Matayo 23:4 - Biblía Axweesantá Hhohho' ar Mungú 2004

⁴ Inooín huwaá ilo' ki tsegiit nee kiri tsa/amiis gawaá sum'aá muu. Ala inooínaá kilá' tam kwatiitár diitsaro ki slaiiká.

Ya/abtór hho' 1977

⁴ Inooín huuwaá ilo' ki tsegiit nee kiri tsa/amiis gawaá sum'aá muu. Nee inooín tam kwatiitár diitsaro ka slaiiká.

Matayo 23:4 Iomraidhean Croise

ISAYA 46:1

«Munguúdá' ta bay Beli aa yaamií huú' munguú ta bay Nebo aa huú' munguiihúng kudaá slaqsi'i ki loohiis nee makaay nee hikwa qoomarkaaro muruuwí kuungá' una loohisé', hám daxta ina tsa/asé' gawaá daandemaá makaá naa slaqaamitiyé'.

Matayo 23:23

«Ala kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng. Asma kuungá' ilahhooár manákw nee daantláy nee piripíri an hanmaamisá', ar wák baraá mibaango tawa ar Mungú, ala muruú urén oo hara'aya ugwa meeré', adór hotaá ganaa'á' nee gurtleemu nee haratlintaao. Gár kuungá' tunduwa hariím aqo muruuwí un tlehhá', ala muruuquú hatlá' sleeme mu mawaara'.

Matayo 23:3

Gawaá adoorihe umuúqo gaaro ar ni kuungií intsaahhatisiia, oohaak nee ka tlehhá'. Ala tlehhemi'iidá' inooín ta tlehhiiti, mi tleehhara'. Asma inooín tidá' ta kaahi ka tlehhiitiiká.

Luka 11:46

Yesu iri oó', «Tam kuungá' intsaahhatuusér hara'ayár Mose sleeme, a tsaxwaahúng. Asma muu un huuwaá iló í tsa/amisá', ala kuungá' kilá' huwadá' i kwatimita'aaká ditsaahunge.

Tlehhema'aá ya/Abuuse 15:10

Gawaá adoorihe kuungá' mas Mungú iiara'adá' ar huwár iiloo' kawa tsa/amisa' gawaá sum'aá eeharuuse? Huwaarí baabi'iirén laqaá tam atén awa kilá' aga aleeslawaaniiká gagaararo.

Tlehhema'aá ya/Abuuse 15:28

Asma Qeeruú hhoohhoó' oo Mungú nee atén axweesani aga tsataán as huwár hatlá' makawa daandeemoohúng i qaás, ala a har tidá' kuungá' wa hariim.

Galatia 6:13

Asma tam mukwí al/utlór iinuús, inooín awa kilá' hara'aya ngi iialooeemisiaaká. Gár inooín i slaiya' a masók kuungá' tundun al/utlín as kahhó' inooín tiwa kilooín xirfayeemiisiya' as al/utlorhúng.

1 Yohana 5:3

Asma dabeerós bar iialooeemisaán, gár i laqaaqaan a atén Mungú u sla'aán. Slám bur sla'aán, dabeerós iialooeesaro ka gawdeeká.

Geehhoeemaá 2:24

«Ala kuungaásingá' aga mete' dír Tiatira, kuungá' intsaahhatimisuuwí tlákw ugwa eehadi'iiká. Kuungá' muruudá' ugwa xui'iiká, kudá' inooín tawa kaahi a lu/aaroó muruú Neetlaangw. Án kuungá' nu baw, án huwár hatlá' ngi qaasaaká daandeemoohúng i aleeró.