Matayo 25:21 - Biblía Axweesantá Hhohho' ar Mungú 2004

²¹ Aakoowós iri oó', ‹I qoón, kuúng a lawaalmoó hhoó' nee oo inkihhím. Kuúng tu inkihhím baraá tidá' niina tuy saayini. Án kuúng u muruú yaariír i saayiím daxta. Qwál daháng baraá qwal/uueé'.›

Ya/abtór hho' 1977

²¹ Aakoowós iri oó', ‘I qoón, kuúng a lawaalmoó hhoó' nee oo inkihhimuú koóm baraá tidá' niina tuy saayini. Án kuúng u muruú yaariír i saayiím daxta. Qwál daháng baraá qwal/uueé'.’

Matayo 25:21 Iomraidhean Croise

AXWEESANOÓ SAGALOOA 14:35

lawaalmoó sagalooárár hoót waawutmo gu gurií baa/, Ala xarasleemaawós in gawaá heé mure wásl.

AXWEESANOÓ SAGALOOA 28:20

Heé inkihhimuú koóm tsuuqaá yaariir gi sláy, ala heé daqaari'iitár slaá' ar gaanslaay muxtaaro ku pa/asiiká.

Matayo 24:45

«Sagadiyusmoó inkihhím nee oo sagaloó', oo aakoowós i do'ósií saayin a gaalá? As múk doó aakoowós nguwa muruú /aymár i hanmiisi ar qoomár hariima.

Matayo 24:47

Án a kah, aakoowós gun qaas daanduú muruuwós sleémeero.

Matayo 25:23

Aakoowós iri oó', ‹I qoón, kuúng a lawaalmoó hhoó' nee oo inkihhím. Kuúng tu inkihhím baraá tidá' niina tuy saayini. Án kuúng u muruú yaariír i saayiím daxta. Qwál daháng baraá qwal/uueé'.›

Matayo 25:46

Nee kukaáká' niri tlayá', niri dahamaá ayá' baraá sakwasleemár alhhe'eesay wasl. Ala mukdá' hota ganaá' tan dahamaá áy baraá slafíngw alhhe'eesay wásl.»

Luka 12:44

Ar ló' án a kah, aakoowós gu qaas daanduú muruuwós sleémeero.

Luka 16:10

Heé inkihhimuú koóm baraá gár niinawe, tam baraá gár ure sleeme i inkihhimuú kón. Nee heé inkihhimuú koomaaká baraá gár niinawe, tam baraá gár ure sleeme i inkihhimuú konká.

Yohana 12:26

Aníng hee bir sagadiyuus, i eehari. Daqaní didaádá' aníng ni diriia, an didá' sagadiyusmooeé' sleeme i dirii'i. Slám aníng hee bir sagadiyuus, heewí ku ilaiwawaa/ nee Baabá.»

Yohana 14:3

Án bara tláw, barnaxes hotangwhúng ngwa amohhe'eés, ni malé kií/ as nuwa amor'eé' dahi'is, as didaádá' án ni dirii', masók kuungá' a deer.

Yohana 17:24

«Baabá, kuká' kuúng naa hanís, gár ni slaa', masók i dinkwa nee aníng didá' án ni diriia. Nee xirfuudá' naa aní hanís nguwa ga/aya'. Asma án kuúng ina slá' iimír yaamu kiwa tleehhiiká.

Rumi 2:29

Ala heé Yahudi oo kilá', an kudá' Yahudi'iimarós baraá muunií dirii'. Nee al/utlór kilá' a tidár muuná kuwa al/utli. Al/utloorí kan tleehh nee Qeeruú hhoohhoó' oo Mungú, slám ka tleehhiiká nee hara'aya. Heé adoorí xirfuuwós amór i dahhi a amór mukooká, ala a amór Mungú.

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.

2 korinto 10:18

Asma heé ti kilós xirfayeemiís, inós ku ya/anká nee Aako, ala heé ta ya/an a kudá' Aako aa xirfayeés.

2 korinto 5:9

Alaá tí sleémeerowo gár ta ak sla'aan a inós kuwa sla'atisan, atén dír ta hootaan tam a baraaká' yaamuwo laqaá gawaá doori.

Filipi 1:23

Aníng a baraá waatsaraárí dirií'. Aníng a ló'wa slaá' niwa tlaw, niwa hotángw aw amór Kristo, asma adoorí a tsiní kángw kilá' wa ale.

1 Timoteo 3:13

Asma Múk gadiyér hho' ga tlehhiít dír múk kríshaanayhe, ilaiwa/ame ga sláy, nee haratlintaaor'ín tidár baraá Kristo Yesu ka aleesláy kawa alki/iiti.

2 Timoteo 2:12

Atén bar aga qiitlaán, a alwaawuti'iimaán dinkwa nee inós sleeme. Atén inós bura sa tlaankaán, inós sleeme atén ti sa tlaank.

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.

Geehhoeemaá 2:10

Slahh'amaayeedá' kuúng ta sleer ma da'ayuutaar. Ga/aaweek, Neetlaangw kuungá' bahh'alé nu tsegiit baraá doó tseegamo, as tunduwa iiari. Nee kuungá' slahh'amu u sleerá' deelo mibaangw. Kuúng masók tu inkihhím tam ay gwa'ara, daqaní aníng slamángw slafiingw ngu haniís.

Geehhoeemaá 21:7

Heé arba/ati ga sláw, inós muruuwí sleémeero gu aal. Daqaní aníng tari Munguúwós nee inós tari garmaaeé'.

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.

Geehhoeemaá 7:17

Asma Deelmoó bee/i kwí tla/ángw kitángw aleesleemuú i dirií', inós inooín gi de'én, giri geeraharahaar didár kutloó ma'aá slafíngw koóm i dirii'i. Nee Mungú hhirhheeri'ín sleémeero gi fiits baraá ilaaine.»