Matayo 22:16 - Biblía Axweesantá Hhohho' ar Mungú 2004

¹⁶ Eeharuuser'ín dinkwa nee múk Herodewo, kiri ya/aáw amór Yesu tari oó', «Intsaahhatusámo, atén a xuaán adór kuúng tar heé ló', nee loohír Mungú adoodá' ir gana' tinar intsaahhatimís, tam kángw uroó hee u yaahamiská, asma hhohhoartá muu a ga/eeraaká.

Ya/abtór hho' 1977

¹⁶ Eeharuuser'ín kari ya/aáw amoorós i alé dinkwa nee múk Herode, tari oó', “Intsaahhatusúmo, atén a xuaán gídaabá kuúng a heé ló', nee loohír Mungú adoodá' ir gana' tinar intsaahhatimís, tam kángw uroó hee u yaahamisaká, asma hhohhoartá muu a ga/eeraaká.

Matayo 22:16 Iomraidhean Croise

1 WAAWITÁ 22:14

Ala Mikaya iri oó', «Adoodá' AAKOÓ MUNGÚ ir hotaatina, axweesantadá' AAKOÓ MUNGÚ iga báy an tidá' ni oó'.»

WARA'AMI 12:2

Sleémeero axweesanay'ín a axweesanoó lama. Afer'ine a waaqoduuse nee baraá muner'ine a al/aymuuse.

WARA'AMI 5:9

Axweesanoó wakuuser'eé' i looeemaá konká, gár i slaiya' aqo hhita. Baraá afer'ine axweesanoó ti'iimiít oo al/ayma. Afer'ín i háts axweesanoó tsu/utár muko.

WARA'AMI 55:21

/Aymi'iiwós i tsuiyá' di/tá /awak ba/a. Ala muunaáwose gaa a slaqwara. /Aymi'iiwós i natsaatsaiyá' adór di/i, ala i tlaaqaná' adór siíme.

AXWEESANOÓ SAGALOOA 29:5

Heé ti sla'atamís dír inslaawmoowós i ale A hima gun baraá istós i qamín.

MALAKI 2:6

Hara'ayár ló' i baraá afkós, tam al/ayma i káhh baraá afkose. Ina hi'iimiít dinkwa nee aníng ar wayda nee gan'amu, nee awa yaariir nay warqayé', tlakweema ngay mayé'.

MALAKI 2:9

«Gawaá adoorihe aníng kuungá' naa gár waaqa'atiit tleéhh, nee daqatlaakw, dír geeraá muu sleémeero, ar adoodá' hara'ayar'eé' kawa gaárí xua'aaká, ala muu una barqaantusé' baraá hara'ayar'eene.»

Matayo 22:24

kuri báy, «Intsaahhatusámo, Mose tina báy, ‹Hee bira gwaá', harér aa geexáy bir na/aá koondaaká, hhiyaawós ngi aali, as doó hhiyaawós nguwa tleesi.›

Matayo 22:26

Oo tsár sleeme gari aál, nee oo tame, ay sleémeero faanqwamaawo kari aliít.

Matayo 26:18

Yesu iri oó', «Tlawsé' baraá gixsa, dír doó heeko, ku beera', ‹Intsaahhatusmo i kaahi, Qoomar'eé' naa tseewuúr. Án muruú /aymár Pasaáka u dír do'ók wa /aáy, dinkwa nee eeharuuser'eé'.› »

Matayo 26:49

Siiwadár kilae Yuda niri hardáh dír Yesu, iri oó', «Intsaahhatusámo laawaay!» Guri ma'aás.

Marko 10:17

Qoomár Yesu iwa baraá aaií tlatlay, heé wák guna i daqáy ar gaanslaay guri i tumbarara'aát, guri yaahaás, «Intsaahhatusmoó hhoó', adór ni laaq a adoomá ar slafíngw alhhe'eesay wásl ngur aal?»

Marko 12:13

Múk Farisayo bahh'alé nee oo Herode kuri amór Yesu i ya/aáw as kuwa yaahamiisi ar iiara, as kuwa oohár wa slai.

Marko 12:14

Tawa dirós i hardáh, kuri báy, «Intsaahhatusámo, a xuaán adór kuúng tar heé ló', tam kángw uroó hee u yaahamiská, tam hhohhoartós, ala loohír Mungú adoodá' ir gana' tinar intsaahhatimís. Xáy, i ganá'a waawutmoó múk Roma kuwa koódírií hanisaan, laqaá i gan'aká?

Marko 3:6

Siiwadár kilae múk Farisayo nee múk Herodewo tari ti'iít, tari kwasleemuút daanduú Yesuwo, as adór kur gaasi kawa slay.

Marko 8:15

Yesu giri gurbuú' giri báy, «Ga/aawaak, ti harmagahhe' nee gár ta mikaátér sluuftimiisi ar múk Farisayo nar múk Herode.»

Luka 20:21

Yesu kuri yaahaás, kuri báy, «Intsaahhatusámo, atén a xuaán kuúng tidá' ganaa' an kát nee an intsaahhatimís. Slám kángw uroó hee u yaahamiská, ala loohír Mungú adoodá' ir gana' tinar intsaahhatimís.

Luka 7:40

Yesu iri ilawaáts, iri oó', «Símon, gár ni kuúng i ooár wa slaa' i deer.» Iri oó', «Intsaahhatusámo, ooang.»

Yohana 14:6

Yesu iri oó', «Aníng an loohi nee looeema nee slafiingw. Heé naa dir'ér oohiiká, i amór Baabá i hardihiiká.

Yohana 18:37

Pilato guri yaahaás, «Ala kuúng a waawutmoówoóke?» Yesu guri báy, «Kuúng an kát adór aníng tar waawutmo. Aníng gár tisa laqwaál nee gár nisa hardáh baraaká' yaamií alé, a tí kilós, ‹Kángw looeema nguwa kah. Umuúqo heewo oo bartá looeema, axweesante'eé' ga axamiis.› »

Yohana 7:18

Heé sagós ar axweés, xirfuú i leelehhiiti a kós kilós. Ala heé xirfuú heé inós ngwa ya/aaw gu leelehhiít, heedá' a heé ló', nee baraawose al/ayma i káhh.

2 korinto 2:17

Asma atén axweesantá Mungú a halaanu'uumár ar tlehhiitanaaká as slaasláw kawa slawaan, adoodá' múk yaariír i tlehhaahhiiti. Ala atén axweesantá Mungú an alki/iitaán ar muunuú /awaák ar baraá Kristo, adór múk Mungú aa ya/aáw nee oo geeraawósí sihhiít.

2 korinto 4:2

Atén tlehhemi'iidá' sleémeero awa getlakw nee awa murér koomá' iga mawaán. Al/ayma a tlehhiitanaaká, nee slám axweesantá Mungú a warqeemisanaaká. Ala atén tin kiloorén xu'utisaán dír umuúqo heewo, ar looeema kiwa alki/iitaan ar geehhooeema dír geeraá Munguhe.

2 korinto 5:16

Gawaá adoorihe iimír hamí atén hee u tsatsahhaamanaaká ar adór slaqwa. Aáng atén Kristo una tsaahhaán ar adór slaqwa, ala tam adoorihe hamí u adoodár tsatsahhaamanaaká.

Galatia 1:10

Kuungá' ka xua', aníng axweesanaywí un axweésa, as muu aníng iwa ya/an, laqaá Mungú? Kuungá' ka xua' aníng gár ni leelehhiit a sla'atisár múko? Án barnaxes tam hamí a kumiít muu nguwa sla'atimis, daqaní aníng a sagadiyusmoó Kristowooká.

Galatia 2:6

Ala mukdá' tawa kaahi a geeraharuuse, inooín gár hatlá' taa doók i káhh gawaá tidá' aníng naa intsaahhatimisi. Ala inooín tam i uroó kon'a a gaarooká dir'eene, asma Mungú i uroó heé fadiitiiká.

DABE 33:9

Inooín xwaylitér'ín ngina geexayé' nee hhaeeín ngina gaárí xui'iiká, nee na/ii'ín ngaa gaárí xui'iiká, asma axweesantók ngina harmagaahhiyé', nee alqadoorók ngina amohhe'eemisiyé'.

1 Tesalonike 2:4

Ala Munguúdá' muneerén ga xuú', inós Ya/abtór hho' ngina atén i saayín. Atén Ya/abtoorí an alki/iitaán ar adoodá' inós i slai. Atén heé ta sla'atimisaan i kaahh, ala heé ta sla'atimisaan a Mungú kudaádá' muneerén ga xuú'.

Yakobo 3:17

Ala sagalooadá' gawaá dooraá daahh a adoorí, gár geera ka hhoohhoo'. Slám i wayduú koón, nee ka tsatsa'aar. Nee slám axweesanoó muu gu huwaahúp. Nee slám fola i kaahh dirose, laqaá hhaahhafiingw.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.