Matayo 21:44 - Biblía Axweesantá Hhohho' ar Mungú 2004

⁴⁴ Umuúqo heewo oo gawaá tlaa/arí huú', aqo in qeqtaatín, nee slám umuúqo heewo oo tlaa/arí i i hu', aqo gun naasuúr.]»

Ya/abtór hho' 1977

⁴⁴ Umuúqo heewo oo gawaá tlaa/arí huú', aqo in qeqetaatín, nee slám umuúqo heewo oo tlaa/arí i i hu', aqo gun naasuúr.]”

Matayo 21:44 Iomraidhean Croise

WARA'AMI 2:12

as miwa buúhh, kuungá' tay qwadá' baraá loohi, asma buhhtaawós ni hardihiyá' ar gaanslaay. Kudá' sleémeero ngwa i guwiye' ki amohhoo'.

WARA'AMI 2:9

In naasuúr ar hhartá muqsli, kiri parhhamís adór xooslmoó tleei.› »

ISAYA 28:13

Gawaá adoorihe, AAKOÓ MUNGÚ inooín gin adór na/'ií wa i axwees, hara'aya gan daanduú tiqá' wá oo', axweesani gan daanduú tiqá' i tsa/aas, daqtihe tí gan oo', daqtihe tiqá' gan oo', as kahhó' niwa /akumiitiya' niri alií huuhu'uná', niri qeqtiná', kiri uhín, kiri ar tláy.

ISAYA 60:12

Umuú waawuti'iimaro laqaá xoororo, tidá' kiíng i sagadiyusaaká, ka hhaamiis, xoorduuká' ki ló'wa qwaarees.

SEKARIA 12:3

Baalaadae aníng gixsár Yerusalemu aa tlaa/ár iiloo' tleéhh dír muu sleémeero, umuúqo heé ga iiara tin kilós mutaaúy, nee xoordaá daanduú yaamu sleémeero gixsár Yerusalemu gin i haratlayá'.»

Matayo 21:43

«Gawaá adoorihe án kuungá' nu baw, ‹Waawuti'iimár Mungú ka hingees dirhunge, nee kari haniis dír xoorór tlehhema'aá waawuti'iimadá' wa hariim gi tlehhiit.› [

Matayo 21:45

Kaahamuusér uren ar Mungú nee múk Farisayo slaqsi'iiwós kudá' kiwa axaás, kari tsaáhh adór múk i kaahi tar inooín.

Matayo 26:24

Garmoó Hee inqo tawo amór gwa'arár i hi'iit, adoodá' gooi i kat daanduuwose. Ala heedá' Garmoó Hee gu sakií/, hhiintluuwós ku gawít. Inós a tsiní geera bur kwa laqwaaliiká.»

Matayo 27:25

Muu sleémeero iri oó', «Tseereerós atén nee na/iirene ti i ki/.»

Luka 2:34

Simeon giri tsuúq, Maria aayír na/aay gari báy, «Ga/aaweegáy, kwí kwa qaás asma awa yaariir niwa huuiya', nee kuqá' niwa sihhiitiya', baraá múk Israeliwo, nee iwa laya tleehhiti ar tar kaangaanuusi,

Luka 20:18

Umuúqo heewo oo gawaá tlaa/arí huú', aqo in qeqtatín, nee slám tlaa/arí bar hee ngwa i hú', aqo gun naasuúr.»

Yohana 19:11

Yesu iri oó', «Kuúng aleesleemuú ta koon daanduueene i kaahh bar geera Mungú ngwa kuúng i haniisiiká. Ala heé aníng iga dabaawók i qaas, tlakweemaawós ki ak ur.»

Rumi 9:33

Adoodá' kara gooín, «Qaytsiít, aníng tlaa/anoó dukuutsmo u qaás baraá Siyoni, nee tlaa/ár muu gu daraahh. Ala umuúqo heewo oo inós gwaa haratlintii' ku mureekeesiiká.»

1 Tesalonike 2:16

Asma inooín atén tin ila/aná' as Ya/abtór hho' mawa alki/iitaán dír múk xoorduwo, as matawa ba/án. Gawaá adoorihe inooín harqoomayduú tlakweemaaín kun hatsmiis. Ala hám daxta sakwasleemár Mungú gaa i hardát.

1 Petro 2:8

Nee kaa malé gooín, «tlaa/ár inooín gi dukuuts, nee tlaa/ár inooín ta i huui.» Inooín Axweesantadá' haratlintaaooro kan siaasii'. Gawaá adoorihe axweesantadá' iri dukuutsmo tleehhít dir'ine, asma gaarí an gár Mungú aa qoomeés daandeemooine iimír iimu/uungo.