Matayo 24:3 - Biblía Axweesantá Hhohho' ar Mungú 2004

³ Tam qoomár Yesu iwa iwiít gawaá tloomár xaaiikaari ta babay seituúni, eeharuuseerós guri i daqeér dír tawa kilooín, tari oó', «Kangwsíng aténí ooang, axáy i tleehharuuti a xaylá? Nee layár ta araan a gaalá ar hardahamuuwók nee ar alhhe'eesoó yaamu?»

Ya/abtór hho' 1977

³ Tam qoomár Yesu iwa iwiít gawaá tloomár xaaiikaari ta babay Miseituni, eeharuuseerós guri i daqeér qoomár tawa kilooín, tari oó', “Atén i ooang, kangwsíng i tleehharuuti a xaylá? Nee layár ta araan a gaalá ar hardahamuuwók nee ar alhhe'eesoó yaamu?”

Matayo 24:3 Iomraidhean Croise

Matayo 13:36

Yesu boo/aay guri deelór i oó', iri dáh baraá dó' i i alé. Eeharuuseerós guri i daqeér, guri beér, «Slaqsaywú sla/atadá' baraá qaymo, gídaabárós atén i ooang.»

Matayo 13:49

Adoorí an adór tleehharuut bál deelór alhhe'eesoó yaamuwo. Malayke nin hardát, mukdá' tlákw guri amór saáwí parátl dír kudá' hota ganaa'a.

Matayo 15:12

Eeharuuseerós guri i daqeér guri beér, «Kuúng aga tsáhhi, múk Farisayo /aymuudá' nguwa axaás adór tara buúhh?»

Matayo 16:27

Asma Garmoó Hee i hardah ar baraá xirfuú Baabuúwós dinkwa nee malaykeerós. Qoomaadá' an qoomár umuú heewo nguwa bui ar qoomoó tlehhemi'iiwós.

Matayo 16:28

Án a kah, muu i deer baraá tla/ángw mukwí sihhimiita, oo baloó qatlaaká, ay dír Garmoó Hee kway ari birna hardáh ar baraá waawuti'iimarós.»

Matayo 17:19

Eeharuuse Yesu guri i daqeér qoomár inós tawa kilós, guri beér, «Ahaá, atén neetlaameedá' masa harslaaqataán duuxaro?»

Matayo 21:1

Tari Yerusalemií tseewúy, tari hardáh Betfage, dír tloomár xaaiikaari ta babay seituúni. Yesu eeharuusér tsár gari ya/aáw,

Matayo 24:27

Asma adoodá' mankari ir da/aáw wa gwa/at, tam /uwaawo kay ar, adoorí an adór Garmoó Hee nir hardihi.

Matayo 24:30

Daqaní layár Garmoó Hee kari ar gawaá doori, nee xoordu sleémeero awa baraá yaamu tari tsuunqumiis. Garmoó Hee kuri ar, niwa awdiiti ar huunkoó gawaá doori, ar /uuru nee xirfuú yaariír.

Matayo 24:37

Asma adoodá' qoomár Noawo aa tleehharuut, an adór bál hardahaamuú Garmoó Heewo tleehharuut sleeme.

Matayo 24:39

Gár taa tsaáhh i káhh daanduú tidá' aa tleehharuti ay qoomár ma'aay niwa wa/iyé', muu sleémeero nguri hayoohiyé'. Adoorí an adoodá' tleehharuut bál hardahamuú Garmoó Heewo.

Matayo 24:43

Slám /aymuuwí na xuaak barnaxes, heé do' loó' ga xuu' adór fisusmo ir do'ós gaasár áy, geera alók aa dalaá'. Geera do'ós gu mayká kuwa gaasi.

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Luka 21:7

Yesu kuri yaahaás, kuri báy, «Intsaahhatusámo, muruuwí xaylá i tleehharuuti? Nee qoomár muruuwí birna tseewúy, layár kur tsaahhaan a gaalá?»

Tlehhema'aá ya/Abuuse 1:7

Iri oó', «Siiwadá' nee qoomaadá' Baabá aa qaás baraá aleesleemuuwose a gadiyérhungeeká kawa xua'.

Ebrania 9:26

Asma geera barnaxes a adoorí, geera Kristo gár kuwa hariím a gwa'araarós gan inkaakii/ daqtá yaariire iimír yaamu kiwa tleéhh. Ala hamí qoomaarír alhhe'eesaywo inós nina hardáh baraaká' yaamu sagaáwa wák kilós as tlakweema ngiwa hingeesi ar gwa'araarós, tiwa kilós ilahhooár wa haniís.