Matayo 22:4 - Biblía Axweesantá Hhohho' ar Mungú 2004

⁴ Lawaalér hatlá' gari male ya/aáw, gana báy, mukdá' taa dahi'ís bawaagáy, ‹Ga/aawaak, muruú /aymar'eé' ugwa amohhe'eés, awe nee damaay kudaádá' wahhaará' iga hhe'eés tsu/utaaro, nee mura' sleémeero aa hhooáy. Qwalaasaré' amór doó duuxo.›

Ya/abtór hho' 1977

⁴ Lawaalér hatlá' gari male ya/aáw, iri oó', ‘Mukdá' taa dahi'ís bawaagáy gídaabá, ga/aawaagáy, muruú /aymar'eé' ugwa amohhe'eés, awee nee damaay kudaádá' wahhaará' iga hhe'eés tsu/utaaro, nee mura' sleémeero aa hhooáy. Qwalaasaré' amór doó duuxo.’

Matayo 22:4 Iomraidhean Croise

NEHEMIA 9:17

Niri iialooeesi'iiká, muruú waa/oo/amo oo taa tla/angw'ín wa tléhh ngwa inslay'iiká. Da/ewer'ín ngay gawdesiyé', geeraharusmo ngway qaasiyé' oo gi ki/ís baraá lawaali'iimár yaamaá Misri. Ala Mungú, kuúng tu inslaáhh gurtleemuwo, a gurtleemuú koón nee tsuuqaawo, kuúng tu inslahheeká buhhtaawo. Kuúng sla'aarirók i warqeeraaká, as adoorí inooín iga kwahhká.

WARA'AMI 86:5

Kuúng tu hhoó', Aáko, tu amohhoó' gurtleemuwo, nee sla'aarirók i warqeeraaká, dír kudá' sleémeero kuúng u ateetima'a.

AXWEESANOÓ SAGALOOA 15:17

A tsiní múk ti slaá' oo fa/ar'ín /aáy ar naanuú bó/, ta múk taa wakawaki oo /ayiím ar fu'unaá awú wahhaár.

DAA'AANGW 5:1

Aníng an dáh baraá asalmooeé', hho'or'eé', sla'aaruso'or'eé' ar ni duxuut. Manemáner'eé' nee muruú mooyángw kooma un burumburiím, xaaramtaeé' ar danú a /aáy a difaáir'eé' nee ilwaaeé' wahaám. Mulqer'eé', /ayiimé' nee wahaamé', wahaamé' ló'wa ale, sla'aaruuser'eé'.

Matayo 21:36

Sagadiyuusér hatlá' ar yaariir, tidár geera ba/a gari malé ya/aáw. Kari malé adoodá' laáq.

Matayo 22:5

Ala inooín kaa gaárií xuiiká. Tana tlatláy, kooko ina baraá qaymoorósí tláy, kooko ina baraá halaanu'uumarósí tláy.

Matayo 22:8

Waawutmoodá' lawaaleerós gari báy, ‹Muruú /ayma aa hhooáy, ala mukdá' taa dahi'ís aa harinká.

Luka 14:17

Qoomár muruú /ayma iwa xeér, lawaalmoowós guri ya/aáw, dír mukdá' taa iigu'uús, nguwa bay, ‹Qwalaasaré', asma mura' sleémeero daxta kwaa amohhe'eés.›

Tlehhema'aá ya/Abuuse 1:8

Ala kuungá' /uuru u sleerá' bál Qeeruú hhoohhoó' oo Mungú burna i hardáh. Nee kuungá' aníng iri lamabu'uundá' baraaká' Yerusalemuro, nee baraá Yudea sleémeero, nee Samaria, tam ay alhhe'eesoó yaamu.»

Tlehhema'aá ya/Abuuse 13:46

Paulo nee Barnaba tari axweés ar pihh'uuma. Tari oó', «Axweesantá Mungú geeraawo gár kawa hariím a kan dirhúngí alki/iit. Ala bar kuungá' ana sié', nee slám bar aga aandé' adór slafíngw alhhe'eesay wásl kur sla'a'aaká, gimsé', atén aga warqawaán amór múk xoordaá hatlá'.

Rumi 8:32

Mungú tam Garmaawós gwa ilaa/iiká, ala nguri haniís iwa gwaai as atén sleémeero. Munguúwí mura' sleémeero ngu aténí haniísiíke dinkwa nee inós?