Matayo 25:33 - Biblía Axweesantá Hhohho' ar Mungú 2004

³³ Bee/aangw guri qaas bartá dakós oo doó /iyáy, nee aara giri qaas bartá dakós oo doó basáy.

Ya/abtór hho' 1977

³³ Bee/aangw guri qaas amór dakós oo doó /iyáy. Nee aara giri qaas amór dakós oo doó basáy.

Matayo 25:33 Iomraidhean Croise

1 WAAWITÁ 2:19

Naagáy Bat-sheba iri dát amór waawutmo Solomon as tawa axweesi daanduú Adoniawo. Waawutmo iri sihhiít nee inós tiri doogiyé', iri dír geeraawós i tumbarara'aát, aluuwo iri kií/ gawaá kitaangós kuduú waawuti'iima, iri oó', «Aayír waawutmo kitaángwí haniisaak.» Bat-sheba iri iwít dákw doó /iyáy oo waawutmo.

WARA'AMI 100:3

Xuaak adór AAKO tar Mungú! Inós an kudá' atén taa tleehh, nee atén an mukós, atén an mukós nee bee/ángw qawtantós.

WARA'AMI 110:1

AAKOÓ MUNGÚ iri oó' dír Aakooeé', «Iwiít bihhaá dakw'eé' oo doó /iyáy, ay dír wakuuseerók ngay qaas baraá tsa/aá ya'aawók.»

WARA'AMI 45:9

Dasuú waawitá i baraá tla/ángw amami'iiwók kudá' ilaiwa/uuse, bihhaá dakók oo doó /iyayhe waawuto'o aa sihhít, tsiitaywós a tsiitoó sahaábuú yaamaá Ofirír daáhh.

WARA'AMI 79:13

Daqaní mukók kuduú adór daqtá bee/aangw ar baraá qawtani, kuúng u sluufiis daqisleém, xirfuuwók un alki/iitaán baraá qari sleémeero.

WARA'AMI 95:7

Asma inós an Munguúrén, atén an mukós oo i de'en, nee a bee/ángw baraá qawtaantós. Ahaá, ka hhoóeéke laarí afoorós bara iiárií qás.

DAHARUSMO 10:2

Muunuú heé sagaloó' gun geerahaar baraá muruú ganaa', ala heé daktani ku qwaarees nee inslawoó muunaáwós.

Marko 16:19

Aako Yesu axweesantá dir'ín ngiwa hhe'eés, kurira tláy gawaá doori, iri iwiít dákw doó /iyáy oo Mungú.

Efeso 1:20

/Uuruudá' gadiyeé ga tleéhh baraarén wa ale an /uuruudá' Mungú ira gadiyuús qoomár Kristo nguwa waaslee/atís baraá múk aa qaátl wa ale, guri qaás dakós oo doó /iyáy gawaá dooriwo.

Ebrania 1:3

Inós an miiraa/ór xirfuú Mungú, nee an slaqsoó Munguú kilá'. Inós mura' sleémeero gun amohhe'eemaamiis ar axweesantós tidá' aleesleemuú koom. Tlakweema hamaatlaro ngiwa hhe'eés, iri iwiít dákw doó /iyáy oo Munguú Aleesleemusmo gawaá dooriiwo.