Matayo 23:13 - Biblía Axweesantá Hhohho' ar Mungú 2004

¹³ «Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Ya/abtór hho' 1977

¹³ “Kuungá' hhaahhafuúse, intsaahhatuusér hara'ayár Musa nee múk Farisayo, a tsaxwa sakwasleemarhúng kawa wa /akuta'. Asma kuungá' afkuú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Matayo 23:13 Iomraidhean Croise

ISAYA 33:14

Múk tlakuuse i da'ayumiit baraá Siyoniro mukdá' Mungú gu ilaiwawa/aaká i daaraax nee ta kaahi, «Baraá tla/agwrene heé qiítl dír asltá /ayiima, baraá tla/angwrene heé qiítl iwa iwiiti dír asltá baloó gwa'aaká.»

SEKARIA 11:17

A tsaxwaawók de'eemusmooeé' kudá' tlaákw, kudá' bee/aangós gwaa tawo may. Alók iltós ar doó /iyáy kan tuu/, nee dakós i solo'oti, iltós ar doó /iyáy i taamput.»

Matayo 23:16

«Kuungá' geeraharuúse, kuungaásingá' taampu, a tsaxwaahúng, kuungaásingá' kaahá', ‹Bar hee lo'o gaa huúw ar Doó Mungú, gaarós i káhh. Ala bar hee lo'o gaa huúw ar sahaábuduú Doó Mungú, lo'oodá' gu eér.›

Matayo 23:23

«Ala kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng. Asma kuungá' ilahhooár manákw nee daantláy nee piripíri an hanmaamisá', ar wák baraá mibaango tawa ar Mungú, ala muruú urén oo hara'aya ugwa meeré', adór hotaá ganaa'á' nee gurtleemu nee haratlintaao. Gár kuungá' tunduwa hariím aqo muruuwí un tlehhá', ala muruuquú hatlá' sleeme mu mawaara'.

Matayo 23:25

«Ala kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng. Asma kuungá' daanduú isaangi nee oo qwaree/amo in hamtlitá', ala baraá guruuwose gár aa hats a /ayta nee har qoomay wasle.

Matayo 23:27

«Kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng, kuungá' a slaqás nee /aantaá taa sliík ar chokaá'a. Bira tsee/aá wa aán, ki hhohho', ala baraadane gár aa hats a fadaá múk aa qaatl nee slasla/areema sleémeero.

Matayo 23:29

«Kuungaá intsaahhatuusér hara'ayár Mose nee múk Farisayo, awa hhaahhafuuse tsaxwaahúng. Asma kuungá' /aantaá aaruuse in tlehhitá' nee /aantaá múk hota ganaá' kiri parootusé' as inslaslangw'ín.

Matayo 3:7

Múk yaariír oo Farisayo nee oo Sadukayo kuna i daqáy, as ngiwa baatimiisi. Ala Yohane ngiwa ár giri báy, «Kuungá' xwaylár dáyshe, heé kuungá' naa gurbuu' sakwasleemár hi'iit kawa ilagogoba'?

Luka 11:52

«Kuungá' intsaahhatuusér hara'ayár Mose, a tsaxwaahúng, asma kuungá' gweermór xu'utír mura' aga hayoté', ala kuungá' kilá' muruudá' ugwa gaárií xui'iiká kuwa xua', slám mukdá' muruudá' xu'utír wa slaá' ugwa ila/é'.»

Yohana 9:22

Xwayliteérós adoorí gana ó', asma i múk Yahudír da'ayuumít. Asma múk Yahudi gaa qaroó al'axweés tawa kaahi, hee bar Yesu ngwa ya/án, adór inós tar Kristo, heedaádá' ku baynitis dír doó saaliingo.

Yohana 9:24

Múk Farisayo heedaáduú aáng taampa kuri ateét sagaáwa tsare, tari oó', «Mungú xirfuú i haniseek. Atén a xuaán adór heedaádá' tar heé tlakusmo.»

Yohana 9:34

Inooín tari oó', «Kuúng bartuna laqwaál baraá tlakweema, kuúng daxta atén adór tir intsaahhatimis a adoomá?» Kuri tsee/ií duúx baraá doó saaliingo.

Tlehhema'aá ya/Abuuse 13:8

Ala Elima, qwaslaarmoodá' (gídaabár umuuwós an qwaslaarmo), inós tina tlaampa'aamisiyé' nee inooín. Asma inós gár i slai a ga/aawusmoodá' masók haratlintaaoodá' gan máy.

Tlehhema'aá ya/Abuuse 5:28

«Atén kuungá' naa ló'wa hara'ayiimániíke niwa kaahaan kuungá' ma intsaahhatimisara' ar umuuwí. Ala hám qaytsité', intsaahhatimisuuhúng Yerusalemu gaa dalaá/, nee kuungá' tseerér heehúng kudá' ngi gawaarén i huwtá wa sla'á'.»

Tlehhema'aá ya/Abuuse 5:40

Ya/abuuse kari ateét, kari muúx, kari hara'ayín matawa axweés ar umuú Yesu. Kiri geemáy, tari tláy.

Tlehhema'aá ya/Abuuse 8:1

Nee Saulo gaasadá' gari sa qwalalaá/. Baldá' gusisíngw úr oo múk kríshaanáy iri iimu/ún baraá Yerusalemuro, sleémeero tari diyaa/aát baraá yaamaá Yudearo nee Samariaro, ala aqo har ya/abuuse kilós ina mét.

2 Timoteo 3:8

Adoodár aáng Yane nee Yambre tira tlaampa'aamisiyé' nee Mose, adoorí an adór hhawaateeká' sleeme tir tlaampa'aamisiya' nee looeema. Mukwí a múk aa fuqureemo hhitiruumiit, slám haratlintaaor'ín i qoondaaká.

2 Timoteo 4:15

Ala kuúng ti harmagahh dír heesinge, asma inós axweesanayrén guna ló'wa sií'.