Matayo 23:5 - Biblía Axweesantá Hhohho' ar Mungú 2004

⁵ Asma tlehhemi'ii'ín sleémeero kin tlehhiit as muu ngiwa ga/ay. Inooín slambaré/uuín kuduú firo ngun dogiitiyá' nee hirituú tsaafoó inqwaruuín ngun ureemisiyá'.

Ya/abtór hho' 1977

⁵ Asma tlehhemi'ii'ín sleémeero kin tlehhiit as muu ngiwa ga/ay. Inooín slambaré/uuín kuduú firo ngun dogiitiyá' nee hirituú tsaafoó inqwaruuín ngun ureemisiyá'.

Matayo 23:5 Iomraidhean Croise

2 WAAWITÁ 10:16

Guri báy, «Gimáy aníng eeharáng daqaní a aán adór aníng nir inkihhimuú koóm dír geeraá AAKOÓ MUNGUHE.» Naagáy tari al'aa'aá káy gawaá gaárirós ar aleeró.

TI'INAANGW 13:9

Baalaasíng kuungá' tunduwa duúx baraá yaamaá Misriro ar /uuruú dakós an inslasleerá' adór mulkír gawaá dákwí dirii', laqaá ar gawaá gitsee/ií dirii', as kahhó' a sagaqwada'aaká hara'ayaarír AAKOÓ MUNGUHE.

AXWEESANOÓ SAGALOOA 3:3

Hhooeema nee inkihhimu mi kwahhaar. Na dahaaseek gawaá istók í ale, nee gooimeek baraá muunaáwók i alé.

TLAHHOÓ LAÁWI 13:32

Bál faanqwe kaahamusmoó Mungú inkaahhaydá' guri xuuxuu'. Barnaxes inkaahhaydá' aa dooginká, nee se'éngw didár inkaahhaydá' kalaydá' a booreegeeká, nee deeír dáw didaadae i káhh,

Matayo 9:20

Siiwadár kilae /ameenirka wák ar tiqtír ubíngw tseerdu nina hardát. Inós i tiqaaqiín ay kureeri mibaá nee tsár. Ina amór alaá Yésúr ót, guri pasltá inqwaari kwatít.

Luka 16:15

Yesu giri báy, «Kuungá' ti geehhooatimisá' dír geeraá muko, tawa kudá' hota ganaa'á'. Ala Mungú munerhúng ga xuu'. Muruudá' muu i gaárí xui, ala dír geeraá Munguhe an kudá' buhhtamís.

Luka 20:47

Slám malé alé muruú kwaeeli kun /aa/aay, nee firór yaariir kan firaarín ar hhaahhafiingw. Kuká' sakwasleemár ur ngi slayá'.»

Yohana 12:43

Asma inooín gár ta slai a muu gin xirfayeemiis ta ak Mungú ngiwa xirfayeesi.

Yohana 5:44

Kuungá' adór tar haratlintia' a adoomá, kuungaásingá' ti kiloohúng xirfayeemisá'. Nee xirfuudá' amór Mungú kudá' wák daáhh u leelehhita'aaká.

Yohana 7:18

Heé sagós ar axweés, xirfuú i leelehhiiti a kós kilós. Ala heé xirfuú heé inós ngwa ya/aaw gu leelehhiít, heedá' a heé ló', nee baraawose al/ayma i káhh.

DABE 11:18

«Axweesantí baraá munerhúng ti qase', nee baraá qeereemoohúng. /Aymi'iiká' tseegaak gawaá dabaahúng i ale, adór laya, nee ki dahasá' gawaá gitsee/erhúng, as tawa gár kuungá' nu inslawtamis.

DABE 22:12

«Inqwaarirók ar tsitaay paslemoowós tsiyahhaawo afuuntlureek.

DABE 6:8

Axweesantí ka tsék gawaá dabaawók nee dahás gawaá gitsee/aawók adór slamángw wa ale.

Filipi 1:15

Muu bahh'alé i deer oo kángw iidíguú Kristo gu alki/iít as da/i nee gila, ala tam adoorihe awa hatlá' i dayá' sleeme awa kángw Kristo ngu alki/iitá' ar muunuú hhoó'.

Filipi 2:3

Umuúqo gaaro ma tlehhiitara' ar fola, laqaá ar daara/aangw. Ala masók umuúqo heewo tin kilós niinaweemiis.

2 Tesalonike 2:4

Inós a Wakaarusmo, inós tin oo úr tlehhiit dír muruudá' sleémeero muu i sluufmiisi adór munguii'ín wa ale. Slám ti ureemiis dír muruudá' sleémeero oo hhohhoe. Nee inós in baraá Doó Mungú i iwtanángw aa'áy, iwa kaahi, «Aníng a Mungú.»