Matayo 26:56 - Biblía Axweesantá Hhohho' ar Mungú 2004

⁵⁶ Ala tí sleémeero in tleehharút as gooír aaruuse iwa bo/.» Eeharuuseerós sleémeero guri geexeér, iri góp.

Ya/abtór hho' 1977

⁵⁶ Ala tí sleémeero in tleehharút as gooír aaruuse iwa bo/.” Eeharuuseerós sleémeero guri geexeér, tari goów.

Matayo 26:56 Iomraidhean Croise

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

ISAYA 44:26

Ala axweesanoó sagadiyusmoowós un gawdeemiís nee iigu'utuú ya/abuuser'eé' un looeemiís aníng an kudá' káh dír Yerusalemu, «Kiíng Yerusalemu muu i male hoot baraá ayaawók wa ale.» Nee an kudá' káh dír Yudawo, «Tundu malé tleehh, taanguuhúng i malé sihhitiyá'.»

WA/AA/I 4:20

Kuduú iimu/úngw slafingwrén, kudá' taa iimbalaáx ar di/i nee AAKOÓ MUNGÚ, nguna baa'ar'ín ar oohiyé', kudá' tawa kaahaan, «Baraá xuumarose atén a tla/ángw xoordu un wa hootaán.»

DANIELI 9:24

«Afiqoomár wiikadaá mibeeri faanqw, kaa qaás as mukók nee daanduú gixsarók tidá' hhoohhoo' as dakuús kawa faaki, tlakweema kiwa gurtlay, nee gan'amuú alhhe'eesáy wasle kunguwa huwi iigu'utu nee aaru'uuma kiwa dugunó i qaasi, nee didá' ló'wa hhoohhoo' kawa di/tí qaasi.

DANIELI 9:26

Alaá wiikadaá mibeeri lahhoó' nee tsare heedá' taa iimbalaáx di/to ku amór saáwí kwaahh nee gár gu i meet i káhh. Gixsa nee didá' hhoohhooe ki ló'wa hhitín nee slaqwaruusér waawutmowo. Alhhe'eesaywós birna hardáh a adór alwuo, slaqwara nee hhamiimis adoodá' Mungú ngira ístí tsaát.

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

Matayo 21:42

Yesu giri báy, «Aga soomusi'iikáhe baraá Gooiro, ‹Tlaa/adá' qwatsiiruuse aa sí', aa tlaa/ár ur tleehhít ar do' ira gawdúy. /Aymuuwí amór i dahhi a amór Aako. Slám a waa/oo/amo dír ilaarene.›

Matayo 26:24

Garmoó Hee inqo tawo amór gwa'arár i hi'iit, adoodá' gooi i kat daanduuwose. Ala heedá' Garmoó Hee gu sakií/, hhiintluuwós ku gawít. Inós a tsiní geera bur kwa laqwaaliiká.»

Matayo 26:31

Yesu eeharuuseerós gari báy, «Xweeraaká' laarihe kuungá' sleémeero insereehhi nu eér as aníng, nee aníng iri geexeerá'. Asma kaa gooín, ‹De'eemusmoó bee/aangw u slaáhh, nee daqtá bee/aangw iri diyaa/át.›

Matayo 26:54

Ala án adoorí bara tleéhh, adór Gooi ir bo/ a adoomá, tí kah muruuwí gár kuwa hariím aqo in tleehharuut.»

Yohana 16:32

Ga/aawaagáy, qooma i hardát, slám qooma naa qaroó hardát, ar kuungá' sleémeero tawa diyaya/ata', umuú heewo amoorós, nee aníng iri kilooeé' geexeerá'. Ala aníng a kilooeeneeká, asma Baabá nee aníng a dinkwa.

Tlehhema'aá ya/Abuuse 1:16

«Hháe, Gooi gár kawa hariím aqo in bó/, tidá' Qeeruú hhoohhoó' oo Mungú aáng ira axweés ar afkú Daudi, daanduú Yudawo. Inós an kudá' múk Yésú oohár áw gwa geerahaar.

Tlehhema'aá ya/Abuuse 2:23

Heewí kunguna haniís dirhúng, adór Mungú baraá xu'utirose ngira qoomeés iimír iimu/úngw wa ale. Kuungá' kuri kikié' ar dabaá múk tlákw, kuri gasé'.

2 Timoteo 4:16

Bál kwasleemar'eé' tidár geeraawo, qoomár aníng tiwa aleekal/aam heé bartaeé' ngaa ay i kaahh. Ala sleémeero ina geexayé'. Ala tlakweemaaká' mikiwa daandeemooín i harafaár.