Matayo 26:53 - Biblía Axweesantá Hhohho' ar Mungú 2004

⁵³ Kuúng ka xu', aníng Baabuúeé' u aleeslawaakáhe firooro, as slawá mibaá nee tsár ngi ba/a awa malayke, ngiwa haniisi hamír kilá'?

Ya/abtór hho' 1977

⁵³ Kuúng ka xu', aníng Baabuúeé' u aleeslawaakáhe firooro, ar slawá mibá nee tsár awa malayke, tam awa ak yaariir sleeme, ngiwa haniisi hamír kilá'?

Matayo 26:53 Iomraidhean Croise

2 WAAWITÁ 6:17

Elisha Mungú guri firín, «Aá AAKOÓ MUNGÚ, ilaá sagadiyusmooeé' kwí gweereek as iwa qaytsitiya'.» Naagáy ilaawós kari gweér nee AAKOÓ MUNGÚ, masoomodá' faras nee gaardaá asla giri ár bihhér tlooma sleémeero. Elisha ngwa harweeriyé'.

DANIELI 7:10

Baraá kitangwdae duxuú asla niri waá/, dír geeraawós wa ale. Múk kumér Inós kuri sagadiyuús, slám múk kumér kúm ina geeraawós i sihhiít. Doó kwasleema kawa tleehhi kuri amoohhe'eés nee kitaabi'i kiri gweér.

Matayo 25:31

«Qoomár Garmoó Hee birna hardáh ar baraá xirfuuwós dinkwa nee malayke sleémeero tidá' hhohho', inós iri iwiit gawaá kitaangós kuduú xirfuú koóm,

Matayo 4:11

Aluuwo Neetlaangw iri quútl dír Yesuwo malayke nay hardát, Yesu guri sagadiyús.

Marko 5:15

Tari amór Yesú ii daqáy, heedaádá' geeraawo neetlaame aa eér kuri ár, aa iwiít, i tlabaawós kón, nee fuquraangose. Inós an kudaádá' geeraawo daqtadá' koóm. Tari da'ayuút.

Marko 5:9

Yesu guri yaahaás, «Umuuwók a heemá?» Iri oó', «Umuueé' a Daqa, asma atén ti yaariír.»

Luka 8:30

Yesu guri báy, «Umuuwók a heemá?» Iri oó', «Umuueé' a Daqa.» Asma neetlaamér yaariir guna eér.

Yohana 10:18

Heé slafingw'eé' gu hingeés i kaahh. Ala a anuú kilá' un haniís. Aníng aleesleemu u koóm oo slafingw'eé' nguwa haniis. Nee slám aleesleemu u koóm oo nguwa malé slaw. Adoorí an adoodá' Baabuúeé' naa hara'ayín tlehhmuuwo.»

Yohana 18:36

Yesu iri oó', «Waawuti'iimar'eé' ar baraaká' yaamuuwooká. Waawuti'iimar'eé' geera bar ar baraaká' yaamu, eeharuuser'eé' geera án iga aleesláqw, aníng mitiwa haniís amór múk Yahudi. Ala waawuti'iimar'eé' ar baraaká' yaamuuwooká.»

2 Tesalonike 1:7

Nee inós kuungaásingá' taa slahh'eemiís, nun amoohhooárí haniis, dinkwa nee atén. Adoorí in tleehharút qoomár Aako Yesu burkwa gawaá doorí wa geehhooeés, dinkwa nee malaykeerós ar aleesleemuú koom.

Yuda 1:14

Nee Enoki a heé faanqw alaá Adamuwo. Inós aari gana oó' daanduú mukwihe iwa kaahi, «Qaytsité', Aako naa hardáh nee malaykeerós ar hhohho' ar kumér kúm.