Matayo 25:41 - Biblía Axweesantá Hhohho' ar Mungú 2004

⁴¹ «Aluuwo mukdá' bartá dákw doó basáy i dirií' guri bay, ‹Quutlé' dir'eene, kuungaásingá' taa lu'ús, tlawsé' baraá asltá baloó gwaa'aaká, tidá' taa amohhe'eés as Neetlaangw nee malaykeerós.

Ya/abtór hho' 1977

⁴¹ “Aluuwo mukdá' dákw doó basáy i dirií' guri báy, ‘Quutlé' dir'eene, kuungaásingá' tunda lu'ús, tlawsé' baraá asltá baloó gwaa'aaká, tidá' taa amohhe'eés as Neetlaangw nee malaykeerós.

Matayo 25:41 Iomraidhean Croise

WARA'AMI 119:115

Quutlé' dir'eene kuungaásingá' tlakuúse, asma hara'ayár Munguúeé' ngiwa oh.

WARA'AMI 119:21

Kuúng múk daara/aám un iigahhmít, mukdá' hara'ayarók gaa sii' ku lu'us.

WARA'AMI 139:19

Mungú, alók múk tlákw masók un qwaarés. Múk tseerdaá ku'umamiís masók ni quutliyá' dir'eene.

WARA'AMI 6:8

Quutlé' dir'eene kuungá' sleémeero, awa tlakweemaá tlehhiitá', asma AAKOÓ MUNGÚ afór /aa/ee'eé' gaa axaás.

ISAYA 66:24

Aluuwo inooín tari tláy tuaá mukdá' aníng iga aahh ngiri xuxu'úngw ayá', asma naanagadá' tu'uudá' /aay i baloó qatlká, tam asltidá' gi /aay i baloó gwa'ká, inooín tari gár ta aahhi nee muu sleémeero.»

YEREMIA 17:5

AAKOÓ MUNGÚ i kaahi, «Heé hee gu harahhiíf i tsarere'eeti, kudá' handá' /uuruú hee gwaa harahhiif, kudá' baraá muunaáwose AAKOÓ MUNGÚ gwaa sii'.

Matayo 13:40

Ala adoodá' sla/a kar burumburaarin nee kari daa/ baraá asla, an adór bál deelór alhhe'eesoó yaamuwo tleehharuut.

Matayo 13:42

Kuri kwaahh baraá asltá ur. Didaádá' an dír /aa/e nee sihhina' kiwa qirirtlimiisi.

Matayo 13:50

Nee kudá' tlákw kuri kwaahh baraá asltá ur. Didaádá' an dír /aa/e nee sihhina' kiwa qirirtlimiisi.»

Matayo 18:8

«Bar dakók kuúng u baraá tlakweemií gee/aslín, laqaá yaaeerók, tsateek, amór saaw ti kwahh. A tsiní slafiingw kuwa sleer dakók tawa wak, laqaá yaae, ta tawa dabaá koonda, laqaá ya'a', turi kwaahh baraá asltá baloó gwaa'aaká.

Matayo 25:42

Asma qoomár án niwa qwariit, iga /aymisi'iiká. Nee qoomár niwa waxiit, iga wahasi'iiká.

Matayo 25:46

Nee kukaáká' niri tlayá', niri dahamaá ayá' baraá sakwasleemár alhhe'eesay wasl. Ala mukdá' hota ganaá' tan dahamaá áy baraá slafíngw alhhe'eesay wásl.»

Matayo 3:12

Iimpeerós ar haritleemis ga kón, nee dirós tidár haritleemis ga fiitsa hhe'ees, nee balaangw guri baraá kuuntír i qaas, ala muundáy gun daa/ ar asltá baloó gwaa'aaká.»

Matayo 4:10

Yesu iri oó', «Neétlaangw, quútl. Asma kaa gooín, ‹Aakoó Munguúwók na sluufmiseek, nee inós kilós ku sagadiyús.› »

Matayo 5:22

Ala án kuungá' nu baw, ‹Umuúqo heewo oo hhiyaawós gwa i buuhh, gár kuwa hariím a kun sakwasleemuut.› Umuúqo heewo oo hhiyaawós /ooslisliím, gár kuwa hariím kun huuw dír doó sakwasleema. Nee umuúqo heewo oo hhiyaawós gu babáw, ‹Kuúng a daktani›, gár kuwa hariím asltá baloó gwaa'aaká gun /ák.

Matayo 7:23

Aluuwo án ngiri baw ar gwa/aateema, ‹Án kuungá' nu baloó xuaaká. Quutlé' dir'eene, kuungaásingá' muruú tlákw tlehhahhitá'.› »

Luka 13:27

Ala inós kuungá' nuri bay, ‹Amór ta dahha' aníng a xuaaká. Quutlé' dir'eene kuungaásingá' sleémeero awa tlakuuse.›

Luka 16:24

Daqaarmoodá' iri tseé' amór Abrahamu iwa kaahi, ‹Baabá Abrahamu, án gurtlawáng. Lasaro ya/aaweek ma'aay ngi tikiisi ar diitsarós, tsifrangw'eé' ngu tse'eesi, asma baraakae asla i ló'wa slahh'eemís.›

Yohana 8:44

Kuungá' amór ta dahha' a amór baabuúhúng, Neetlaangw, nee ilatleerír baabuúhúng an tidá' ta sla'a' tlehhmuuwo. Inós a tsu/utusmo iimír iimu/uungo, tam aa sihhiitiiká baraá looeemá i alé, asma looeema baraawose i kahhiyá'. Bir lamtá axwees, a tós kilós gan axwees, asma inós a lamusmo nee a baabuú lama.

2 Tesalonike 1:7

Nee inós kuungaásingá' taa slahh'eemiís, nun amoohhooárí haniis, dinkwa nee atén. Adoorí in tleehharút qoomár Aako Yesu burkwa gawaá doorí wa geehhooeés, dinkwa nee malaykeerós ar aleesleemuú koom.

2 Tesalonike 1:9

Sakwasleemar'ín a kin qwaarees ay alhhe'eesay wasle, kiri paraatl dír gitsee/aá Aakoowo nee dír xirfuú aleesleemuuwós.

Ebrania 6:8

Ala yaamuudá' gár naa laqwaliyé' bar laqaya' nee fuquráy, gár i buiya' i káhh. Yaamaá adoorí kaa nak/aás lu'usaro nee Mungú. Alhhe'eesaywo ki daa/ ar asla.

2 Petro 2:4

Asma Mungú malaykeedá' tlakweema gaa tlehh, gaa gurtlayká, ala gana kwaáhh baraá bohóngw qwanaay. Tan baraadá' wa hoot, kawa tsegiít nee kawa xun baraá giwtír wa ale, as Deeloodár sakwasleema kawa daamaaran.

1 Yohana 3:10

Gawaá adoorihe na/aá Mungú ki geehhoo', tam na/aá Neetlaangw sleeme. Asma heé tlakweemaá tlehhaahhiít kwa laqwaaliiká nee Mungú, tam kudá' hhiyaawós ahhiít sleeme.