Matayo 23:9 - Biblía Axweesantá Hhohho' ar Mungú 2004

⁹ Kuungá' hee mu baabá ar ateetimaara' baraá yaamuwo, asma Baabuúhúng a wak, inós an kuduú gawaá doorí dirií'.

Ya/abtór hho' 1977

⁹ Kuungá' hee mu baabá ar ateetimaara' baraá yaamuuwo, asma Baabuúhúng a wak, inós an kuduú gawaá doorí dirií'.

Matayo 23:9 Iomraidhean Croise

2 WAAWITÁ 13:14

Aarusmo Elisha tiqti guri /uurúr ót. Qoomár gwa'ara ngiwa áy, waawutmo Yehoashi oo Israeli guri neetleesi áy. Iwa hardáh iri dír geeraá Elisha wa /aá/, iri oó', «Baabuúeé', baabuúeé', gaardaá múk Israeli nee mukduú farsuú madiít.»

2 WAAWITÁ 2:12

Elisha adoorí ngiwa ár iri /aá/ iwa kaahi, «Baabuúeé', baabuúeé', gaardaá faras i uuruxun nee mukdá' faras gwaa i tsa/an.» Naagáy Elisha Eliya gway ártí ki/iiká. Elisha tlabaawós giri óh, giri feehhamiís kaeemo tsár.

2 WAAWITÁ 6:21

Waawutmoó Israeli múk Aramu nguwa ár, Elisha guri yaahaás, «Xáy baabá, i tsú/a?»

MALAKI 1:6

AAKOÓ MUNGÚ Aleesleemusmo kuungá' nun yaahamiis, «Na/aay baabuúwós gun ilaiwawaa/, nee sagadiyusmo aakoowós gun ilaiwawaa/, ala aníng bar baabuúhúng, ilaiwa/amer'eé' i amá? Nee aníng bar aakoohúng, ilaiwa/amer'eé' i amá? Kuungaá kaahamuusér Mungú, awa umuueé' ngu waaqaqa'á', kuungá' a kata', ‹Umuuwók adór ngura waaqaqa'aán a adoomá?›

Matayo 23:10

Slám kuungá' mutunduwa geeraharuusérár ateetín, asma geeraharusmoohúng a wak, inós an Kristo.

Matayo 6:32

Asma múk xoordaá hatlá' muruuwí sleémeero gun leelehhiit. Nee Baabuúhúng oo gawaá doori ga xuu' adór kuungá' muruuwí kur sla'á'.

Matayo 7:11

Ala bar kuungaásingá' tlakw muruú hhó' u xuá' kuwa na/iihúng i hanmisa'. Xáy, Baabuúhúng oo gawaá doorí dirií' i ak waaraáhhiíke muruú hhó' nguwa haniisi dír kudá' inós ngu firiiriima'a.

Tlehhema'aá ya/Abuuse 22:1

«Hhaee'eé' nee baabi'iieene, án iiárií qaasaré', tiwa dír geeraahúng wa aleekal/aam.»

1 Korinto 4:15

Asma intsaahhatuuserhúng baraá Kristowo tam ka yaariire, tam kumér mibaango, ala baabi'iihúng ki yaariireeká. Asma baraá Kristowo aníng ana baabuúhúng tleehhiít qoomár Ya/abtór hho' ngiwa amorhúngií huúw.

2 korinto 6:18

nee aníng tari Baabuúhúng, nee kuungá' tari daaqay'eé' nee dasuueé'. Adoorí an adoodá' Aakoó Aleesleemusmoó mura' sleémeero aa oó'.»

Ebrania 12:9

Baabi'iirén awa slaqwa atén tina muxiyé', nee atén inooín ngiri ilaiwawa/aán. Gawaá adoorihe a tsiníheéke Baabuúduú muneerén bura ak ilaiwawa/aán, as tawa slafaan.

1 Yohana 3:1

Sla'aarír Baabá adór kar úr áx ga/aawaak, tí atén tiwa na/aá Mungú ar ateetin, anqo adór hamí tay diriiaan. Gaarí an gár múk aa haratlintii'iiká atén tis tsatsahhanká, asma Baabá sleeme kwa tsaahhiiká.