Matayo 24:45 - Biblía Axweesantá Hhohho' ar Mungú 2004

⁴⁵ «Sagadiyusmoó inkihhím nee oo sagaloó', oo aakoowós i do'ósií saayin a gaalá? As múk doó aakoowós nguwa muruú /aymár i hanmiisi ar qoomár hariima.

Ya/abtór hho' 1977

⁴⁵ “Sagadiyusmoó inkihhimuú koóm nee oo sagaloó' a gaalá, oo aakoowós i qaasi daanduú do'ós i aleeró, as múk doó aakoowós nguwa muruú /aymár i hanmiisi ar qoomár hariima.

Matayo 24:45 Iomraidhean Croise

TI'INAANGW 36:4

As adoorí mukdá' sleémeero oo sagalooár koóm oo gadiyér didá' hhoohhoo' ga tleehha, gadiyeeduuín ngari geexayé', tari tláy ay amór Mose,

AXWEESANOÓ SAGALOOA 14:35

lawaalmoó sagalooárár hoót waawutmo gu gurií baa/, Ala xarasleemaawós in gawaá heé mure wásl.

AXWEESANOÓ SAGALOOA 28:20

Heé inkihhimuú koóm tsuuqaá yaariir gi sláy, ala heé daqaari'iitár slaá' ar gaanslaay muxtaaro ku pa/asiiká.

ESEKIELI 34:2

«Heewí, aariím daanduú de'eemuusér Israeliwo. De'eemuuse kabeeto, anuú Aakoó MUNGÚ a kah, ‹Tsaxwaahúng, kuungaásingaá de'eemuusér múk Israeli, kuungaásingá' ti kiloohúng /aymisá'. Xáy, hariimaro a de'eemuuse bee/angw'eé' gun /aymiskáhe?

ESEKIELI 46:24

Heedaádá' iri báy, «Gaarí an akweeso awa sagadiyuusér Doó Mungú, ilahhooadár muruú ta tsu/i ar muu ni huwaahuwi kan gawaaká' wa humín.»

Matayo 10:16

«Qaytsité', án kuungá' nu adór bee/ángw wa ya/aáw baraá tla/ángw tawer, gawaá adoorihe masók tundun sageloén adór dayshe, slám masók tundun tsaén adór hhooka.

Matayo 13:52

Yesu giri báy, «Gawaá adoorihe umuúqo intsaahhatusmoó hara'ayár Mosewo, oo sagalooár waawuti'iimár doori ga koóm, a slaqás nee heé do' loó', oo baraá daqaari'iimarose muruú /abén nee oo qarene gu hanmiís.»

Matayo 24:46

Heé amohhoó' a sagadiyusmoó adoodá' gaa tleehh aakoowós guri adoodí áy.

Matayo 25:2

Baraá tla/angw'ine dasuú kooán a daktana, nee oo kooán a fuquruuse.

Matayo 25:21

Aakoowós iri oó', ‹I qoón, kuúng a lawaalmoó hhoó' nee oo inkihhím. Kuúng tu inkihhím baraá tidá' niina tuy saayini. Án kuúng u muruú yaariír i saayiím daxta. Qwál daháng baraá qwal/uueé'.›

Matayo 25:23

Aakoowós iri oó', ‹I qoón, kuúng a lawaalmoó hhoó' nee oo inkihhím. Kuúng tu inkihhím baraá tidá' niina tuy saayini. Án kuúng u muruú yaariír i saayiím daxta. Qwál daháng baraá qwal/uueé'.›

Matayo 7:24

«Umuúqo heé axweesanay'eé' kwí gwa axaas nee adoodá' i kaahi gay tleéhh, a slaqás nee heé fuqurángw koóm, oo do'ós gwa tleehh gawaá daanduú tlaa/a.

Luka 19:17

Aako iri oó', ‹I qoón, kuúng a lawaalmoó hhoó', asma kuúng tu inkihhím baraá gár niinawe. Ala gawaá adoorihe án kuúng u waawutmoó gixsadaá mibaángw wa qaás.›

Tlehhema'aá ya/Abuuse 20:28

Kuungá' kilá' munerhúng harmagahhaak, nee kríshaanáydá' sleémeero, kudá' Qeeruú hhoohhoó' oo Mungú kuungá' nuwa qaás tawa xuumuuser'ín. As múk Aako kuwa de'eenda', kudá' inós aa tlaáxw ar tseereerós ar kilá'.

1 Timoteo 1:12

Aníng Kristo Yesu Aakoorén un sluufmiís, kudá' aníng iga /uurií haniis. Slám un sluufmiís asma aníng ina harafaár tawa heé inkihhimuú koóm, iri qaás baraá gadiyeérós i alé,

2 Timoteo 2:2

Kuúng tidá' sleémeero aníng naa intsaahhatimís dír geeraá múk wa ale aga axás. Kuúng intsaahhasarí ka saayiín dír múk inkihhimuú koóm, kudá' aleesleemuú koóm oo múk hatlá' kuwa intsaahhatisi sleeme.

Ebrania 3:5

Mose a sagadiyusmoó inkihhím baraá doó Mungú sleémeerowo. Inós muruudá' Mungú i aluú wa alki/iiti guna lamabu'ún.

Geehhoeemaá 2:13

Kuúng dír ta hot aníng a xuú'. Kuúng dír ta hot a didár kitángw aleesleemu oo Neetlaangw. Ala án kuúng iga sa tlankká, slám ana kumaamít aníng iwa haratlintaati' tam qoomár de'emaá Antipa lamabu'usmooeé', slám a lamabu'usmooeé' oo inkihhím. Inós kuna gaás baraá tla/angwhúng i alé, didá' Neetlaangw i hooti.

RUTI 2:6

Sageesihhtusmoodá' iri oó', «Inós a dahaayo'o ar xoorór Moabu. A tidá' nee Naomi ti koomá' qoomár Naomi niwa kí/ baraá yaamaá Moabu wa alé.