Matayo 26:33 - Biblía Axweesantá Hhohho' ar Mungú 2004

³³ Petro iri oó', «Tam sleémeero insereehhi ngi eera as kuúng, ala aníng i baloó eeraaká.»

Ya/abtór hho' 1977

³³ Petro iri oó', “Tam sleémeero insereehhi gi eera as kuúng, ala án i baloó eeraaká.”

Matayo 26:33 Iomraidhean Croise

WARA'AMI 17:5

Aníng loohirók ana eeharahár, tam aga baloó nikiitsiiká.

AXWEESANOÓ SAGALOOA 20:6

Múk yaariír inkihhimuuín ngun kilooín alki/iitiyá', Ala heé inkihhím ar tsáp dír kuwa slay?

YEREMIA 17:9

Muunuú hee a ló'wa al/aymusmo ta umuú gaaro, hungu/uusaro ku aleeslayká. Heé tsaahharo gu aleesláw a heemá?

Matayo 26:32

Ala án binda waasleé/, án a geerií tláw Galilayár i alé.»

Matayo 26:34

Yesu guri báy, «Án a kah, konkomo iwa uui xweeraakaá laarihe, kuúng an iga sagaáwa tám wa satlánk.»

Marko 14:29

Petro iri oó', «Tam sleémeero insareehhi ngi eera, ala án i eeraaká.»

Luka 22:33

Petro iri oó', «Aáko, kuúng bar dinkwa nee aníng, án ti amohhoó' nee kuúng tiwa altsegiiti, laqaá tam tiwa altsu/i.»

Yohana 21:15

Qoomár /aymaaro tawa hhe'eés, Yesu Simon Petro guri báy, «Xáy, Símon, garmoó Yohane, án kuúng i slá'a ta kukaákae?» Petro iri oó', «Eeít, Aáko, kuúng a xú' adór án kuúng ur slaá'.» Yesu iri oó', «Deeloó bee/angw'eé' /aymiiseek.»

Rumi 12:10

Kuungá' ti kiloohúng ló'wa sla'aaslae' ar sla'aarír hhae, nee ti kiloohúng gan'aamise ar ilaiwa/ame.

Filipi 2:3

Umuúqo gaaro ma tlehhiitara' ar fola, laqaá ar daara/aangw. Ala masók umuúqo heewo tin kilós niinaweemiis.