Matayo 25:44 - Biblía Axweesantá Hhohho' ar Mungú 2004

⁴⁴ «Mukdá' sleeme iri ooi, ‹Ahaá Aáko, a xaylá atén kuúng uwa araán tawa qwarit, laqaá tawa waxit, laqaá tawa dahaaymo, laqaá tawa /aankwets, laqaá tawa tiq, laqaá tawa baraá doó tseegamo, uri sagadiyusaniiká?›

Ya/abtór hho' 1977

⁴⁴ “Mukdá' sleeme iri ooi, ‘Ahaá Aáko, a xaylá atén kuúng uwa araán tawa qwarit, laqaá tawa waxit, laqaá tawa dahaaymo, laqaá tawa /aankwets, laqaá tawa tiq, laqaá tawa baraá doó tseegamo, ar uwa sagadiyusaniiká?’

Matayo 25:44 Iomraidhean Croise

YEREMIA 2:23

Xáy, adór hám tar o', «Aníng ti slasla/areeká, munguaá Ba'ali iga eehariiká.» Qaytsiít, tlakweemadá' taa tléhh baraá xatstaqá' wa aleeró, ga/aaweek adoodá' taa amorqá' wa tléhh. Kuúng a adór damár ar angamía buka ar /akuutár slaa', tidá' ti'iim amooqá' nee tiqae,

YEREMIA 2:35

Kuúng a kat, Aníng gár tlaakw naa tleéhh i káhh, looeemawo buhhtaawós i kumiitiaaká amor'eene. Ala aníng kuúng u sakwasleemuút asma a kat, Tlakweema iga tleehhiiká.

MALAKI 1:6

AAKOÓ MUNGÚ Aleesleemusmo kuungá' nun yaahamiis, «Na/aay baabuúwós gun ilaiwawaa/, nee sagadiyusmo aakoowós gun ilaiwawaa/, ala aníng bar baabuúhúng, ilaiwa/amer'eé' i amá? Nee aníng bar aakoohúng, ilaiwa/amer'eé' i amá? Kuungaá kaahamuusér Mungú, awa umuueé' ngu waaqaqa'á', kuungá' a kata', ‹Umuuwók adór ngura waaqaqa'aán a adoomá?›

MALAKI 2:17

AAKOÓ MUNGÚ ugwa slaaqatisé' ar /aymi'iihúng. Ala kuungá' a kata', «/Ayma'aá kura slaaqatiisaán a gaalá?» Asma tawa kata', «Umuúqo heé tlakweemaá tlehhiít ku hhoó' dír ilaá AAKOÓ MUNGUHE. Inós múk adór kwí gun sa qwalalaa/,» laqaá tawa kata', «Munguúdá' sakwasleemár ganaa' ga tleéhh i amá?»

MALAKI 3:13

AAKOÓ MUNGÚ i kaahi, «Kuungá' muruú gawdén daanduueene ugwa axwesé'. Ala kuungá' a katá', ‹Gár naa kaahaán daanduuwoge a milá?›

Matayo 10:41

Heé aarusmo gwa ilaoh as tawa aarusmo, bu'utú adór kuduú aarusmo gu sláy. Nee heé heé hota ganaá' gwa ilaoh as tawa heé hota ganaá', bu'utú adór kuduú heé hota ganaá' gu sláy.

Matayo 25:43

Qoomár tawa dahaaymo, iga dahi'isi'iiká. Nee qoomár tawa /aankwets, iga tsiitisi'iiká. Qoomár niwa tiiq, iga neetleesi eeri'iiká, nee qoomár niwa baraá doó tseegamo, iga artá eeri'iiká.›

Matayo 25:45

Inós iri ooi, ‹Án a kah, umuúqo gaaro ar taa tlehhi'iiká dír oo wák baraá hhaee'eé' kuká' ninakwe, a ngina aníngií tlehhi'iiká.›

Matayo 5:6

Múk amohhoó' a kudá' gan'amuú ak leelehhiít ta muruú hatlae, asma inooín gan'amu ngu slayá'.

Matayo 7:22

Baldá' múk yaariír aníng i bay, ‹Aáko, Aáko, atén aga ariirimániíke ar umuuwók, nee neetlaame aga gusisimániíke ar umuuwók, tam muruú yaariír oo waa/oo/amo ugwa tlehhiitániíke ar umuuwók, kudá' naa aténií hanís.›

Luka 10:29

Ala heedá' tina kilós gan'amií harafaár, iri Yésú yaahaás, «Ahaá, inslaawmooeé' a heemá?»