Matayo 24:38 - Biblía Axweesantá Hhohho' ar Mungú 2004

³⁸ Asma qoomár tluwoó da/atén iwa tluwiiká, muu ina /ayín nee ina wahán, slám tana duuxuxún nee kina duxuút, tam ay baalaadá' Noa iwa baraá miringamoowí dáh.

Ya/abtór hho' 1977

³⁸ Asma qoomaadár tluwoó da/atén iwa tluúw, muu ina /ayín nee ina wahán, slám tana duuxuxún nee kina duxuút, tam ay deeloodá' Nuhu iwa dáh baraá miringamo.

Matayo 24:38 Iomraidhean Croise

IIMU/UUNGW 6:2

Daaqoó Mungú dasuuduú muu kuna ár adór kur hhohhó'. Adoorihe inooín dasú naa tsawaariyé', nguna duxuutiyé'.

IIMU/UUNGW 7:23

AAKOÓ MUNGÚ umuúqo gár slafa daanduú yaamuwo gana adoorír hhaamiís, muu, nee makaay, nee muruú gur'eérár hi'iimita, nee tsir/o sleémeero, gina hhaamiís gawaá daanduú yaamuwo. Ala Noa kilós iri meét, nee kudá' nee inós dinkwa baraá miringamoowo.

IIMU/UUNGW 7:7

Noa iri dáh baraá miringamo, nee daaqaywós nee aamaarós, nee tlaawoó daaqaywose, as tawa /uy ma'aá tluuwaydá' hardaha.

Matayo 22:30

Asma alaá waasle/uuwo muu i duuxuxunká, nee /ameena ka duxuutiiká. Asma inooín a adór malayke gawaá dooriwo.

Luka 12:19

Daqaní nay kilooeé' oo', ‹Balángw yaariír u koóm oo ni /aay kureeraá yaariire, nee muruú hatlá' sleeme. Aníng daxta an iwiwiít, an /ayiím, an wahaám, an qwalalaá/.›

Luka 12:45

Ala i ya/aán sagadiyusmoodá' iwa baraá muunaáwósí ooi, ‹Qaytsiít, aakooeé' ki/imawo naa tliík.› Ala tí ooaro binga hhe'eés, sagadiyuuseedár hatlá' ar hhawaate nee ar /ameenaaro gari muxtár áy. Inós iri /ayín nee iri wahán nee iri ooniit.

Luka 21:34

«Ti harmagahhe', munerhúng miwa hhitirút ar hheehha, nee xufta, nee ma daawimitaara' as muruú baraakaá yaamu, deeloodár alhhe'eesaay munduwa hhaawís adór tsaaxweeli ir ohaahiin.