Matayo 25:20 - Biblía Axweesantá Hhohho' ar Mungú 2004

²⁰ Kuduú talaántár kooán gaa slay niri hardáh, talaántár kooán ar hatlá' ngiri huúw, iri oó', ‹Aáko, kuúng talaántár kooán ngina hanís. Qaytsiít, talaántár hatlá' kooán ngaa sláw baraá halaanu'uumaro.›

Ya/abtór hho' 1977

²⁰ Kuduú talaántár kooán gaa slay niri hardáh, talaántár kooán ar hatlá' ngiri huúw, iri oó', ‘Aáko, kuúng talaántár kooán ngina hanís. Qaytsiít, talaántár kooán ar hatlá' ngaa sláw baraá halaanu'uumaro.’

Matayo 25:20 Iomraidhean Croise

Matayo 18:24

Qoomár Faaro ngiwa iimu/ún, kuna heekwií huúw oo ta shiliingír kumér kúm iinuusi.

Luka 19:13

Qoomár iwa aa'aá kay, lawaaleerós ar mibaangw gari ateét, bohhaá mibaangw awa peésa giri dir'íní hanmiís, iri oó', ‹Bohhuusingá' ar halaanu'usaak ay dír án ni kii/.›

Tlehhema'aá ya/Abuuse 20:24

Ala bar án kilooeene slafingw'eé' u gaárí xuaaká. Ala gár gídaabár koom a masók slafingw'eé' kudá' nee Aako un alhhe'eés, nee gadiyér'eé' tidá' naa ilaaóh dír Aako Yésú wa ale, ngiwa alhhe'ees. Nee gadiyeérí an alki/ituú Ya/abtór hho' daanduú gurtleemuú Mungú.

1 Korinto 15:10

Ala gár aníng nis adoorí dirii' a tsuuqaá Mungú. Slám tsuuqaawós kuká' naa aníngí haniís a tawoorooká. Ala aníng gadiyeé ana ak tleéhh ta kudá' hatlá' sleémeerowo. Ala heé gaa tleehh a aningeeká, ala a tsuuqaá Mungú kudá' dinkwárí diriia' nee aníng.

Kolosai 1:29

Aníng a gadiyuús nee a naagamiís as gadiyeédá' ngiwa boo/ees, ar baraá /uuruudá' úr oo Kristo ni aníng i hanmiisi, /uuruudá' ló'wa gadiyuús baraaeé' wa ale.

Yakobo 2:18

Laqaá daqtakaaro heeko i ooi, «Kuúng gár ta koon a haratlintaao, aníng gár ni koom a tlehhemi'i.» Ala gár án ni oo' a tí, «Haratlintaaoorók tidá' tlehhema'aá koomaaká laqaamang, adór tar haratlintaaór ló', nee daqaní aníng haratlintaaor'eé' ngi laqaám ar loohír tlehhemi'i, adór tar ló'.»