Matayo 23:23 - Biblía Axweesantá Hhohho' ar Mungú 2004

²³ «Ala kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng. Asma kuungá' ilahhooár manákw nee daantláy nee piripíri an hanmaamisá', ar wák baraá mibaango tawa ar Mungú, ala muruú urén oo hara'aya ugwa meeré', adór hotaá ganaa'á' nee gurtleemu nee haratlintaao. Gár kuungá' tunduwa hariím aqo muruuwí un tlehhá', ala muruuquú hatlá' sleeme mu mawaara'.

Ya/abtór hho' 1977

²³ “Kuungá' hhaahhafuúse, intsaahhatuusér hara'ayár Musa nee múk Farisayo, a tsaxwa sakwasleemarhúng kawa wa /akuta'. Asma kuungá' ilahhooár manákw nee daantláy nee piripíri an hanmaamisá', ar wák baraá mibaango tawa ar Mungú, ala muruú urén oo hara'aya ugwa meeré', gídaabá sla'aari nee gurtleemu nee haratlintaao. Gár kuungá' tunduwa hariím aqo muruuwí un tlehhá', ala muruuquú hatlá' sleeme mu mawaara'.

Matayo 23:23 Iomraidhean Croise

AXWEESANOÓ SAGALOOA 21:3

Hotaá ganaa'á' nee sakwasleemár ganaa' kawa tleehhi, Muruuwí AAKOÓ MUNGÚ gu sla'atimis ta ilahhooár muruú ta tsu/i.

ISAYA 28:25

Qoomár birnga hhe'eés dooslaro, inós maa/aará gan tsaafiis nee balángw ta bay jiraro, angaáno guri dahaas ar hhai nee angaanoduú shayiíriro, nee xa'anoó ta bay Kusementi guri dahaas baraá afaá qaymoorós.

YEREMIA 22:3

Anuú AAKOÓ MUNGÚ a kah, ‹Muruú ganaá' nee oo qoóm tlehhiitaak. Heé taa daqaari'iima hayóh /iisaak dabaá múk /aytuuseero. Muu mu slahh'eemisaara' nee dahaayeero, tam na/aá panaay nee kwaeeliwo. Tam tseerdaá múk dakuús wásl mi diirí ku'umiisara'.

HOSEA 6:6

Aníng ilahhooár muruú ta tsu/i a sla'aaká, ala gár ni slaa' a sla'aarír warqawaaká, aníng ilahhooár da/a/aangw a sla'aaká, ala a Mungú kuwa xui.

TLAHHOÓ LAÁWI 27:30

«Ilahhooadár gár wák baraá mibaango ta Mungú i hanmamisi ar balaangw, laqaá na/aá xaai, sleémeero ar AAKOÓ MUNGÚ, kaa hhoohhooeés as AAKOÓ MUNGÚ.

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

Matayo 12:7

Kaa gooín, ‹Ilahhooár muruú ta tsu/i a sla'aaká, ala gár ni slaa' a gurtleemu.› Kuungá' gídaabár /aymi'iiká' geeraawo bar xuá', múk tlakweemaá koomaaká geera u sakwasleemuta'aaká.

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Matayo 9:13

Ala tlawsé', gídaabár /aymi'iiká' aldakuutaak, ‹Ilahhooár muruú ta tsu/i a sla'aaká, ala gár ni slaa' a gurtleemu.› Aníng naa hardihiiká asma múk hota ganaá' nguwa ateetiim, ala a múk tlakuuse.»

Luka 11:42

«Kuungá' múk Farisayo, a tsaxwaahúng. Asma ilahhooár manákw nee sugdáy nee da'awemo sleémeero awa naanú in duxuundá', ar wák baraá mibaango tawa ar Mungú, amorqaáqae gan'amu nee sla'aarír Mungú iga sié'. Gár tunduwa hariím a tír geera an tlehhá', dinkwa nee tír tsár sleeme.

Luka 18:12

Aníng an gwaawawiím baraá wiíkír wake sagaáwa tsár. A ilahhooár hanimaamiís baraá daqaari'iimar'eé' sleémeerowo, ar wák baraá mibaango tawa ar Mungú.›

1 SAMUELI 15:22

Samueli iri oó', «Xáy, AAKOÓ MUNGÚ ilahhooár da/a nee ilahhooár muruú ta tsu/i gan ak ló'wa slái, ta ilaiwa/amér afór AAKOÓ MUNGUHE? Qaytsiít ilaiwa/ame ka hhoo' ta ilahhooár muruú taa tsu/i, nee iialoeesa i waaráhh ta di/tá gwaandaaweero.