Matayo 23:26 - Biblía Axweesantá Hhohho' ar Mungú 2004

²⁶ Kuúng heé Farisayo oo taampa, guruú isaangi ala hamaatleek, as daanduú isaangi sleeme iwa hhoohhoouy.

Ya/abtór hho' 1977

²⁶ Kuúng heé Farisayo oo taampa, guruú isaangi ala hamaatleek, as daanduú isaangi sleeme iwa hhoohhoouy.

Matayo 23:26 Iomraidhean Croise

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

YEREMIA 13:27

Aníng muruuwók kudá' ni waak ugwa ár, fuqtók nee tsaatuuse kawa al/aa/amiin, sli'iimarók tidaá harwaarahh gawaá tlom'i nee baraá qamuuwo. Aá Yerusalemu, a tsaxwaawók. Ay xaylá hheehhe'eesa ka siaaiin?»

YEREMIA 4:14

Kuungásingá' Yerusalemu, tlakweemaá baraá munerhúng hhohhoeesaak as tunduwa ba/amisi. Ay xaylá muruú tlákw ku aldakwaakuta' baraá munerhunge?

ESEKIELI 18:31

Tlakweemaahúng kwisíng taa tlehhité' amór saaw ti kwahhe'. Muunuú hhoó' nee qeeruú /abén slawaak. Xáy múk Israeli, ahaá waáy, gár tas hhaanda'?

Matayo 12:33

«Xa'ano burku hhoó', mamuuwós ki hho', laqaá xa'ano burku tlaákw, mamuuwós sleeme ki tlakw. Asma xa'ano gár kur tsaahhi a mamuuwós.

Matayo 14:8

As dasi kawa dukaakín nee aayoorós, Herode guri beér, «Gár ni slaa' a ságw Yohanedá' Baatimaamiís ngun baraá xooslmoowí qás.» Ala gár dasi adoorí ngisa ó', a aayír'ín ngina adoorí beér.

Marko 7:4

Tam barta baraá boo/oó daahh, ta /ayinaká ay dír ti hamtlin. Nee muruú hatlá' sleeme oo taa dir'iní hara'ayín kun tlehhaahhiit, adór slooqi'i kiwa hamtliti, nee hutli'i, nee xooslár taa tleéhh ar muqslár sirda/aten.

Luka 11:39

Aako iri oó', «Kuungá' múk Farisayo daanduú isaangi nee oo qwaree/amo in hamtlitá', ala baraahunge gár aa hats a /ayta nee tlakweema.

Luka 6:45

Heé hhoó' gár i axweesi a hhooeemaadá' muunaáwós ngwa hatsiisiye'. Heé tlaákw gár i axweesi a tlakweemaadá' muunaáwós ngwa hatsiisiye'. Asma afkú hee gár i axweesi a tidá' muunaáwós iwa hatsi.»

2 korinto 7:1

Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.

Ebrania 10:22

Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

Yakobo 4:8

Mungú i tseewuwaak, daqaní inós ni dirhúngií tseewúy. Dabaahúng hhoohhooeesaak, kuungaásingá' tlakuuse. Nee munerhúng hamaatlaak, kuungaásingá' badu tsadér.