Matayo 23:37 - Biblía Axweesantá Hhohho' ar Mungú 2004

³⁷ «Aá Yerusalému, Yerusalému, kiídá' aaruusér tsu/aa/iim, nee mukdá' tinda amoorók i ya/aáw un tlaqwaaqút ar tlaa/e. A sagaáwa magá' án mukók nguwa dinkwárí burumburtá wa slaá', adoodár koonki tsiioorós ngir baraá hhaampi'iiwósií burumburaariin, ala kuungá' aga ya/aandi'iiká.

Ya/abtór hho' 1977

³⁷ “Yerusalému, Yerusalému, kiídá' aaruusér tsu/aa/iim, nee kudá' tinda amoorók i ya/aáw kiwa tlaqwaaqut ar tlaa/e. A sagaáwa magá' án mukók nguwa dinkwár i burumburtá wa slaá', adoodár koonki tsiioorós ngir dinkwár i burumburaariin baraá hhaampi'iiwós i alé, ala kuungá' aga ya/aandi'iiká.

Matayo 23:37 Iomraidhean Croise

NEHEMIA 9:26

«Ala i inkihhimuú kon'aaká diroge, uri si'iyé', dabeerók ngay mayé' nee aaruseedá' gaa gurbu'uun as kuúng uwa iki/iya' ngina tsu/iyé', /ooslislíngw urén ngway ló'wa kaahiyé'.

WARA'AMI 17:8

Án de'eemáng adór maamár iltá wa ale, lu/áng baraá mahhtuú hhaampi'iiwók,

WARA'AMI 36:7

AAKOÓ MUNGÚ, sla'aarirók ar warqawaaká ka ló'wa xiríf, muu in gogoow baraá mahhtuú hhampe'eeriwók i alé.

WARA'AMI 57:1

Án gurtlawáng, Mungú, aníng gurtlawáng! Asma aníng kuúng ugwa i goów, naa goów baraá mahhatuú hhampe'eeriwók, ay dír tlaftá tlaakw i waarahh.

WARA'AMI 63:7

Asma kuúng a alee/isay'eé', nee aníng an baraá/ as iwa bihhaawógií ót.

WARA'AMI 91:4

Un tuuntuuk ar hayowós, baraá guruú hhampe'eeriwose dír guwaay an sleér. Inkihhimuuwós an gaamboót nee baqmoó.

ISAYA 5:4

Xáy, gár naa tleehhiiká baraá qaymor'eé' ar sabiíbuuwo a milá? Qoomár gár naa haraxuú' tawa sabiíbu mamaá hhohho' ngin laqwaal, aluuwo gár aa laqwaál mas sabiíbuú sla/a?

ISAYA 50:2

Ahaá waáy, qoomár niwa hardáh heé naa didií áw mis kaahh? Qoomár niwa ateét heé aa ooin mis kaahh? Xáy, dakw'eé' ku ququmaáre ba/amisa gari aslayká? Laqaá aníng /uuruú nir ba/amis u koomaakáhe? Ga/aawaak, tlawi ngiwa i gahhaát, ma'aay niri kahiyé', yaae ngiri yaamaá xaanxay tleéhh, siyó iri diíx as ma'aay ngiwa dakuús nee ina qaátl as waxe.

YEREMIA 2:30

Aníng mukók una muúx ala naa ya/ani'iiká, inooín dakuúsar'ín ngiri si'iyé', aaruuserhúng kana tsuú/ ar lawluuhúng adór dirángw slahhaá' kawriro.

YEREMIA 26:23

Inooín Uria nguna ar ki/iyé' baraá yaamaá Misrír wa alé, nguri huwiyé' ay dír waawutmo Yehoyakimu. Waawutmo heedaádá' guri gaás ar paánga nee tuuaarós kari foól dír /antaá geeraharuuserooká.

YEREMIA 32:31

Múk baraá gixsarí ina buhhtamaamís iimír kawa tleéhh ay laarí. Gawaá adoorihe gixsarí an hhaamiís dír geeraaeene.

YEREMIA 35:15

Umuú daqto nuna sagadiyuuser'eé' ya/abiít ar aaruuse, umuú daqto ngina ya/abiít, niwa káh, ‹Umuú heewo tlehhmi'iiwós kudá' tlakw ngi may, tlehhmi'iiwós ngi qwatsi, nee slaqsa'aá hatlá' munguaá eeharto nee sluufmisuuwo ngi may. Adoorí bara tlehhé', a hotá' baraá yaamuudá' naa baabi'iihúng i haniís.› Kár ala kuungá' iia aga qasi'iiká, laqaá tidá' naa káh aga iialooeesi'iiká.

YEREMIA 36:26

Aluuwo wawutmoodá' Yerame'eli garmoó waawutmo, nee Seraya garmoó Asrieli, nee Shelemia garmoó Abdeli, giri ya/aáw as goousmo Baruku nee aarusmo Yeremiawo kiwa ohin, ala AAKOÓ MUNGÚ inooín gina luú/.

YEREMIA 4:14

Kuungásingá' Yerusalemu, tlakweemaá baraá munerhúng hhohhoeesaak as tunduwa ba/amisi. Ay xaylá muruú tlákw ku aldakwaakuta' baraá munerhunge?

YEREMIA 44:4

Tam adoorihe aníng sagadiyuuser'eé' ar aaruuse ya/abtooro aga mawiiká, niwa kah, ‹Muruuwí ta waki mu tlehhiitara, kwí aníng ni ahhiit!›

YEREMIA 6:8

Múk Yerusalému, tí masók a gurbu'utahúng, laqaá bar adooriheeká nun ló'wa kwaáhh ar aahhi, nuri xaanxay tleéhh oo hee i baloó hootiiká.»

HOSEA 11:2

Adoodá' ngira alkoóm ateetiingo, án inooín tina ak geexáy. Ilahhooadár muruú ta tsu/i ta Ba'ali hanmiisi ngina ooha hhe'eesiyé', nee ilahhooár mooyángw tsuú' ngina hanmisiyé' dír munguaá slaqsi'i.

HOSEA 11:7

Muk'eé' aa maariít iga si'iyé', handá' ki ateetín tawa ki/i amór Kuduú Gawa, tam heé wák i kaahh oo inós gu xirfayeemiís.

HOSEA 7:13

A tsaxwaaín! Asma naa aníng wa gowiyé', alók in hhaná'! Asma aníng iga si'iyé'. Aníng inooín in mak ba/amisár wa slaá', ala inooín aníng i lámtí tlaaqiyá'.

SEKARIA 1:4

Kuungá' ma adór baabi'iihúng tleehhitaara', kudá' aaruuseedár aáng aa beér, lohduuhúng kudá' tlakw mawaak nee tlehhmi'iihúng kudá' tlakwe.› Ala naa axasi'iiká, tam anuú AAKOÓ MUNGÚ iga ilaiwa/i'iiká.

Matayo 22:3

Lawaaleerós gana ya/aáw mukdá' taa doó duuxoórí dahi'ís, nguwa ateetiya'. Ala mukdá' iri sií' daqeemuuwo.

Matayo 22:6

Nee mukdá' aa meet, lawaaleedá' gari ohín, gari muúx, gari tsuú/.

Matayo 23:30

Slám a kata', ‹Atén geera qoomaadár baabi'iirene bar an dawaán, atén geera a kahhaán baraá tseerdaá aaruuse ku'umisuwo.›

Matayo 23:31

Gawaá adoorihe kuungá' ti kiloohúng lamabu'uundá' adór tar na/aá mukdá' aaruuse gaa tsuu/.

Matayo 5:12

Qwalaala/é' nee baraa/é', asma bu'utuhúng ku úr gawaá dooriiwo. Asma adoosíng an adór aaruuseedár aáng kaa /imiís.»

Luka 15:28

«Garmaadá' iri buúhh, dahamaá baraá do' giri sií'. Aluuwo baabá nay baraá dó wa ti'iít, gway harhheehhe'emisuú áy.

1 Tesalonike 2:15

Múk Yahudi an kudá' Aako Yesu gwa gaas, nee aaruusero, nee atén sleeme tiri slahh'eemisiyé'. Inooín sla'aarír Mungú kaa leelehhiitiiká. Slám a wakuusér muu sleémeero.

Geehhoeemaá 17:6

Aníng ngiri tsaáhh adór /ameenidá' kara oonitiís nee tseerér múk hhohhó' sleémeero oo Mungú, nee ar tseerér mukdá' taa tsuú/ as Yesu kuwa lamabu'ún. Aníng inós ngiwa ár niri ló'wa waa/oó/.

RUTI 2:12

Gawaá tisíng taa tlehhiti AAKOÓ MUNGÚ bu'utuuwók ngu haniisi. AAKOÓ MUNGÚ, MUNGÚ Israeli bu'utuú yaariír ngu haniisi, kudá' kiíng taa i góp as kiíng iwa xun.»