Matayo 24:14 - Biblía Axweesantá Hhohho' ar Mungú 2004

¹⁴ Slám ya/abtór hho' ar waawuti'iimár Mungú ka alki/iit baraá yaamu sleémeerowo as iwa lamabu'uungw tleehhit dír xoordu sleémeerowo. Daqaní alhhe'eesaydá' in sangw hardah.»

Ya/abtór hho' 1977

¹⁴ Slám iidíguú hhó' oo waawuti'iimár Mungú ku alki/iit baraá yaamu sleémeerowo as iwa lamabu'uungw tleehhiiti dír xoordu sleémeerowo. Daqaní alhhe'eesaydá' in sangw hardah.”

Matayo 24:14 Iomraidhean Croise

ESEKIELI 7:10

«Ga/aawaak, deeloodá' ni hi'ít, hhaamiisarhúng naa hardát, gurtleemu i umuú dii, nee daara/aangw a /ar/aantuús.

Matayo 10:7

Baraá aaiihunge dahaareemisé', tawa kata', ‹Waawuti'iimár doori naa naká/.›

Matayo 18:19

«Slám án a kah barnaxes múk tsár baraá tla/angwhunge taa al'axweés baraakaá yaamuwo baraá umuúqo gár ta firina, kingi haniis nee Baabuúeé' kuduú gawaá doori.

Matayo 24:3

Tam qoomár Yesu iwa iwiít gawaá tloomár xaaiikaari ta babay seituúni, eeharuuseerós guri i daqeér dír tawa kilooín, tari oó', «Kangwsíng aténí ooang, axáy i tleehharuuti a xaylá? Nee layár ta araan a gaalá ar hardahamuuwók nee ar alhhe'eesoó yaamu?»

Matayo 24:6

Kuungá' kángw slaqwara' uqo axasá', nee tsimaahhír slaqwaraaro. Ala ma da'ayuutara', asma muruuwí gár kuwa hariím aqo in geerií hardah, ala alhhe'eesaydá' aa xayká.

Matayo 4:23

Yesu ina hi'iimiít baraá yaamaá Galilaya sleémeero, iri baraá maraá saalíngw wa intsaahhatimís, nee Ya/abtór hho' ar waawuti'iimár Mungú gari alki/iít. Múk tiqtuuse guri hungu/uumiís nee kudá' slaqo tlakwen sleémeero.

Matayo 9:35

Aluuwo Yesu gixsadu sleémeero nee ayeemo gina alhi'iimiít. Iri baraá maraá saalingw'ín wa intsaahhatimís. Ya/abtór hho' ar waawuti'iimár Mungú gari alki/iít, nee tiqtuuse sleémeero gari hungu/uumiís, nee slaqwaatlakwér dimbadimbé sleeme.

Marko 13:10

Ala Ya/abtór hho' aqo kan geerií alki/iit baraá xoordu sleémeero dír alhhe'eesaydá' nira hardihiiká.

Luka 2:1

Qoomaadae waawutmoó múk Roma, kudá' ta bay Augusto, hara'aya gana oó' umér múk baraá yaamu sleémeero kawa gooin.

Luka 24:47

Nee sleeme kaa gooín tawa kaahi, ‹Kaangwí ku alki/iit ar umuueé' dír xoordu sleémeero tawa kaahi, hhu'u'uumé' as gurtleemuú tlakweema kuwa sleera'.› Kaangwí dír kuwa iimu/un an Yerusalemu.

Luka 4:5

Guri gáwtí tsa/aás, waawuti'iima sleémeero gari laqán ar har qoomár niina.

Tlehhema'aá ya/Abuuse 1:2

ay qoomaadá' inós kuwa ar tláy gawaá doori. Qoomaadae inós ya/abuuseerós tidá' aa tsawaár gana hara'ayiiyín ar /uuruú Qeeruú hhoohhoó' oo Mungú.

Tlehhema'aá ya/Abuuse 11:28

Oo wák tla/angw'ine ku babay Agabo, iri sihhiít iri oó' ar /uuruú Qeeruú hhoohhoó' oo Mungú, iwa kaahi, giyér yaariir ni tleér baraá yaamu sleémeerowo. Giyeérí niri tleér qoomár Klaudio tawa waawutmoó múk Roma.

Tlehhema'aá ya/Abuuse 17:31

Asma Mungú deelo gaa qaroó qaás, tidár múk baraaká' yaamu nguwa sakwasleemuuti ar gan'amu. Kwasleema dír heé ngay haniís a kudá' inós aa tsawaár. Nee Mungú gaarí gana geehhoatís ló'wa ale dír muu sleémeero, qoomár heedaádá' kuwa waasle/atís baraá múk aa qaátl wa ale.»

Tlehhema'aá ya/Abuuse 17:6

Ala kiwa slayká, Yasoni kuri óh, nee hhae bahh'alé, kiri huúw dír geeraá múk urén oo gixsa, tari tsimaahhuús, ta kaahi, «Mukdá' yaamu gaa halelee' naa ayaawí hardáh sleeme,

Tlehhema'aá ya/Abuuse 19:27

Gawaá adoorihe gadiyeérén tí i baraá tsaxwá úr i dirí', muu ngiwa waaqaai. Ala a har tí kiloseeká, ala doó hhoohhoó' oo munguúrén kwí úr oo /ameeni Artemi, kuri gaárií xuiiká sleeme. Slám tsaxwa i dayá' awa munguúwí oo Artemi xirfuuwós kuwa hhitin, inósuudá' ta sluufmamiisi nee muu sleémeero oo baraá yaamaá Asia, tam múk baraá yaamu sleémeerowo.»

Tlehhema'aá ya/Abuuse 20:25

«Aníng ana hi'iimiít baraá tla/angwhúng wa ale, waawuti'iimár Mungú ngiri alki/iít. Nee ala aníng hamí a xuú' baraá tla/angwhunge heé aníng i malé ar i kaahh.

Rumi 10:18

Ala aníng an yaahaás niwa kah, «Inooín Ya/abtoodá' kaa axaasiikáhe?» Aasla'áy, inooín kaa axaás, asma Gooi i kat, «Afor'ín kaa axaás baraá yaamu sleémeerowo, nee axweesanay'ín aa hardáh ay alhhe'eesoó yaamu.»

Kolosai 1:23

Ala kuungá' gár tunduwa hariím masók an kumitá' baraá haratlintaaooro, tawa sihhita' ar gawdeema gawaá iihhafiirír gawít i alé, nee tawa qutla'aaká baraá haraxu'utír taa sleeré' qoomár Ya/abtór hho' kawa axasé'. Ya/abtoorí hho' kaa alki/iít baraá yaamu sleémeero, nee anuú Paulo tina sagadiyusmoowós wa qaás.

Kolosai 1:6

Ya/abtoorí hho' in tsiyaayaaxát baraá yaamu sleémeerowo nee in tsuuqaá yaariír huwaahúp. Tam dirhunge sleeme a adoorí, iimír bál kángw tsuuqaá Mungú kuwa axasé', nee adór i dirii'iya' kiri tsaahha hhe'esé'.

Ebrania 1:6

Nee malé alé qoomár Garmaawós oo baris nguwa huwtá wa slai baraá yaamií alé, ina oó', «Malaykér Mungú sleémeero ngu i tumbarara'at.»

Ebrania 2:5

Kángw diirihe ta axweesaan oo yaamuudá' xaawá'. Mungú yaamuudá' gaa dabaá malaykér i qaasiiká as ngiwa sa waawuti'ii'iin.

Geehhoeemaá 14:6

Malaykamoó hatlá' nguri malé ár, i gáwtí dirii' baraá tla/ángw doori. Malaykamoowí i Ya/abtór hhó' kón ar alhhe'eesay wasl, ar i alki/ituú ay dír múk baraá yaamuú wa hoót, dír umuúqo xoorooro nee tlahhaywo nee umuúqo tsifriro nee muko.

Geehhoeemaá 16:14

Qeeruuwí a qeeruú neetlaame, kudá' layár tlehhiít. Inooín tan tlatláy amór waawitá sleémeero oo baraá yaamu, as nguwa dinkwár i haragaasi as slaqwara. Slaqwararí i tleehharut a baalaadá' ur ar Munguú Aleesleemusmoó mura' sleémeero.

Geehhoeemaá 3:10

Kuúng axweesante'eé' tidá' daanduú qiqtliingw aga ót. Gawaá adoorihe aníng kuúng u xuúm qoomaadár iiara'aduuwo, tidá' hardah baraá yaamu sleémeerowo, as muu sleémeero oo baraaká' yaamu kuwa iiari.