Matayo 26:18 - Biblía Axweesantá Hhohho' ar Mungú 2004

¹⁸ Yesu iri oó', «Tlawsé' baraá gixsa, dír doó heeko, ku beera', ‹Intsaahhatusmo i kaahi, Qoomar'eé' naa tseewuúr. Án muruú /aymár Pasaáka u dír do'ók wa /aáy, dinkwa nee eeharuuser'eé'.› »

Ya/abtór hho' 1977

¹⁸ Yesu iri oó', “Tlawsé' baraá gixsa, dír doó heeko, ku beera', ‘Intsaahhatusmo i kaahi, Qoomar'eé' aa tseewuúr. Án muruú /aymár Pasaáka u dír do'ók wa /aáy, dinkwa nee eeharuuser'eé'.’”

Matayo 26:18 Iomraidhean Croise

Matayo 21:3

Bar hee naa yaahaás, ku beera', ‹Aako gan slaa'.› Daqaní inós ngi ki/is ar gaanslaay.»

Matayo 23:10

Slám kuungá' mutunduwa geeraharuusérár ateetín, asma geeraharusmoohúng a wak, inós an Kristo.

Matayo 23:8

Ala kuungá' mutunduwa intsaahhatuusér ar ateetín asma Intsaahhatusmoohúng a wak, nee kuungá' sleémeero a hhae.

Matayo 26:19

Eeharuuse adoodá' Yesu ngaa báy gari tléhh. Muruú /aymár Pasaáka kuri amohhe'eés.

Matayo 26:2

«A xuá' deelo tsár bira waaráhh, a deeloodár ur ar Pasaáka, nee Garmoó Hee ku sakii/ as kuwa kikii'i.»

Matayo 26:49

Siiwadár kilae Yuda niri hardáh dír Yesu, iri oó', «Intsaahhatusámo laawaay!» Guri ma'aás.

Marko 5:35

Iwa baraá axweesantadí kahhi, mukko nina hardáh, i amór doó heedaádá' úr oo doó saalíngw daahh, ta kaahi, «Dasirók aa gwá', gár Intsaahhatusmo kus malé daawitimiisaan daxta i káhh.»

Luka 22:53

Umuú daqto án nee kuungá' a dinkwa baraá Doó Munguhe, ala ooharo iga iiadi'iiká. Ala siiwarí a toohúng, siiwarí a siiwár /uuruú giwti.»

Yohana 11:28

Marta adoorí ooaro ngiwa hhe'és, iri amór dó' i kí/, hho'oorós Maria gari bihhií atét, iri ó', «Intsaahhatusmo naa hardáh, kiíng i ateetín.»

Yohana 12:23

Yesu inooín giri báy, «Siiwa aa xeér ar Garmoó Hee kuwa xirfayeesi.

Yohana 13:1

Qoomár deeloodá' ur ar Pasaáka iwa xeeriiká. Yesu gaa xuú' adór qoomaarós ira xeér, tidá' iwa quutli baraaká' yaamuwo, iwa tlay amór Baabá. Nee inós mukós kwí oo baraaká' yaamu guna slaá', slám guri ló'wa sla'ati hhe'eés ay alhhe'eesaay.

Yohana 17:1

Yesu axweesanaywí ooaro nguwa hhe'eés, iri qaytsiít gawaá doori, iri oó', «Baabá, qooma naa hardát. Garmaawók xirfayeeseek, as Garmaawók kuúng uwa xirfayeesi sleeme,

Yohana 20:16

Yesu iri oó', «Mariá.» Maria iri warqeér, iri ilawáts ar tsifrír Ebrania, iri ó', «Raboni.» (Gídaabárós a «Intsaahhatusámo».)

Yohana 7:30

Gawaá adoorihe kuri oohár wa slaá', ala heé gwa oh i kaahh, asma qoomaarós aa xeeriiká.

Yohana 7:6

Yesu inooín giri báy, «Qoomar'eé' naa xeeriiká, ala qoomarhúng i deer deelo sleémeerowo.

Yohana 7:8

Kuungá' tsa/amé', deeloorí ur awaak. Aníng deeloorí ur a awaaká hamihe, asma qoomar'eé' aa xeeriiká.»