Matayo 23:28 - Biblía Axweesantá Hhohho' ar Mungú 2004

²⁸ Kuungá' sleeme an adoodá', asma burtundu tsee/aá wa ga/áy nee muu, kuungá' a múk ganaá', ala gár baraahunge aa hats a hhaahhafiingw nee dee/aanu.

Ya/abtór hho' 1977

²⁸ Kuungá' sleeme an adoodá', asma burtundu tsee/aá wa ga/áy nee muu, kuungá' a múk ganaá', ala gár baraahúng a hhaahhafiingw nee dee/aanu.

Matayo 23:28 Iomraidhean Croise

WARA'AMI 51:6

Qaytsiít, kuúng tu sla'atimis nee looeemaá baraá muuná, kuúng aníng intsaahhatisáng sagalooaroge.

AXWEESANOÓ SAGALOOA 26:26

Tam aahhi ka lu/i ar al/ayma Ala tlakweemaadá' iqo geehhouyá' dír geeraá muko.

Matayo 23:27

«Kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng, kuungá' a slaqás nee /aantaá taa sliík ar chokaá'a. Bira tsee/aá wa aán, ki hhohho', ala baraadane gár aa hats a fadaá múk aa qaatl nee slasla/areema sleémeero.

Matayo 23:29

«Kuungaá intsaahhatuusér hara'ayár Mose nee múk Farisayo, awa hhaahhafuuse tsaxwaahúng. Asma kuungá' /aantaá aaruuse in tlehhitá' nee /aantaá múk hota ganaá' kiri parootusé' as inslaslangw'ín.

Matayo 23:5

Asma tlehhemi'ii'ín sleémeero kin tlehhiit as muu ngiwa ga/ay. Inooín slambaré/uuín kuduú firo ngun dogiitiyá' nee hirituú tsaafoó inqwaruuín ngun ureemisiyá'.

Luka 16:15

Yesu giri báy, «Kuungá' ti geehhooatimisá' dír geeraá muko, tawa kudá' hota ganaa'á'. Ala Mungú munerhúng ga xuu'. Muruudá' muu i gaárí xui, ala dír geeraá Munguhe an kudá' buhhtamís.

Galatia 2:13

Múk Yahudi oo didaádá' i dirií' tiri paraátl, hhaahhafingwduú Petro kuri eehár, tam Barnaba sleeme hhaahhafingw'ín kudá' guri eehár.

1 SAMUELI 16:7

Ala AAKOÓ MUNGÚ Samueli guri báy, «Gitsee/awós laqaá tlenaangós mi i qaytaar, asma aníng ugwa sií'. AAKOÓ MUNGÚ adór ir xumiisi a adór mukoká, asma muu gár i ga/ay a gitsee/a, ala AAKOÓ MUNGÚ gár i ga/ay a muuná.»