Matayo 21:5 - Biblía Axweesantá Hhohho' ar Mungú 2004

⁵ «Múk gixsár Siyoni bawaak. Ga/aawaak, waawutmoohúng ni amorhúngií hardáh. Inós ku tsá'. Aa tsa/án gawaá daqwaay, nee gawaá gwarendmoó daqwaay.»

Ya/abtór hho' 1977

⁵ “Múk gixsár Sayuni bawaak. Waawutmoohúng naa hardáh dirhúng. Inós ku tsá'. Aa tsa/án gawaá daqwaay, gwarendmoó daqwaay.”

Matayo 21:5 Iomraidhean Croise

IIMU/UUNGW 49:10

Yúda, hhartá waawuti'iima i baloó qutlaaká diroge, nee xwaylarók deelo sleémeero in waawuti'iín, ay dír heé waawuti'iima loó' nay hardihi, kudá' xoordu ni ilaiwawa/iya'.

2 SAMUELI 16:2

Waawutmo Daudi Siba guri yaahaás, «Gár muruuwí ngusa húp?» Siba guri báy, «Daqwaaye ar múk do'ók ar ta ii tsa/aa/an, mikaáte nee mamaá xaai kukaá qoomár age awa masoomba sleémeero, difaái ar mukdaádá' /araraám waxeero baraá xaanxáy wa ale.»

1 WAAWITÁ 1:33

Waawutmo giri báy, «Tlawsé', kuungá' nee sagadiyuusér hatlá' ar aakoohúng, Solomon garmaaeé' tsa/aasaak gawaá daanduú wayshamooeé', kur /etá' ay gixsár Gihoni.

1 WAAWITÁ 10:26

Solomni gaardaá ta uuruxun giri burumbuúr nee mukdá' farsuú i tsa/aa/ama, inós gaardu ngi kon a kumuú wák nee tsiire tsiyáhh, nee múk farsuú i tsa/a/ám a kume mibaá nee tsár, kudá' aa qaás baraá gixsadaá gaardu, nee dír waawutmo baraá Yerusalemuro.

WARA'AMI 9:14

Asma xirfuuwók sleémeero nguwa alki/iit, dír afér gixsár Yerusalemuwo. Ba/amarók an sa qwalaalaá/.

ISAYA 12:6

Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

ISAYA 40:9

Kiíng Siyoni tsa/ám gawaá tloomár tleer, kiíng gixsár Yerusalemu, tseé' ar afór ur, ya/abtór hho' alki/iiteek gixsadaá Yuda kibeer, «Munguúhúng ni hardah.»

ISAYA 62:11

Ga/aawaak, AAKOÓ MUNGÚ kaangwí gwaa alki/iít ay ku/uyaá yaamu, múk Siyoni bawaak, «Ga/aawaak, ba/amusmoohúng naa hardáh. Nee qeemuuwós gu kón, bu'utuwós i dír geeraawós.»

ESEKIELI 34:24

Ala aníng AAKOÓ MUNGÚ tari Munguúín nee sagadiyusmooeé' Daudi tari geeraharusmooín. Anuú AAKOÓ MUNGÚ tí ngina oó'.

ESEKIELI 37:24

Sagadiyusmooeé' Daudi inooín gin sawaawuti'ín, eeít, kiri de'én nee de'eemusmoó wák. Inooín daber'eé' ngin harmagaahhiyá' nee kaahir'eé' ngin oohiyá'.

HOSEA 1:7

Ala múk Yuda u gurtláw. Aníng AAKOÓ MUNGÚ, Munguúín, in ba/amís. Slám i ba/amisaaká ar ga/ale, laqaá ar paánga, laqaá ar slaqwara, laqaá ar faras, laqaá ar múk faras ngwa i tsa/an.»

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

FAARO 24:19

Heeko baraá xwaylár Yakobowo i waawuti'ín, inós múk aa meet baraá gixsaaro gun qororo'oos.»

Matayo 11:29

Taqwante'eé' gawaá sum'iihúngií qaasaak, dir'eé' wa intsatsaahhaak. Asma aníng ti tsatsaa'aár, nee muunaáeé' ku gurhhoó'. Daqaní kuungá' amohhooa a sleerá' baraá munerhunge.

Matayo 2:2

Iri ó', «Waawutmooduú múk Yahudi taa laqwaál i amá? Asma atén tsatsee/irós ana araán da/aáw wa ale. Nee atén nguna xirfayeemisuú awaán.»

Matayo 2:6

‹Kiíng gixsár Betilehemu ar baraá yaamaá Yudea, kiíng ti baloó niinaweeká baraá gixsadaá Yudeawo, asma waawutmo i ti'iit baraawoge oo muk'eé' oo Israeli gu de'eém.› »

Matayo 21:6

Eeharuusér aáng iri tleér, adoodá' Yesu ngira oó' kari tleéhh.

Luka 24:27

Yesu muruudá' sleémeero Gooi i kat daanduuwose guri dir'ín i xu'utimís, guri iimír kitaaba'aá Mosé wa iimu/ún ay aaruuse sleémeero.

Yohana 1:49

Natanaeli iri oó', «Intsaahhatusámo, kuúng a Garmoó Mungú. Slám kuúng an Waawutmoó múk Israeli.»

2 korinto 10:1

Anuú Paulo kuungá' nun harhheehhe'eemiís, ar tsatsaa'areema nee ar hhooeema ar adoodár Kristo. Kuungá' a kata', aníng a heé da'ayusmo qoomár bar dír geeraahúngií dirií', ala aníng a heé xaraásl qoomár án bir ti saáw dirhunge.

DABE 17:16

Dinkwa nee tihe inós masók a heé farsuú yaariír gu leelehhiitaaká as slaqwaruuserós, laqaá masók a heé muu gu baraá yaamaá Misrirí ki/isaaká, as farsuú yaariír kuwa sleera'. Asma AAKOÓ MUNGÚ taa gurbuú' iwa kaahi, ‹Ma baloó baraá yaamaá Misrír i ki/aara'.›

HAR'OHUUSE 12:14

Inós daaqaay ngu kon a mibeeri tsiyáhh, nee na/aá naangós a mibeeri tám, inooín daqwaayér mibeeraá faanqw nginar hi'iimaamitiyá'. Abdoni tari har'ohusmoó múk Israeli har afiqoomár kureeraá dakaate.

HAR'OHUUSE 5:10

«Kaangwí ilaharisaak, kuungaásingaá daqaare awa daqwaayér /awak aga i tsa/aande', nee kuungásingá' iwaawitá' baraá hhafetaá tlaxo gawdén wa alé, tam kuungaásingá' hi'iimitá' lohuuwo, kangwsíng alki/itaak.