Matayo 24:30 - Biblía Axweesantá Hhohho' ar Mungú 2004

³⁰ Daqaní layár Garmoó Hee kari ar gawaá doori, nee xoordu sleémeero awa baraá yaamu tari tsuunqumiis. Garmoó Hee kuri ar, niwa awdiiti ar huunkoó gawaá doori, ar /uuru nee xirfuú yaariír.

Ya/abtór hho' 1977

³⁰ Daqaní layár Garmoó Hee iri geehhouúr gawaá doori, nee xoordu sleémeero awa baraá yaamu tari tsuunqumiis. Nee Garmoó Hee kuri ar, niwa hardahi ar gawaá hunkoó doori, i /uuruú kón nee xirfuú yaariír.

Matayo 24:30 Iomraidhean Croise

DANIELI 7:13

«Baraá iigu'utuú xweeraawo naxés, hee una ár oo slaqás adór garmoó Hee, naa hardáh ar gawaá huunkáy, iri hardáh dír aakoodá' daadáw kureerisleém, nguri dír geeraawós huwiyé'.

SEKARIA 12:10

«Aníng múk doó Daudi nee yaamuloouusér Yerusalemu i qeeruú i haniís oo firo nee oo gurtleemu, gawaá adoorihe, qoomár kudá' naa mutiyé' burngwa i qaytsitiyé', inooín nguri satsuunqumisiyá', adór hee na/aywós oo kilós ngur santsuunqumisi, inooín nguri sa/a/amná' adór heé na/aywós oo baris ngur alee/aa/amaamin.

SEKARIA 12:11

Baalaadár kilae múk Yerusalemu iri ló'wa tsuunqumiis adór Hadad-rimoni ira baraá xatsaá Megidór wa tsuunqumiís.

Matayo 24:3

Tam qoomár Yesu iwa iwiít gawaá tloomár xaaiikaari ta babay seituúni, eeharuuseerós guri i daqeér dír tawa kilooín, tari oó', «Kangwsíng aténí ooang, axáy i tleehharuuti a xaylá? Nee layár ta araan a gaalá ar hardahamuuwók nee ar alhhe'eesoó yaamu?»

Matayo 24:37

Asma adoodá' qoomár Noawo aa tleehharuut, an adór bál hardahaamuú Garmoó Heewo tleehharuut sleeme.

Matayo 24:39

Gár taa tsaáhh i káhh daanduú tidá' aa tleehharuti ay qoomár ma'aay niwa wa/iyé', muu sleémeero nguri hayoohiyé'. Adoorí an adoodá' tleehharuut bál hardahamuú Garmoó Heewo.

Matayo 26:64

Yesu iri oó', «Kuúng aga ó'. Ala án a kah, iimír hamí Garmoó Hee u aandá' aa iwiít dákw doó /iyáy oo kudá' aleesleemuú koóm, nee nay kii/ ar huunkoó doori.»

Marko 13:26

Aluuwo Garmoó Hee kuri ar i awdiit ar huunkáy, ar /uuruú úr nee xirif,

Marko 13:4

«Atén i ooang, kangwsíng i tleehharuuti a xaylá, nee layár ta ari a umós, qoomár kaangwí birna tseewúy?»

Luka 21:27

Aluuwo Garmoó Hee kuri ar niwa hardihi ar /uuruuwós nee xirfuú yaariír.

Luka 22:69

Ala iimír hamí Garmoó Hee i iwiit bihhaá doó /iyáy awa Munguú aleesleemuú koóm.»

Tlehhema'aá ya/Abuuse 1:11

Mukdá' iri oó', «Aá múk Galilaya, asma milá mas sihhimitá' tawa dooraá ga/eerá'? Yésuuwí gawaá doori tsa/a/ám ni kii/, ar adoosíng kura aandé' iwa tsa/a/an gawaá doori.»

2 Tesalonike 1:7

Nee inós kuungaásingá' taa slahh'eemiís, nun amoohhooárí haniis, dinkwa nee atén. Adoorí in tleehharút qoomár Aako Yesu burkwa gawaá doorí wa geehhooeés, dinkwa nee malaykeerós ar aleesleemuú koom.

Geehhoeemaá 1:7

Qaytsiít, inós ni hardah ar baraá huunkáy. Umuúqo heewo guri ar ar ila', tam mukdá' inós gwa mutin sleeme guri ar. Nee muu sleémeero oo baraaká' yaamu iri /aa/amín ar gurhaami as inós. Eeít, adoorí an adoodá' tleehharuut. Amin.

Geehhoeemaá 12:1

Layár ur iri geehhouúr gawaá doorí wa ale. Layaarí a /ameenír taa tsiitiís ar tsee/amá, nee slahhaangw i baraá tsa/a'aá ya'aawós i dirii'. Nee gár gawaá sagós a slamángw tsatse/uú mibaá nee tsár.