Matayo 24:22 - Biblía Axweesantá Hhohho' ar Mungú 2004

²² Ala bar deeloodá' kaa /aareesiiká, geeraawo heé ba/ám i kaahh. Ala asma kudá' taa tsawaár deeloodá' ka /aarees.

Ya/abtór hho' 1977

²² Ala deeloodá' barka /aareesiiká geeraawo, heé geeraawo ba/ám i kaahh. Ala asma kudá' taa tsawaár deeloodá' ka /aarees.

Matayo 24:22 Iomraidhean Croise

ISAYA 6:13

Tam panoó niiná oo aa meet, aqo kun hhaamiis. Kuká' tari adór sahhti laqaá ta/eewi, tidá' guftanoowós aa meet alaá kawa tsaát. Guftanoowí tay iimu/úngw dahaasíngw hhohhó'.»

SEKARIA 13:8

Daqooroó tsár kuri amór saáw i kwaahh baraá yaamu sleémeero, inooín niri qatliyá', ala daqtá tám iri mét baraakí alé.

SEKARIA 14:2

Asma xoordu sleémeero in burumbuúr as niwa slaqwarár aya' amór gixsár Yerusalemu, nee gixsa kari hayoh, nee maraywo, nee /ameena kari ohín ar /uuru, nee tlaqtá múk gixsa kanar tláy baraá lawaali'iima, ala mukdá' aa meet baraá gixsa ku ar tlayká.

Matayo 22:14

«Asma múk taa ateét ku úr, ala kudá' taa tsawaár ku niiná.»

Matayo 24:24

Asma kristo lama nee aaruusér lamuuseero ni ti'iitiyá' Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Matayo 24:31

Qoomár tarumbeéta bar kaa ufaáhh ar afór ur, inós malaykeerós ngin ya/aaw, mukós oo taa tsawaár gun burumbút amór bihhér yaamu tsiyahhaawo, iimír alhhe'eesaywí oo doori ay alhhe'eesayqá'.»

Marko 13:20

Ala Aako bar deeloorí gaa /aareesiiká geeraawo, heé geeraawo ba/ám i kaahh. Ala inós deeloodá' gana /aareés as mukdá' inós aa tsawaár.

Luka 18:7

Xáy, Mungú mukós kudá' aa tsawaár gu ak alee/iísiíke, hariímar'ín ngiwa slay, kudá' inós nguy /aa/amiimá' tlaatla/aangw nee xweeraawo? Inós i hargawdúya ngiwa alee/iisi?

Rumi 9:11

Gawaá adoorihe qoomár daaqaywí kuwa laqwaliiká, qoomár gár hhoo' laqaá gár tlaakw ar taa tleéhh iwa kahh, asma adoodá' Mungú aa slaá', nee adoodá' aa tsawaár tawa adoodá' warqawaaká, asma tsawdór Mungú gár i eeharahat a tlehhma'aá mukooká, ala a ateetamór Mungú.

2 Timoteo 2:10

Gawaá adoorihe aníng umuúqo gaaro an saqiqtliím as múk taa tsawaár oo Mungú, asma inooín sleeme masók alhhe'eesaywo ba/amadár baraá Kristo Yesu i dirii' ngiwa slaya', dinkwa nee xirfuuduú alhhe'eesay wásl.

1 Petro 1:1

Anuú Petro, ya/abusmoó Yesu Kristo, barwaárí ngina gooiím amór múk taa tsawaár oo Mungú, oo aa diyaayaa/aat, oo baraá yaamaá dahaayi'iimár wa hoót, baraá yaamaá Ponto nee Galatia nee Kapadokia nee Asia nee Bitinia.