Matayo 25:36 - Biblía Axweesantá Hhohho' ar Mungú 2004

³⁶ Qoomár án tawa /aankwets, ina tsiitisé'. Qoomár niwa tiiq, ina neetleesi eeré'. Nee qoomár tiwa tseék, ina artá eeré'.›

Ya/abtór hho' 1977

³⁶ Qoomár án tawa /aankwets, iga tsiitisé'. Qoomár niwa tiiq, iga neetleesi eeré'. Nee qoomár tiwa tseék, iga artá eeré'.’

Matayo 25:36 Iomraidhean Croise

ISAYA 58:7

Gwaawitór ló' an tí: Múk qwariít kuwa /aymisa', nee narkuutér maraá koomaaká kawa dah'isa'. Múk tlabaá koomaaká kuwa tsiitisa' nee mar'eefoowók kiwa alee/is.

ESEKIELI 18:16

hee gu /aytinká, iinár hee ga konká, daqaari'iimár heé hatlá' ga hayoohinká, ala múk qwariít gu /aymiis, nee múk tlabaá koomaaká gu tsiitmiis,

ESEKIELI 18:7

barnaxes hee gu /aytinká, nee gár hee birnga kiriík ga ki/imis, bar muruú muu gu malguusiiká, ala muruú /aymaaro múk qwariít gun qaqáy nee kudá' tlabaá kooma'aaká gi tsiitmiis,

ESEKIELI 34:4

Kudá' liitlakwén uga /uurií qaasiiká, nee oo tiíq ugwa maasáy hanisi'iiká, kudá' aa qeqtin ugwa tlaawindi'iiká, kudá' tawo hi'iimiít iga haraki/isiiká, nee kudá' aa qwaqwadin ugwa leelehhtuú eeri'iiká. Ala kuungá' una de'eendé' ar /uuru nee ar xarasleema.

Matayo 25:37

«Mukdá' hota ganaá' tari ooi, ‹Aáko, ahaá a xaylá kuúng tawa qwarit, uri /aymiisaán? Laqaá tawa waxit uri wahaasaán?

Matayo 25:43

Qoomár tawa dahaaymo, iga dahi'isi'iiká. Nee qoomár tawa /aankwets, iga tsiitisi'iiká. Qoomár niwa tiiq, iga neetleesi eeri'iiká, nee qoomár niwa baraá doó tseegamo, iga artá eeri'iiká.›

Luka 3:11

Giri báy, «Heé tlabaá tsár gi koóm, kudá' tlawuú koomaaká ngu qay, nee heé muruú /aymár koóm sleeme kudá' gu koomaaká ngu qay.»

Tlehhema'aá ya/Abuuse 20:35

Baraá muruú yaariire aníng ngaa laqaám, adór gár atén tiwa hariím, tar liitlakuuse kawa alee/iisaan, ar gadiyér adór tí kawa tleehhaan. Nee /ayma'aá Aako Yesu ki inslawaán, kudá' iwa oó', ‹Qwala/ i deer baraá gaa haniisaro ta baraá gaa ilaooharo.› »

Ebrania 10:34

Kuungá' ana slahhahhaé' dinkwa nee mukdá' taa tsegiít. Slám muu muruuhúng nguwa hayohín, kuungá' adoodá' ana ya/aandé' ar qwal/amaaye. Asma kuungá' aga xué' adór daqaari'iimarhúng ar hatlá' ir deér, tidá' baloó faakaaká.

Ebrania 13:3

Mukdá' taa tsegiít baraá doó tseegamo, inslaslaawaak. Kuungá' sleeme masók an adór múk taa tsegiít dinkwa nee inooín. Tam mukdá' ta slahh'eemisi sleeme inslaslaawaak, asma kuungá' sleeme a múk slaqwaá koóm adór inooín wa ale.

Yakobo 1:27

Diínír hhoohhoo', ar slasla/areeká dír geeraá Mungú Baabahe, a tí, panaay nee /ameenár kwaeeli kiwa amohhe'eemisa' baraá slahh'amuuine, nee kuungá' tiwa harmagahha' nee tlakweemaá yaamu.