁵⁸ Petro iri eehararín ar saaweema ay dír afenír doó geeraharusmoó úr oo saalíngw múk Yahudi. Iri dáh baraá do', iri iwiít dinkwa nee sagadiyuusér do'dá', as alhhe'eesaydá' nguwa ari.

Matayo 26:58 Iomraidhean Croise

Matayo 26:3

Qoomaadae kaahamuusér uren ar Mungú nee bariisér muu tari burumburiít baraá afeenír doó kaahamusmoó Mungú, kudá' umuuwós ta bay Kayafa.

Matayo 5:25

«Nee sakwasleemusmoowók ti axweesani axase' ar gaanslaay, qoomár tawa dinkwárií dir'a' baraá loohiro, sakwasleemusmoowók kuúng muwa huúw amór doó sakwasleema, doó sakwasleemaro kuúng turi malé haniís dír askaarmoó i alé, inós kuúng uri dahaas baraá doó tseegamo.

Luka 22:54

Yesu kuri óh, kuri huúw ay baraá doó kaahamusmoó úr oo Mungú. Petro iri eeharaarín i amorqá' saáw wa magegeamiit.

Yohana 18:25

Qoomaadae Simon Petro i sihhimiit i axwaneemisi. Múk hatlá' didaádae iri oó', «Kuúng a eeharusmoó wák oo heedáeéke?» Ala Petro iri tlaánk iri oó', «A aningeeká.»

Yohana 19:6

Qoomár kaahamuusér uren ar Mungú nee xuumuuseero adoodá' kawa ár, tari tseeamín ta kaahi, «Kikiieek, kikiieek.» Pilato giri báy, «Kuungá' kilá' ar tlawaak, kikiiaak, asma aníng gár heewí ngus sakwasleemuut a ara'araaká.»

Yohana 7:32

Múk Farisayo boo/aay guri axaás adór ira qununuú/ daanduuwose. Inooín nee kaahamuusér uren ar Mungú askaári kari ya/aáw as Yesu kuwa oohi.

Yohana 7:45

Askaáridá' taa ya/aáw, iri kí/ amór kaahamuusér uren ar Mungú nee múk Farisayo. Inooín tari oó', «Ahaá, gaálay ngwa ote'?»

Tlehhema'aá ya/Abuuse 5:22

Sagadiyuuseedá' taa ya/aáw tawa hardáh baraá doó tseegamo, naxés mukdá' taa tsegiít kwa ariiká, kaangw kuri ooár áy.

Tlehhema'aá ya/Abuuse 5:26

Xuumusmoodá' úr nee xuumuusér hatlae tari tláy, ya/abuuseedá' kingiri huúw, ala ar /uuruuwooká, asma inooín ta múk da'ayumiit, as mikiwa tlaquút ar tlaa/e.