Matayo 26:31 - Biblía Axweesantá Hhohho' ar Mungú 2004

³¹ Yesu eeharuuseerós gari báy, «Xweeraaká' laarihe kuungá' sleémeero insereehhi nu eér as aníng, nee aníng iri geexeerá'. Asma kaa gooín, ‹De'eemusmoó bee/aangw u slaáhh, nee daqtá bee/aangw iri diyaa/át.›

Ya/abtór hho' 1977

³¹ Yesu eeharuuseerós gari báy, “Xweeraaká' laarihe kuungá' sleémeero insereehhi nu eér as aníng, nee aníng iri geexeerá'. Asma kaa gooín gídaabá, ‘De'eamusmoó bee/aangw u slaáhh, nee daqtá bee/aangw iri diya/át.’

Matayo 26:31 Iomraidhean Croise

WARA'AMI 38:11

Mulqer'eé' nee mukdá' aníng i slaá', ta amór saáw i sihhiít qoomár slahh'amaayer'eene. Múk dooeé' sleeme tana amór saáw i sihhiít.

WARA'AMI 69:20

Aga diqay tsatiít asma niqaay, nari mune sií', gurtleemu una daamaraám ala i kaahh, nee múk i gurkwa/ás una damraaraám, ala tam heé naa hardah i kaahh.

WARA'AMI 88:18

Kuúng aníng iga parátl dír mulqer'eene nee sla'aaruuser'eene, gár dáw a giwti kilós.

ISAYA 53:10

Tam adoorihe AAKOÓ MUNGÚ guna slaá' nguwa slahh'eemisi, guri gurhaamír ar áy. As hhiintluuwós nguwa duúx tawa ilahhooár tlakweés hingeesa, xwaylarós ga ar adór kar hota tleér. Inós an kudá' sla'aarír AAKOÓ MUNGÚ ga boo/eés.

WA/AA/I 1:19

«Sla'aaruuser'eé' ana ateét ala aníng ina al/ayiyé', kaahamuuser'eé' nee bariiseero nina baraá gixsárí hhané', qoomár niwa muruú /aymár leelehhitiya' as tiwa tu/iya'.

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

Matayo 11:6

Heé amohhoó' a kudá' insarehhír koomaaká daanduueene.› »

Matayo 26:24

Garmoó Hee inqo tawo amór gwa'arár i hi'iit, adoodá' gooi i kat daanduuwose. Ala heedá' Garmoó Hee gu sakií/, hhiintluuwós ku gawít. Inós a tsiní geera bur kwa laqwaaliiká.»

Matayo 26:56

Ala tí sleémeero in tleehharút as gooír aaruuse iwa bo/.» Eeharuuseerós sleémeero guri geexeér, iri góp.

Yohana 16:32

Ga/aawaagáy, qooma i hardát, slám qooma naa qaroó hardát, ar kuungá' sleémeero tawa diyaya/ata', umuú heewo amoorós, nee aníng iri kilooeé' geexeerá'. Ala aníng a kilooeeneeká, asma Baabá nee aníng a dinkwa.