Matayo 24:27 - Biblía Axweesantá Hhohho' ar Mungú 2004

²⁷ Asma adoodá' mankari ir da/aáw wa gwa/at, tam /uwaawo kay ar, adoorí an adór Garmoó Hee nir hardihi.

Ya/abtór hho' 1977

²⁷ Asma adoodá' mankari ir da/aáw wa gwa/at, tam /uwaawo kay ar, adoorí an adór Garmoó Hee ir hardihi.

Matayo 24:27 Iomraidhean Croise

YOBU 37:3

Afoorós in harweeririín umuúqo diiro gawaá dooriwo, nee mankaroorós in gwa/át ay ku/uyaá doori.

YOBU 38:35

Kuúng mankari kawa ya/ap a aleesleéra? Nari kí/ uri beer, ‹Aníng areeng naa wayaá'?›

ISAYA 30:30

AAKOÓ MUNGÚ afoorós tidár aleesleemu gan tlees, as kahhó' kawa axaasi nee muu sleémeero, nee slahhtós tidár /uuru kawa ari ar buhhtaá yaariir, nee tsángw asltá /ayima nee kwarara/aaro nee duktá yaariir ar tluwoó tlaa/e.

ESEKIELI 1:14

Muruuwí slaáf ina amoorí nee taqá' xuaxuú' adór mankartá wer'eeliim.

SEKARIA 9:14

AAKOÓ MUNGÚ mukós gu harati'iit, mahaangós guri tsaxaar adór mankari, Aakoó MUNGÚ tarumbeéta gari ufaahh, inós nin hardah ar bambaaór baskú daahh.

MALAKI 3:2

Ala heé deelór hardahamaawós ga saqiítl a heemá? Laqaá heé sihhiít inós birna geehhooúy a heemá? Asma inós a slaqsoó asltá heé muqslár kwahhuút, a slaqsoó saabuúnír heé tlabaá hhuuntsiít.

MALAKI 4:5

«Ga/aawaak, baalaadá' ur ar dae tlaaq ar AAKOÓ MUNGÚ nira hardatká, aníng aarusmo Eliya ngu ya/aáw geerií alé.

Matayo 16:27

Asma Garmoó Hee i hardah ar baraá xirfuú Baabuúwós dinkwa nee malaykeerós. Qoomaadá' an qoomár umuú heewo nguwa bui ar qoomoó tlehhemi'iiwós.

Matayo 16:28

Án a kah, muu i deer baraá tla/ángw mukwí sihhimiita, oo baloó qatlaaká, ay dír Garmoó Hee kway ari birna hardáh ar baraá waawuti'iimarós.»

Matayo 24:26

«Gawaá adoorihe bartunda báy, ‹Hanoosaay i baraá darma,› ma daqawara'. Laqaá barta kaahi, ‹I dír do',› ma ya/aamara'.

Matayo 24:3

Tam qoomár Yesu iwa iwiít gawaá tloomár xaaiikaari ta babay seituúni, eeharuuseerós guri i daqeér dír tawa kilooín, tari oó', «Kangwsíng aténí ooang, axáy i tleehharuuti a xaylá? Nee layár ta araan a gaalá ar hardahamuuwók nee ar alhhe'eesoó yaamu?»

Matayo 24:37

Asma adoodá' qoomár Noawo aa tleehharuut, an adór bál hardahaamuú Garmoó Heewo tleehharuut sleeme.

Matayo 24:39

Gár taa tsaáhh i káhh daanduú tidá' aa tleehharuti ay qoomár ma'aay niwa wa/iyé', muu sleémeero nguri hayoohiyé'. Adoorí an adoodá' tleehharuut bál hardahamuú Garmoó Heewo.

Matayo 24:44

Gawaá adoorihe kuungá' ti amohhe'ese', asma qoomaadá' kuungá' ta haraxua'aaká, an qoomár Garmoó Hee niwa hardihi.»

Matayo 8:20

Yesu iri oó', «Intsaawe i mar'ór koón, nee tsir/o i maray'ín koón, ala Garmoó Hee tam dír sagós nguy qaasi i káhh.»

Yakobo 5:8

Kuungá' sleeme qiqtliimé', munerhúng gawdeemisaak, asma hardahamuú Aako naa nakaá/.

2 Petro 3:4

tawa kaahi, «Inós al'axweesani ngina haniísiíke ar niwa ki/i, ala i amá? Baabi'iirén naa qaroó qatliyé', ala mura' sleémeero u ga/eerá'aáke i adoodaádí kaahh, adoodár aáng iimír yaamu kiwa tleéhh.»