Matayo 22:9 - Biblía Axweesantá Hhohho' ar Mungú 2004

⁹ Ala tlawsé', tsa/amé' amór lohaá uren, muu sleémeero oo taa aandé' amór doó duuxórí ateetare'.›

Ya/abtór hho' 1977

⁹ Ala tlawsé', tsa/amé' amór luhuudá' warangi, muu sleémeero kudá' taa aandé' ateetare' amór doó duuxór i alé.’

Matayo 22:9 Iomraidhean Croise

ESEKIELI 21:21

Waawutmoó Babuloni i sihhimiit dír iimu/úngw lohuuká' tsár, dír waatsarár lohuuká', as tlaa/e ngiwa didá' wa xui. Tlangaasirós gari diingiis, slaqsi'iidaá munguiiwós kudá' giri kaangwí yaahaas, nee de'ér makiito'ór taa ilahhooár wa haniís gari xuuxuu'.

OBADIA 1:14

Geeraawo masók ana sihhiti'iiká dír loohír waatsara, as mukdaádá' naa /akumiit kuwa ohiinda'. Geeraawo masók muk'ín kudá' aa meet una duxká amór wakuuser'ín bál deelór slahh'amuuwo.

Matayo 20:7

Inooín nguri bayé', ‹Asma heé atén taa gadiyeé i haniis i kaahh.› Giri báy, ‹Kuungá' sleeme tlawsé' ay baraá qaymór sabiíbu.›

Matayo 22:10

Lawaaleerós tidá' iri tleér baraá lohu, muu sleémeero kudá' taa qo ari kuri burumbuúr, múk tlákw nee múk hhoe. Doó duuxo iri haáts.

Matayo 22:8

Waawutmoodá' lawaaleerós gari báy, ‹Muruú /ayma aa hhooáy, ala mukdá' taa dahi'ís aa harinká.

Luka 24:47

Nee sleeme kaa gooín tawa kaahi, ‹Kaangwí ku alki/iit ar umuueé' dír xoordu sleémeero tawa kaahi, hhu'u'uumé' as gurtleemuú tlakweema kuwa sleera'.› Kaangwí dír kuwa iimu/un an Yerusalemu.

Tlehhema'aá ya/Abuuse 13:47

Asma adoorí an adoodá' Aako naa oó', ‹Aníng kuúng una qaás tawa gwa/aateemaá múk xoordu, as tawa loohír ba/ama tam ay alhhe'eesoó yaamu, as ba/amar'eé' muu sleémeero nguwa i hardat.› »

Efeso 3:8

Aníng ti niiná ta múk Mungú sleémeerowo. Ala tam adoorihe Mungú aníng ina tsuúq, gadiyeé ngiri aníng i haniís, ar Ya/abtór hho' ngiwa alki/iit dír múk xoorduwo. Ya/abtoorí a kángw daqaari'iimár Kristo tidá' faarooro ta aleeslayká.

Geehhoeemaá 22:17

Qeeru nee dasiidá' ta duxuuti ta kaahi, «Qwaláng.» Nee heé adoodá' gaa axaas i ooi, «Qwaláng.» Nee heé aa waxiit ni hardihi, nee umuúqo heé ma'aá slafiingw gi slaá' ngi taataahhi awa bu'utu wasl.