Matayo 26:55 - Biblía Axweesantá Hhohho' ar Mungú 2004

⁵⁵ Siiwadár kilae Yesu boo/aay guri báy, «Ahaá baré ina i haratleeré' ar paangadu nee guhhuli'i, adór múk fisusmoó oohár áw. Umuúqo baalaaro aníng a baraá Doó Mungú wa iwaawiít niwa intsaahhatimaamis, ala kuungá' i uhahinda'aaká.

Ya/abtór hho' 1977

⁵⁵ Hamtidár kilae Yesu boo/aay guri báy, “Ahaá baré nina ti'ité' amor'eéni alé ar pangadu nee guhhuli'i, adór múk malgusmoó oohár áw. Umuúqo deelooro aníng a baraá Doó Mungú wa iwaawiít niwa intsaahhatimaamis, ala kuungá' i uhahiinda'aaká.

Matayo 26:55 Iomraidhean Croise

Matayo 21:23

Yesu iri dáh baraá Doó Mungú. Kaahamuusér uren ar Mungú nee bariisér múk Yahudi Yesu kuri i daqáy qoomár iwa intsaahhatimisi, kuri báy, «Muruuwí aleesleemuú kur tlehhit a gaalá? Nee heé aleesleemuuwí ngwa kuúng i haniis a heemá?»

Matayo 26:47

Qoomár Yesu iwa baraá axweesanaydí kahhi, naxés Yuda, oo wák baraá eeharuuseedár mibaá nee tsare, niri hardáh nee boo/oó úr oo muu. I paangadaá koná' nee guhhuli'i. Mukwí amór i dahhi a amór kaahamuusér uren ar Mungú nee bariisér muu.

Marko 10:1

Yesu didaádae iri tláy, iri hardáh yaamaá Yudea ay gayuú Yordani. Boo/oó yaariír guri male i burumburiít, giri intsaahhatimís adoodá' /iisí i /imamiisi.

Marko 12:35

Qoomár Yesu iwa baraá Doó Mungú wa intsaahhatimisi, gina báy, «Intsaahhatuusér hara'ayár Mose masta kaahi, Kristo a Garmoó Daudi.

Luka 19:47

Nee inós ina baraá Doó Mungú wa intsaahhatimís umuúqo deelooro. Ala kaahamuusér uren ar Mungú nee intsaahhatuusér hara'ayár Mose, nee múk urén oo geeraharuuse loohi kana leelehhiít ar Yesu kur gaasi.

Luka 20:1

Looarka wake Yesu muu guna baraá Doó Mungú wa intsaahhatimís, nee Ya/abtór hho' gana alki/iít. Kaahamuusér uren ar Mungú nee intsaahhatuusér hara'ayár Mose nee bariise kuna i daqáy,

Luka 4:20

Kitaábu guri tseék, guri ki/ís dír sagadiyusmo inós iri iwiít. Mukdá' sleémeero baraá doó saalíngw i dirií', gár i ooi kari dirós i dán.

Yohana 7:14

Qoomár tawa tla/aaohú deelór úr i dirii'i, Yesu iri dáh baraá Doó Mungú, iri intsaahhatimís.

Yohana 7:28

Yesu iri tseé' ar afór ur baraá Doó Mungú wa ale iwa intsaahhatimisi, iri oó', «Án kuungá' i xuá', nee amoodá' ni daahh a xuá' sleeme. Ala án naa hardihiiká as sla'aarir'eé'. Kudá' aníng iga ya/aaw, inós a looeema, slám kuungá' inós u xua'aaká.

Yohana 8:2

Looaytleérós matlaatlér boo/e Yesu iri malé kií/ baraá Doó Mungú. Múk yaariír guri i daqáy. Yesu iri iwiít, giri iimu/ún intsaahhatimisuuwo.

Yohana 8:20

Yesu axweesanaywí guna axweés qoomár iwa baraá Doó Mungú wa intsaahhatimisi, didá' sandakmoó ilahhooa i dirii'. Ala heé Yesu ooharo gwa qiitl i kaahh, asma qoomaarós aa xeeriiká.